السلام عليگم. اخوات
الف مبروك للحوامل ربي يتمم حملهم وربي يعوض على كل واحده فشلت العمليه ان شاء الله تنجح بالمره الجايه
انا بقرا الردود بس مو قادره ارد لكن والله بحس فيكم ومرات ابكي لما اشوف ردود محزنه اني صار لي ٧ سنوات انا مافيني شيء بس زوجي طلع عنده ضعف حركة واخد العلاج والحمدالله مستمر بالعلاج سويت قبل ثلاث سنوات منشطات وثلاث مرات تلقيح صناعي وكلها فشلت رحت الى اكثير دكاتره ودكتورات تعبت منهم من جد واخر شيء مستشفى الولاده حكومي قالو لي انتي وزنك ٨١ كبير ونزلي وزنك جيت هنا فترة واشتركت بالمسابقه وبعدها قفلوها وانا زعلت مابعد دخلت هنا بعدها سويت لي نظام ونزل وزني الى ٦٩ وكل شهر اتصل على المستشفى يقولون لي موقفين ويماطلو عليه لما كان وزني ٨١ انتي تعرفي الدكتوره طردتني ولما حاولت اكلمها تعطيني فرصه اخيره رفعت يدها واني على الباب وتصرخ عليه تقول لاتدخلي اني مو فاضيه بعد ٧ شهور رجعت الى وزن ٧٥ كيلو
قبل شهرين رحت مستشفى المواساة سوت لي فحوصات وتحاليل قالت لي انتي سليمه الحمدالله وقالت تحليل زوجك سليمه
وقرارت ان تسوي حقن مجهري وكتبت لي فيتامين دال وفيتامين جودة تحسين البويضات بالاضافه الى حمض الفوليك
بس نزلي وزنك ثلاث كيلو الشهر الا راح كنت ابغى اسوي عملية الحقن المجهري لكن قبل ماتجيني الدورة كنت انظف واتحرك اكثير وصار لي فجاه الم بظهري وشد عضل وماقدرت اروح
حبيبتي دلال احنا كلنا مثلك والله اني الا حوالي كلهم يضايقوني علشان ماالله رايد لي بالحمل وكله بيده سبحانه مرات ببكي طول الليل لما زوجي يروح العمل ابكي لان استوحش بالشقه لكن اقول الله موجود الحمدالله الذي جعل رزقي في يده ومو في يد عبيده يعاملوني كاني ارتكبت ذنب واقسم بالله تراني اضايق لما يقولون لي انتي دوبه روحي امشي روحي سوي ريجيم يمكن عندك تكيسات على المبايض علشان كده ماتقدري تحملي انتي بتعرفي من اهلي واحده منهم اذا جابت اعيالها تغطي ابنها عني تقول راح تحسده ومابيها تشوف ابني وبس تحمل تقول لا تقولو لها مابيها تعرف والله ماسويت لها شيء سواء اني ماعندي اطفال مثلها غير كلام اهل زوجي زوجتك كبيره وفي بعض البنات توقف دورتهم ب٤٠ سنه ويجي الزوج يصب غصبه على راسي قلت له الا قالت الك من اهلك قول لها اذا هي الله وقادرة ان تزرع جنين في احشائي تجي تزرعه واذا الله قال لها ان راح توقف دورتي بالاربعين خلاص هي تعلم الغيب انا اعرف ناس عمرها ٥٢ سنه وعملو عمليات كثيره من كانت البنت عمرها ٣٠ سنه ولما صار عمرها ٥٢ ربي رزقها كان ودي ارد عليهم بس كبرت عقلي وسكت
رغم الالم الا نعيش خواتي ابتسمو وربي راح يعوضكم وتحملو وتنجبو اطفال سليمين ومتعافين يارب العالمين
سامحوني طولت عليكم
دعواتكم لي بالذرية الصالحه
السلام عليگم. اخوات
الف مبروك للحوامل ربي يتمم حملهم وربي يعوض على كل واحده فشلت العمليه ان شاء...
والله انكم اخوات واحس يومي ناقص اذا مادخلت وقريت اخباركم
احاول ادخل لو قبل النوم واقرا لقل شي حتى بدون ما ارد ادعي لكم