والله يااطياف انه من سافر لحد الان دمعتي ع خدي والنفسيه ماش رحت زياره عند اهلي كلهم لاحظو ان فيني شي بس قلت انا طيبه والحمدلله ومبسوطه وابداً م بكيت قدامهم حاولت اني ابـين ان الوضع عادي بس الوضع مو عادي ومرا متعب ومرهق كان يساعدني كثير ويكفي وجود الاب سواء لي او للاطفال حتى لو م يسوي شي انا قاعده احمس نفسي للولاده ولطفل لكن يعلم الله اني صار عندي خوف كبير لبكرا وايش بيصير لبكرا امنيتي تعدي ذي الفتره بسلام...
دائم ادعي الله لا يحوجني لحد ويقويني ويعطيني طوله البال ع اطفالي
وذكرتيني الله يذكرك بالشهاده ع تشغيل القران راحه نفسيه وع الاستغفار والحوقله والصلاه ع النبي م تفارق لساني الحمدلله وذا الشي معطيني ايجابيه ان ربي معايا وليه اخاف من بكرا والحياه تمشي الحمدلله دائماً وابداً ع النعمه الله يديمها ي رب💛💛
والله يااطياف انه من سافر لحد الان دمعتي ع خدي والنفسيه ماش رحت زياره عند اهلي كلهم لاحظو ان فيني...
الله يسهل على كل وحده دخلت التاسع ويبلغ الباقين وعقبال التباشير على خير ان شاء الله
حبيت اشاركم بخصوص نقص المويه لا تتهاونون فيها اذا قالوا تنويم تنومي يتابعونك انا عارفه انه بهذله وتعب للحامل وصعب ترك البيت والاطفال خصوصا الصغار لكن هذه روح مؤتمنين عليها وماودي اخوفكم لكن ممكن تؤدي الى ما لايحمد عقباه
أما الاسنان انا في حمل لي قبل ١٥ سنه التهب علي ضرس العقل وطلبت من استشاري النساء والولاده في المستشفى الحكومي يحولني على عياده الاسنان والله يجزاهم خير ماقصروا معي اعطوني بنج حوامل وشالت الدكتوره الضرس ولا تسبب لي باي مشاكل
فالافضل تروح الوحده لعياده اسنان في مستشفى كبير وهم بيشوفون المناسب ومن دخلت التاسع ماعليها خوف باذن الله
وتطعيمه الكزاز هذه تحمي بعد امر الله من الالتهاب لو كان فيه شي متلوث اثناء الولاده او العمليه وانا يعطوني الابره بعد ما اصحى من العمليه مباشره
بس انا من الجيل اللي اخذ هذه التطعيمه على جرعتين في الثانوي والمتوسط لانها مهمه للبنات فاستشيري دكتوره اخرى اذا لها اهميه قبل الولاده فاخذيها لانها اهم من باقي التطعيمات
والله يسهل عليكم جميعا
انا انشغلت بتغيير المجالس وصبغ بويه لبعض الغرف والدوام وماجهزت شي وهذا أنا بدخل الثامن احس راح الوقت علي وبدأ الخوف بس ان شاء الله نتدارك ونستعد فعلا ماعاد بقي وقت
اللهم تتم علي وعلى أخواتي في هذا التجمع وبلغنا بأجنتنا سليمين متعافين بين أيدينا