احبه :

هههههههههههههههههههههههههههههههههههههههههههههههههههههههههه حلووووووووووووه قائمة الصامدات يمه ظحكت عليكم شكلي بصير زيكم وبحطمكم

هههههههههههههههههههههههههههههههههههههههههههههههههههههههههه حلووووووووووووه قائمة الصامدات يمه...

أم مشاعل2 :

قهر والله سولفت كثيييييييير،،، وانمسح ناقصه انا هاللاب توب يستخف دمه علي ويسوي مقالب بايخه شوي وارجعه اسولف عليكم

قهر والله سولفت كثيييييييير،،، وانمسح ناقصه انا هاللاب توب يستخف دمه علي ويسوي مقالب بايخه شوي...

دكتوراه في الحب :

قصة ولادتي .. مثل ما قلت لكم قبل ان كان معاي كحه وحراره وانا لسه لي اسبوعين من التاسع وموعد ولادتي 23-11-2009 وولدت قبل موعدي بتاريخ 11-11-2009.. رحت لدكتورتي يوم الثلاثاء بالليل لأن حرارتي كانت مرررره مرتفعه ومعاي كتمه وصرفت لي علاجات زي ما خبرتكم أول وقلت له ان ظهري يعورني يمكن طلق قالت لا لسى على الولاده قلت بس ظهري قالت عادي من التعب والحراره طلعت من المستوصف وأنا بحاله ما يعلم فيها الا الله ركبت السياره وسدحت المرتبه وفتشت الغطاء من الكتمه والألم طبعا اللي بالشارع ما يشوفوني لاني منزله المرتبه وقعد زوجي يخانقني يقول تغطي قلت منكتمه وهو يمشي بالسياره أحس كأن أحد حاط سيخ حديد باخر ظهري بالعصعص وأقول له حرام عليك ظهري يعورني خفف السرعه قال أمشي 60 ما اقدر أقل من كذا قلت ظهري يعورني يمكن طلق قال لا هذا من الصخنه قلت يااااربي ليش ما احد راضي يصدقني قلت بنام عند أهلي لأني تعبانه رحت لأهلي وأنا ارجف من البرد وحرارتي مرتفعه وظهري يعورني جاء أبوي الله يخليه لي وقعد يقرأ علي وينفث أكلت علاجي وقلت بروح لغوفتي وأنام .. رحت للغرفه وكل ما جيت بغمض عيوني قمت من الالم وأذن الفجر وأنا على هالحاله قمت توضيت وصليت وانا ما اقدر أقعد لأنه شبك على بطني قاموا أهلي للمدارس قالت امي تعالي افطري علشان تاكلين علاجك قعت بفطر أول شيء عجزت أفطر من مقعدي وظهري وبطني يعوروني واذا جيت ببلع اللقمه تعيي تنبلع من شيء أحس فيه قالت أمي شكل اللي فيك ولاده قلت لا يمه اعرف الولاده وأنا ما ابغاها تحس علي لأن أمي حساسه بزياده وكل شيء يبكيها وأنا متعوده اذا جيت اولد ما تدري فيني الا اذا ولدت .. زاد الالم معاي وقلت لأمي يمكن فيني بواسير أو قولون جبت كمون ولهمت منه أبغى المغص يخف ما خف وأروح دورة المياه الله يكرمكم ما زاد نزل معاي شيء قلت يمكن مو طلق .. حاولت ارتاح عجزت والالم كل ما له يزيد صرت أحسب الساعه صار كل 5 دقايق يجي عرفت انه طلق .. اتصلت بزوجي وقلت تعال بروح المستشفى شكله طلق قال لا توسوسين اللي فيك من الصخنه قلت ميخالف بروح للمستشفى وأتأكد أنا فيني شيء ما أقدر أتحمله وكل شوي أدق عليه لمن جاء لمي ببيت أهلي وأنا كنت أنتظر أمي تنام علشان ما تحس فيني .. رحت للمستشفى وأنا بالطريق كل شوي تجيني طلقه قويه وأحس ان الطفل بينزل بالسياره وأنا بولد بالحبيب بس قلت اخاف أروح الحين يستغلوني ويعطوني طلق صناعي او يقولون لي عمليه .. قلت لزوجي بروح أول لمستشفى الولاده وأتأكد كم منفتح الرحم وبعده بروح للبيت واتكبا وأشرب قرفه وأروح للحبيب .. دخلت على مستشفى الولاده وأنواع الوصاخه والقرف دخلون على غرفة الولاده وكانو توهم مطلعين وحده بيرقونه للكشك علشان تولد دخلون بمكانه وشوفوا الوصاخه الله يكرمكم والدم وحالتهم حاله بغيت استفرغ المهم كشفت علي الدكتوره وقالت الرحم منفتح 4 سم قلت خلاص بروح اجيب أغراضي وأجي قالت تروحي ايه دا الرحم مفتوح وانتي لازم تروحي الكشك دي الوأتي انتي عاوزه تولدي بالسياره .. قلت طيب بحاكي زوجي يجيب لي الاغراض وانا أبغى أفتك وأهج منهم علشان أروح للحبيب .. طلعت لزوجي وقلت بسرعه نهج وهو مطير عيونه ما يدري وش السالفه والممرضه تلحقن بالشارع تقول ممنوع تطلعين رفضنا وقالت لازم تبصمون قلت لزوجي بنتظرك بالسياره ركبت السياره وجاء زوجي ورحنا للحبيب كشفت وقالت مفتوح 4 ونص واشرفت علي دكتوره سوريه تجيب المرض قالت ولاده قلت ايه تو المستشفى يقولون مفتوح 4 قالت اذا كنتي بالمستشفى تو ليش جيتي هنا تركته وما رديت عليه لأنه واصله معي قلت باخذ المضاد حقي لانه جاء موعده واخاف أتعب ولا أقاوم مع الولاده أكلت حبتي ويوم انفتح 6 رقوني لغرفة الولادة .. وجي تجيني الدكتوره السوريه اللي تحت قالت انا الاخصائيه اللي بولدك يوم شفته بغيت اصيح لأني أبغى دكتورتي الاستشاريه .. والله انه ماله بالتوليد المهم ما رديت عليه لاني ماني بحاله بلشه مع الطلوق دخل علي زوجي وصار يقرا علي الزلزله وانا ادعي وبديت أستفرغ تكرمون واستفرغت 3 مرات لمن حسيت ان جسمي خلاص انتهى وما عاد فيني قدره للولاده وزوجي صار يخانق جيبو الاستشاريه ما نبغى الاخصائيه تخيلوا الرحم انفتح 8 ووقف والحلتيته أخذوها مني وخانقوني والدكتوره الفاشله السوريه تخيلو مدخله ايده ومثبتته جوا وتقول يالله ادفعي شلون أدفع الرحم 8 ورجليني ما ارفعوهن وتقول ارفعيهن ما اقدر عجزت وبس تهاوش وتأفف علي طيب وش بيدي أنا وش بسوي ما اقدر بعدين شلون ادفع والطفل ما أحس فيه ينزل لسى بدري عليه عطتني ابره بالمغذي قالت تحرر الطلق والحمد لله ما تضيق الا تفرج دخلت علي الاستشاريه كنه نازله علي من الجنه أثر الابتسامه والبشاشه وعلى طول جلست تحت رجليني وصارت تعطيني التعليمات وقالت اذا جتك الطلقه اكتمي نفسك وادفعي واذا راحت على طول رجعي نفسك لأنه ما يصلح والسوريه الخبله تقول لي ادفعي وأنا لسه بدري علي المهم صرت أدفع لاني جاني الدفع اللاارادي لان الطفل نزل بس اذا دفعت يخلص نفسي وأحس جسمي ينمل لاني هزيله عقب الصخنه وتقول لي يالله شعره بان ادفعي وادفع واذا جت بتطلع غصب ينقطع نفسي وحلقي ناشف من الاستفراغ تكرمون بعدين ما اقاوم وارجع اتنفس ويرجع الطفل يدخل واستمريت على هالوضع فتره لمن أراد الله الفرج وهو يأذن الظهر من يوم الاربعاء وجبت أحلى بنوته بالوجود .. هذي قصة ولادتي دعواتكم لي ولها بالصحه والعافيه وتراني ما نسيتكم من دعاي وقت الولاده أسأل الله القبول ..

قصة ولادتي .. مثل ما قلت لكم قبل ان كان معاي كحه وحراره وانا لسه لي اسبوعين من التاسع وموعد...