بالنسة ليا قبل كرونا ما يجو أغراب إلا نادرا
عادة أهلي يجو في المستشفى بس ما شاء الله كثير .. يعني المستشفى يكون فيه استقبال وهو أكثر شي اتجهز له .. خالاتي وعماتي وبناتهم الخ
في البيت بعدها ممكن بعضهم يكررو الزيارة بس الأغلب لا نفضل زيارة المستشفى أخف
وعادة محد يجي إلا بعد اتصال يعني ممكن يوم واحد في الاسبوع وما يكونوا كثير
الأن مع كرونا مرة مو عارفة الصراحة ولا في أحد ولد عندنا قريب عشان أعرف النظام كيف
بس غالبا .. على وقت الولادة إذا في زيارة في المستشفى راح يكون فيها استقبال ( شوكولاتة وموالح وبيتي فور الخ ) اتوقع راح يكون العدد أقل بحكم كرونا
وفي بيتي إذا أحد يبغى يجي اجهز يوم في الأسبوع وعلى حسب مين جي اشوف يا ضيافة خفيفة يا أعمل عشاء
بالنسبة لزميلات الدوام .. ولادتي السابقة كانت مدرستي في مكة وانا من جدة فطبعا محد جاني .. احتفلو بعد العودة في المدرسة بس برضة ما اتوقع أحد بيجي مع ظروف الكروونا إلا واحدة أو اثنين
وبصراحة أتوقعت أني راح اكون متحمسة أجهز للاستقبال بس حقيقي مالي نفس أتوقع كرونا غيرتنا .. وخوف من العدوى .. والبيبي الرابع كمان .. بس اضغط على نفسي أقول بكرة تقول ليش ما عملتيلي زي اخواتي
افكر في البيت اجيب توزيعات إذا في أطفال (رغم أني ما اتوقع ) حلاوة واشياء بسيطة .. إذا اتسهلت
جبت بلونات وخرابيط من شي أن لعيالي يفرحوا بيها أنه جاتهم أخت
المفروض أشتري فناجين وأشياء لأني محتاجتها في البيت أصلا .. بس ما خرجت وخلاص ما بقي شي على انتهاء مهلة الدخول فتركتها على الله بالتساهيل
moontt
•
ديالي :
ياحلوات متى ندخل الشهر السادس أنا بنهاية الأسبوع 22 والحاسبة الوردية حاطتني للحين الشهر الخامس😅 الشهر السادس على كذا يبدا من 23 ؟ وينتهي ب27 ؟ياحلوات متى ندخل الشهر السادس أنا بنهاية الأسبوع 22 والحاسبة الوردية حاطتني للحين الشهر...
انتي بالشهر السادس ع الجدول الي منزلته د مها النمر السادس يبدا من ٢٢ الي ٢٦
الصفحة الأخيرة
الحاسبه الورديه حذفتها عقدتني الشهر الثالث