بنات انا رحت الدكتورة امس وقالت ان شاء ولادتك الاسبوع الجاي وراس البيبي تحت خلاص بس امشي
لكن من امس وانا احس حركة البيبي صارت قليلة واحس نفسي خفيفة مو ثقيلة ماادري ليه؟؟
الوله مشاااااااااااااء الله الحمدلله على كل حال
وربي يجعله عبد صالح ويقر عينك بصلاحه وهدايته
طيب سوت لك تحريض والا ماسوت الاربعاء <<<خايفه بتسويه بكرى :(
الصفحة الأخيرة
شخباركم ياكروشااااات ورشيقااااات؟؟
بقولكم قصة ولادتي..
طول الاسبوع وانا مامعي طلوووق ابدا لين يوم الثلاثاء قلت برجع اشرب كل شي خلاااااص زهقت ابي اولد..شربت خروع ودارسين وخلطة الزعفران وكليت عسل ومشييييت وسويت الواجب وماخليت شي الا وسويته ..بس مافي فايده ماولدت جاتني طلوق ومغص واسهال وبس مافي ولاده مافي الم ولاده ابدااااااااااا:44: تحطمت..قلت بسوي موعد مع دكتورتي وبخليها تسوي لي تحريض خذيت الموعد على يوم الاربعاء 11/11 بس سبحان الله قدر الله وماشاء فعل..المهم يوم الاربعاء مافي طلوق والخميس رحت امشي بنتي وديتها الالعاب توييز تااون ولعبت هناك هي واخوها ورجعنا البيت ماااااااافي شي..ماافي طلوق ابدا..سهرت ذاك اليوم لين الساعه 7 الصبح وعقب رقدت ..يوم الجمعه الساعه 10 ونص حسيت بوخز في بطني والم بسيط قومني من حلاة نومي قلت بروح الحمام !!!!!مالقيت الا الماي تصب صب موب طلبيعي تقولون كان احد صاب علي ماي من سرعة جريانها...وقفت وسط الغرفه موب مستوعبه عقب رحت الحمام بسرعه والاقيها تزيد..رجعت للغرفة بسرعه واقوم زوجي واقوله بسرعه المستشفى ..وبسرعه لبس وركبت السياره وانا اررررررررررررررشخ ماي مت من التفكير واقول وش بيصير؟؟ياربي الحين بولد؟؟ والا بيصير شي ؟؟؟افكار تودي وتجيب..وصلت الطواري ودخلت عليهم على كرسي متحرك جابه لي زوجي وقالوا لي وش فيك؟ قلت لهم ماي البيبي نزل وانا متخرعه !!قالت النيرس : طيب عااادي عااادي!!انا ارتفع ضغطي منها بس كان عندها حق تقول مافي الم يعني كل شي اوكي..بس في ولاده..انا خفت يوم قالت ولاده..جات الدكتوره المناوبه وحاولت تسمع بالجهاز دقات قلب البيبي بس مافي نبض!!يمين!!يسار!! مافي نبض!!انا تروعت قلت بصوت عالي وينك ياولدي وين نبضك؟؟زوجي واقف ومصدوم من ردة فعلي!! بس كان ساكت..والدكتوره تدور وتدور ..واخيراااااا لقت النبض ..ارتحت الحمد لله..قلت لها وين راسه قالت تحت ..كشفت علي من تحت قالت مفتوح 2 سم وكل شي مرتفع!!البيبي مش نازل تحت بس راسه تحت(هذا من قل المشي)..قلت لها الماي ينزل وانا خايفه مابي قيصري..قالت لا موب على طول قيصري الحين بتطلعين فوق غرفة الولاده..كانوا يشوفوني خايفه واسئلتي واااجد وهم يجاوبون ويقولون لاتخافين كلها كم ساعه وتخلصين..وانا اقول يارب يجيني الطلق وينفتح الرحم..كانت الدكتوره باكستانيه ماعرف اسمها ..
المهم طلعت غرفة الولاده ..استغربت حاطين فيها تلفزيون!!!عشان يلهوني عن الطلق..بس مافي طلق:44:..وجاتني القابله اللي تولدني وقالت لي انا بفحص اذا الرحم انفتح زياده والا لا فحصت قالت 2 ونص!! احباااااااااااط..قالت بعطيك طلق صناعي تحاميل عشان ينفتح الرحم قلت لها ابي فالوريد قالت الوريد يمكن تذبحك الطلوق وماينفتح الرحم التحاميل تساعد على فتح الرحم..قلت توكلت على الله وعطتني تحميلتين ورا بعض ..عطتني اياها الساعه 12 الظهر وانواااااااااااع الالم والمووووووووووووت واااااااااااه ويااااااااااالله ويااااااااااااااااااااارب ويااااااااااااااكريم وشوي ادعي وشوي ياااااااالله يارب وشوي ادعي ودعيت لكم ودعيت لامي وابوي ودعيت لفلسطين والعراق ودعيت لخواتي واخواني ودعين لكل شباب المسلمين وماخليت احد مادعيت له ودعيت لنفسي وعيالي وزوجي..المهم زوجي قاعد جمبي يقرا وينفخ علي واناااا بموت من الالم جات الساعه 1 وكشفت علي من تحت قالت ممتاااااااااااااااااااااز ماشاء الله تبارك الله ...قلت لها كم؟؟؟؟؟؟؟؟؟؟؟؟؟؟؟؟
قالت 6 سم..الحمد لله يارب..الحمد لله..ويوم جات 1 ونص كشفت قالت 8 سم ..لاتدفعين قلت لها i want to pushمادري كيف الانجليزي يطلع!!!!!!اتصلوا بالدكتوره ..
وزجي ماسك اعصابه وساكت ليييييييييين ماشافني اقول يالله رحمتك يالله رحمتك...استخف قعد يصارخ عليهم ويقول وين الكتوره؟؟هاذي بتموت بتموووت...خخخخخخخخخ فديته ماقدر يسكت اكثر....قلت له :هي قالت لي ماراح تجي الا اذا انفتح 10 سم ..
المهم جات الدكتوره وقالت صباح الخير..طالعتني قالت راس البيبي باين ..خذت المشرط عشان تسوي الشق الا وييييننننننطططش ماي البيبي في وجهها!!!انا اقولها سوري وهي تقول عادي حبيبتي!!
قالت يالله ادفعي مرتين وخلاص دفعت ..دفعت.. حسيت براسه وطلع ..الحمد لله ..اول شي قلته..وزوجي قال الله اكبر..لا اله الا الله..سبحان الله..خخخخخخخخخخ مصدوم من المنظر خخخخخخخخ....ععلى فكره زوجي كان واقف عند راسي ماشاف شي من قدام..حطوه على بطني وعقب شالوه..كانوا مستريني مغطيني ..قالت لي تبين منوم؟؟قلت لها ياريت انام..قالت يالله بعطيك منوم واخيطك نمت وخيطتني ولا دريت فيها الدكتوره اسمها نوال امام الدين سودانيه...قمت لقيت عمري متغطيه وعندي صينيه فيها اكل من دايت سنتر..لذيذ اكلت كل اللي فالصينيه وبعدين قلت لزوجي وين ولدي قال خذوه نظفوه وسبحوه ولبسوه ووده الحضانه لارحتي للغرفه هم بيجيبونه لك..رحت للغرفه لقيت فيها تلفزيون فيه صورة طفل قال هذا هو ولدك قلت له وين؟؟قال فالتلفزيون..قلت اهاا حاطين عليه كاميرا <<<<<<<<العن ام البداوه..خخخخخخ قال اي قلت له ابيه ابي اشوفه..جابوه كانوا ملبسينه ملابس من بيبي شوب ..خذيته ورضعته وبدلت حفاضته..الليله الثانيه الصبح خذوه وختنوه الغرفه كانت ب7500 والختان ب750..الحمد لله على كل حال..زوجي كان بيسمي ولدي هادي ويوم شاف الولاده غير رايه وسماه محمد مثل ماكنت ابي على اسم ابوي الله يرحمه..ولدت يوم الجمعه 6/11/2009 الموافق 19/11/1430 الساعه 2 الظهر في مستشفى الحبيب..
تمت