حبايبي مرة شكرا والله فرحتوني حسيت انكم سويتولي حفلة هذي اول مرة احمل لدرجة اني من البلشة لسه ماقلت لاخواتي مني عارفة مستحية ولا اقول استنى لما اروح للدكتور مرة فيني توتر 😅 الدكتور ماطلب مني اعيد التحليل بس قاللي اراجعه بعد اسبوع باذن الله
اللي سالتني كيف قضيت ايام الانتظار اول يومين كنت راحة تامة في السرير حتى الصلاة وانا جالسة بعد اليومين صرت اتحرك حركة بسيطة جدا في البيت وبعد اسبوع خرجت جنب البيت يعني مشوار صغير انتي تقريبا بعد اسبوع تحسي انك فايقة وتتحركي عادي
اهم شي كنت التزم فيه كل يوم امسك بطني واقول اللهم احفظ لي اجنتي واقرا سورة البقرة قراءتها نظر من المصحف ماتاخذ معاكي نص ساعة وكمان لاني كنت مسوية استخارة قبل العملية ف كنت سايبتها لله ومتاكدة انه ربي اكيد اللي يقدره ليا هو الخير الحمد لله
شوفي اذا عندك اي هواية او شي يشغلك في الاسبوع الثاني بحيث تتحركي في البيت حركة بسيطة ولا تفكري كثير سيبيها على الله واذا خرجتي حاولي تكون اماكن جنب البيت وفيها جلسة عشان مايكون مجهود عليكي وباذن الله تكوني حامل انتي والبنات الله يبشرنا جميعا يارب ❤️❤️❤️
حبايبي مرة شكرا والله فرحتوني حسيت انكم سويتولي حفلة هذي اول مرة احمل لدرجة اني من البلشة لسه...
الله يعوضك العوض الجميل ياعمري
ويفرحك بحملك وكل ماحصل لك اختبار ونهايتة عوض وجبر
يارب ماتخلص السنه الا وانتي حامل وتبشرينا بحملك وولادتك يارب