رائحة التوليب :

ياني انقهرت من ام زوجك قهر اعوذبالله من لسانها الله يكفيك برضاه عن البشر يا اختي شوفي ما اقول الكلام وانا ادعي المثاليه انا عندي بنت وزوجي بحملي داه من البدايه يدعي الله يجينا ولد يقلي سند لك ولاخته ((هذا الكلام ما اعترف به )) المهم كل مارحت اكشف يقولولي امكن او احتمال بنت محد يقلي اكيد .. و شكله يقلب ب ومايقولي شيء بس زعلت ليش يقلب احس يضيق خلقي اسلوبه والى الان ما ذبدت له كذه تكه واعطيه هلى راسه كلام يخليه عدى .. تلمهم تعتلي صفي جنبي معك ام البنات ولو قهوتك حلوه جيبي معك ترمس تراى قهوتي ماسخه ما تنبلع وتعالي احكؤك عن قريبتي لعلى الحكايه تكون سلوى لك هاذي ياقلبي قريبتي تحمل تجيب بنت ولين رابع بنت والناس شغالين وام زوجها نافخه من بناتها .. زوجها كان واقف بوجه كل من يقول شيء عن بناته . صارت من شفقتها على الولد تروح ترضع اولاد قرايبها تقول ماعند بناتي اخ اهو بالرضاعه احسن من عدمه .. يوم جابت البنت السادسه كنت عمدها بالبيت يجي اتصال لزوجها ايام التلفون واقوم اشيل التلفون وامده له من ورى الباب والسلك قصير يا دوب .. الظاهر قاله المتصل الله يعوضك بأولاد او شيء من كذه قام الرجال يصيح ويخاصم و يهزئ ويقول بناتي على راسي وما في منهم وانا راضي ووووو والله يانه قوي ماشاء الله عليه قدر الله يتوفى وبنته السادسه عمرها سنه بكت زوجته سنين .. كل كلامها كان بناتي مالهم سند بناتي مافي من يحميهم ووو .. تفكير المجتمع طاغي عليها راح الي كان يوقف بوجه الناس اكلوها تعبوها لين امرضوها ... له الان متوفي امكن ١٥ او ١٦ سنه الله يغفر له ويرحمه تهالي شوفي الخطاب على بابهم صفين عرسان الكل يتمنى ياخذ منخم بنات ادب اخلاق علم ماشاء تبارك الله .. بناته السته في رمضان ينزلوا الحرم يسوا عمره لابوهم السته .. تخيلي عظم المسأله .. متى نكون احوج لذريتنا .. واحنا بقبورنا .. بناته تبارك الله الغالبيه بأقسام طبيه .. شايلين امهم شيل والاحلى كل وحده فيهم ما تخلي امها ولا ٤ ايام الا ولها زياره حتى ازواج بناتها ماشاء الله مسخرين لامهم .. ازواج بناتها كل واحد ياخذها سفره للخارج .. عرفت الخير يوم بناتها كبروا ويوم صار الي يتشمت عليها يدق بابها يخطب بناتها وهي تتشرط وتختار احسن عريس لبنتها . العبره في تربيتهم .. العبره في صلاحهم .. العبره بعد عمر يكونوا من ((ولد صالح يدعوا له ))

ياني انقهرت من ام زوجك قهر اعوذبالله من لسانها الله يكفيك برضاه عن البشر يا اختي شوفي ما اقول...

Rsa369 :

حبيبتي وضحي لزوجك ان المسؤول عن تحديد الجنس هو الرجل ، المرأه ابداً مو مسؤوله

حبيبتي وضحي لزوجك ان المسؤول عن تحديد الجنس هو الرجل ، المرأه ابداً مو مسؤوله

ام روق العطاوي :

السلام عليكم كيفكم بنات يعطيك العافيه ضحى ع التجمع اليوم تاكدت من جنس الجنين الحمدلله طلع مع بنوته الله يصلحها هي وخواتها ويرزقني بعددها بذكور صالحين يارب بنات احس كان شي في نفسي يكون هالحمل ولد وخلاص اقفل لان تعرفون امهات البنات يناظرون لهم بنظرات شفقه لين تجيب الولد واحس معد فيني حيل للحمل والولاده الله يعين ع هالمجتمع لي ١٠سنين متزوجه عمري ٢٦ سنه احس كلها حمل وولاده تعبت ☹️💔 فضفضه لااكثر

السلام عليكم كيفكم بنات يعطيك العافيه ضحى ع التجمع اليوم تاكدت من جنس الجنين الحمدلله طلع مع...