السلام عليكم ..
شلونكم بنات؟
شكرا لكل من سأل عني ودعى لي في ظهر الغيب💗
الحمدالله ولدت ولاده قيصريه مبكره الاسبوع ٢٩
والحمدالله ربي عدى عمليتي على خير.. بفضل الله سبحانه وتعالى
اول مره اجرب القيصري عذاب .. الله يكتب لكم ولاده طبيعيه ميسره يارب وماتجربون اللي جربته🙏🏻
ابسأل اللي مجربه القيصري طبيعي لي الحين ١٦ يوم والجرح يعورني خاصه الصوب اليمين احساس شد مو طبيعي لدرجه ما اقدر اقعد واقوم بسهوله ارجف من الشد .. مع العلم ماسويت سونار وماطلبو مني من طلعت من المستشفى
هل ضروري اسوي سونار عقب القيصيري؟
وبالنسبه لبنتي وزنها كيلو وبالشيشه بالعناية المركزه وعلى التنفس الصناعي والحمدالله على كل حال
واليوم خوفوني عليها سوو سونار ع الراس وقالو عندها توسع بحجرات الدماغ
وانا اول مره اسمع بهالشي وبحثت عنه والبحث يخوف اكثر
ابي احد سامع عن هالشي او مجرب يطمني عليها؟ 😭
لاننسوني وتنسونها من دعائكم ان الله يشفيها ويعافيها ويطلعها بكامل صحتها وعافيتها .. تكفون محتاجه دعائكم لها وانا اتفائل فيكم حيل وبدعائكم الله يستجيب مني ومنكم يارب💗
السلام عليكم ..
شلونكم بنات؟
شكرا لكل من سأل عني ودعى لي في ظهر الغيب💗
الحمدالله ولدت ولاده...
والالام عادي بتحسين فيها لمده٣ شهور
مايحتاج تسوين سونار
اهم شي ماتشيلين ثقيل وتتعبين حالك
وسلامة البنوته ان شاءالله ربي يشفيها ويقومها بالسلامه