هذا البرنامج الي نزلته لطوف عسئ ربي يوفقها

هذي تعليمات خبيرة التغذية مع بعض التعديلات من عندي ومن عند اختي (قد جاها سكر حمل) وبعض الافكار من توليب الله يسعدها كولي ٣ وجبات في اليوم وبين كل وجبه ووجبه سناك اذا قمتي من النوم اشربي مويه (وكل وقت اشربي مويه كثير لازم اكثر من لترين في اليوم عشان السكر) وبعدين ثبتي وقت فطورك خلينا نقول تفطرين الساعه ١١. قيسي سكرك وسجليه قبل الفطور ثم خوذي نص خبزه من الرقاق الي قلتلك عليه وحطي فيها جبن قليل الدسم قليل الملح (حقي ماركة المراعي لذيذ) وحطي معها خياااار وطماااط وخسسسس كثري قد ماتبين من الخضار ماترفع السكر. وبعدين احسبي ساعه او ساعتين وقيسي سكرك (حسب انتي متفقه مع الدكتور تقوسين بعد كم لان فيه دكاتره تطلب قياس بعد ساعه وفيه دكاتره تطلب بعد ساعتين) ثم قوسي وسجلي. اول ماتاكلين اجلسي او تكي تفرجي على شي اربعين دقيقه (عشان ينهضم الاكل) ثم قومي امشي مشي رياضة عشرين دقيقة ثم اجلسي ارتاحي وقوسي سكرك. اذا كانت الوجبه دسمه اشربي بعد ٤٠ دقيقه كاس شاهي اخضر. بعد الفطور بثلاث ساعات (على ٢) كولي سناك ممكن كاس حليب قليل الدسم خيار طماط خس او سلطه. بعدها على الساعه ٥ تغدي اطبخي خضار ممكن في طاجن مثلا ودجاج بدون جلد ويستحسن صدور دجاج. الخضار من كل الانواع ماعدا البطاطس ولا تحطين زيت وقللي الملح بعد. بس عادي حطي بهارات وليمون 😂. كولي من الخضار والدجاج الين تشبعين حتى لو كان كثير مره عادي. ثم ارتاحي اربعين دقيقه ثم خوذي بيالة شاهي اخضر وامشي رياضة ثلث ساعه ثم قوسي سكرك (اذا كان القياس بعد ساعه). على الساعه ٨ كولي سناك ممكن زبادي ومعه قطعه صغيره من خبز الرقاق الي قلتلك عليه اول وممكن سلطة خيار طماط حليب قليل الدسم. على الساعه ١٠ تعشي نفس الغدا بالضبط خضار ودجاج. وسوي زي ماسويتي في الغدا من رياضه الخ اذا جعتي نص الليل اشربي حليب قليل الدسم او زبادي وممكن قطعه من الخبز الرقاق. بتجوعين مررره وعادي تبكين من الجوع في البدايه 😑 بس تحملي انشالله ربي يسهل لنا عاد اذا انتضم سكرك وطمنك الدكتور ممكن تضيفين شوي رز بالتدريج بس حد اقصى زي ماقالت لك توليب ٦ ملاعق. اذا جيتي تقوسين السكر لازم قبل ماتستخدمين المسحه الطبيه تسوين مساج للاصبع بحيث تمشين الدم الي متحجر فوق (الدم المتحجر فوق يطلع قياسات عاليه بالغلط) بعد المساج الخفيف امسحيه بالمسحه الطبيه واستني ثواني تنشف الكحول ثم اخرمي وخوذي العينه.

بنات قبل شوي دخلت الحمام تكرمون وبعد ماقضيت 🙈وخلصت سحبت السيفون يوم اقًوم واشوف الموية صافية وفي قطعة صغيررررررررة دم عاد انا استغربت منها☹️

بسم الله عليج

جربي تمسحين بمنديل في بقايا دم

صباح الخيرات
توليب
كل عام وانت بخير وعقبال 100 سنة وانت بصحة وسلامة🎁🎂🎂🎂🎈🎉🎉🎊

ام درر
ياقلبي انتبهي وتأكدي عن مصدر الدم
يالله ذكرتيني حملي في بنتي في الشهر الثامن تخيلي كنت لما اجلس ماكنت اقدر الم رجولي ع بعض كل رجل رايحه في جهة من الم عظام العانه