كم المفروض جرعة كيوتن تكون؟؟

اعتقد ٢٠٠ ملج باليوم؟! بس مو متأكده
ياريت البنات يفيدونا

بنات انا اليوم سابع يوم حللت منزلي وطلع لي خطين واحد خفيف بس موجود الظهر .. الصبح اول ما قعدت حللت خط واحد ..
قبل شوي عدت التحليل مافي الا خط

شسالفه ؟ 🥺

اذا ماتقدري تنتظري لليوم العاشر جربي كليربلو الي يطلع نتيجة مبكرة قبل اسبوع عشان دحين ممكن يكون لسه الهرمون مرة قليل مايطلع في التحليل العايدي

شكراً حبيباتي كلكم على مباركتكم وكلامكم الحلو ربنا يسعدكم يارب ويحقق كل امنياتكم يارب.
بالنسبة لتجربتي، الاشياء اللي عملتها ان بعد الترجيع جلست ساعتين مش ساعة زي كل مرة، وهذه المرة اخذت فيتامين دي و B 12 غير الادوية المعتادة.
طبعاً اول ما كملت الارجاع رحت فندق عشان ما اطلع الدرج وخلال الثلاث الايام الاولى كنت انام اغلب الوقت على ظهري بس وقت الاكل انزل المطعم واكل طبيعي واتمشي في الحوش. طبعاً اول ثلاثة ايام جلست في الفندق وكانت نفسيتي تمام.
هذه المرة كثرت الصلاة وقراءة القرآن في الفجر، وتركت كل شيء لربنا.
صحيح كمان زوجي قبل ما يعطي العينة اخذ مضاد وحق اللزوجة وكمان فيتامينات وكمان وقف التدخين له ثلاثة اشهر.
بعد الثلاثة ايام رجعت البيت وكنت اتحرك طبيعي لكن وقفت الجماع وممنوع احمل ثقيل مادون ذلك عشت طبيعي ورحت الجامعة وكل شيء ماشي كان طبيعي.
كمان الاكل كنت اكل خيار كثير وخس وسلطات كثيرة وكثرت من البيض والحليب والبيض واللحم.
في اليوم السابع طبعاً حسيت بحرارة مش طبيعية وضيق مش طبيعي وبدأت نفسيتي تتغير وجلست ابكي كثير وما اقدر انام الا ساعتين رجلي تحمي كثير. شكيت انها اعراض بس قلت ما اشتي اتفاءل في اليوم الثامن زاد الوضع والتاسع قلت خلاص مش قادرة طبعاً زوجي مانعني اروح افحص فخرجت اليوم العاشر ورحت فحصت والحمدلله طلع حمل.
اليوم الثاني عشر ورحت فحصت والنسبة زادت بنسبة 90% خلال 48 ساعة.
طبعاً بارجع افحص اخر فحص يوم 14 عشان اقدر ارجع للدكتورة.
طبعاً هذه المحاولة الثالثة واعتقد اللي خلاها تنجح بعد ارادة الله اننا غيرنا روتين حياتنا انا وزوجي جلسنا نتريض وناكل اكل صحي ووقفنا الشيشة تماماً لنا ثلاثة اشهر وننام نوم كافي والفتيامنات اللي اخذناها اعتقد عملت دور وخرجت اجنة كويسة.
طبعاً انا مقتنعة ان الاجنة لو هي ممتاز ان شاء الله بعد ارادة الله باتثبت والاجنة تكون ممتازة اذا البويضة ممتازة والحيوان ممتاز وكمان المختبر يلعب دور كبير.
اما بالنسبة للروتين بعد الارجاع انا هذه المرة اكثر مرة تحركت وعشت طبيعي مقارنة بالمرات الأولى ومع هذا الحمدلله ثبت.
طبعاً حملي الأول ثبت وفرحت وبعدين بدأت انزف وراح وانا الآن ادعي ربي اني ما اشوف دم يارب ولا افرازات وربنا يتمم لي حملي يارب.
الرحلة الصعبة عادها بدأت ويارب يهونها عليه يارب.
كل البنات اللي دعوا لي عاجزة عن شكركم ويارب يبشرنا بحملكم القريب العاجل يارب.