مبروك التجمع الجديد��

لصوقة
ملبوس العافيه ...وأخيرا الحلم أصبح حقيقة ورحتي سنتر....عقبال ماتروحين نعومي تقشين للأربعين
عندي سالفة تقرقع في قلبي....وأنا أتصفح التجمع من الموبايل مايبان طبعا اسم العضوة إلا لو رحت ليمين الصفحة وغالبا أعرفكم من توقيعاتكم>>>عشرة عمر
المهم أشوف وحده مسويه اقتباس لأكثر من مشاركة ويوم أنزل إلا توقيعها غريب علي فيه هرمون لقافة وملف وماتحلل....المهم أرد أطلع فوق تطلع لي لصقة جونسن....
المهم ياطويلة العمر أنا دشيت لملفك بالغلط والشاهد الله بالغلط أول ماسجلت في المنتدى ولأني كنت متوهقه طلعت من ملفك مباشرة حتى ما قرأت شيء والله وتالله وبالله...لاأخفيك يوم دريت إني دشيت ملف كبيرة المحررات خفت لا يلغوا عضويتي بسبب خطأ غير مقصود...وكل ما اشوف توقيعك أركب الحنطور أقول بأعتذر لها بس قلت طالما أنا ماقرأت شيء ماله داعي الإعتذار ويوم لقيت السالفة تطورت والتوقيع هم تغير أوجبت على نفسي الإعتذار والتوضيح...
أبدا والله ماني من النوع إللي يثير توقيعك فضولي بس قدر الله وما شاء فعل...هذا والله على ما اقول شهيد>>>حشا جلسة قضاء

كروشات الغثيان ذابحني والنفسية خياااااس يارب لك الحمد
وماني راضية أشوف التقويم أبي الأيام تمر بسرعة ماكو فايدة أشوف اليوم التقويم لسا أنا في الثامن كان ودي ماأشوفه ألا وأنا لي أسبوع في التاسع>>>حشا غيبوبه:35:
أمس كان حفل تكريم سجى بنتي الله يحفظها لحفظها جزء عم في الدار ومن قبل 3 أيام وهي تترجى فيني أجي وأنا ضاغطة على نفسي إلا أروح ويوم طلعت العصر خلاص ماما أستنيك وأنا أقولها أكيد كم عندي سجى والله والحيل مهدود...بس صليت العصر ونوووووومه على السجادة لمين أذن المغرب وجات زعلانه علي تقول خليت الورد على الطاولة لأنك ماجيتي كنت أبي أعطيك إياه وحتى الجاتو ماكليته...أحسست بتأنيب الضمير بس والله غصب عني:44::44:

شموسه
كيفك؟
والله لك وحشه يالدبه
كيفك وكيف اسيم ؟
الله يعين ذا البزران تعبوا من تغير الجو بنتي ماتقدر تكلم الصوت مبحوح وفيها شوية كحه ودي اوديها المستشفى اخاف يغلطون بالتشخيص زي المره اللي راحت

نس نس
تردين من جده بالسلامة..وتستانسين بإذن الله...وخذي بالك من عمرك بخصوص السكر...الله لايضيع لك تعب وتقومين بالسلامة إنتي والبيبي
بيرو
مايشوف شر أبو الشباب العافيه قدامة
قلب سعود
طمنينا عليك يالغلا....عساك أحسن من أول
فتو
فوضي أمرك لله...ولسى الدنيا بخير .... وعلى باله الدنيا فوضى بياخذها ....الحمد لله نحن في دوله تطبق الشرع والحق معاك في الحضانه...هذا لو تطورت الأمور ...الله يهدي سرك ويرد لك زوجك ردا حميدا