مو بس الأجنبيات .. فيه كثير عرب وسعوديات كذا بس هنا البنات مايقدروا يصوروا وينشروا صورهم وفديوهاتهم زي الاجانب وكدا ..
.
وإذا الحمل كان سليم فعادي مافي مضره لا لها ولا للجنين إلّا بالعكس تستفيد وجسمها ولياقتها تصير أفضل ..
.
احنا عندنا عادات وموروثات كثير خاطئة فتلاقي أمهات مواليد السبعينات نادراً لو حامل ترقص وتسوي رياضه ..
لكن حالياً أمهات مواليد التسعينات زاد العدد لأنه الوعي زاد وصاروا أكثر قابلية على عالم الرياضه وفتحت نوادي نسائية أكثر ..
.
وطبعاً الي عندها مشاكل في حملها ولا تفكر تسوي وتبعد عن دي الأمور وبعد ماتولد بالسلامه تسوي كل الي نفسها فيه ..
مو بس الأجنبيات .. فيه كثير عرب وسعوديات كذا بس هنا البنات مايقدروا يصوروا وينشروا صورهم...
.
وحتى المستشفيات الكبيرة الي في جده الي كانوا يحطوا قارورة الحليب في عربية المولود ويدفوه الين غرفة الأم <<< دحين هذي المستشفيات صار ممنوع عندها الحليب الصناعي وخصصوا غرفة خاصه للمرضعات في المستشفى وقابليتهم على شق العجان صارت أقل من زمان <<< فبالتالي صرنا احنا الأمهات الجدد وعينا أعلى واقبالنا على الرضاعه الطبيعية أكثر من الجيل الي قبلنا ..
.
مع العلم ماشاء الله في عوائل من زمان عندهم موضوع الرضاعه الطبيعية مهم ويهتموا فيه معنهم من جيل أمي وخالاتي الي هم مواليد الخمسينات والستينات ..
.
لكن بالنسبة لمجتمعي أنا .. صاروا بنات جيلي يرضعوا طبيعي ماشاء الله أكثر من أمهاتهم الي مارضعوهم طبيعي <<< لكن مانقدر نلوم الجيل الي قبلنا لأننا في احتمال كبير كنا حنسوي زيهم لأنه ماكان في انترنت ومصادر تثقيف ولا مستشفيات توعي وتهتم .. فالحمدلله على نعمة التطور في كل شيء ..