رشيقة الجميلة :

ابدا بالاصعب اخر ولادة كانت قبل خمس سنوات بدا معي الطلق بالشهر الثامن الاسبوع٣٣ والرحم مقفل عطوني ابرة الرئة وقالت راحة تامة حتى تدخلين التاسع بس دخلت التاسع مستمر المغص سوت لي تحريض وقالت روحي امشي بس كنت تعبانة مرة رحت البيت سويت مغلي الحبة السوداء مع عسل وزعفران وحليب وشربته ونمت صحيت على مغص قلت بتحمل اكيد مسكر فجأة حسيت شي يدف من تحت ويطلع واروح الحمام تكرمون الاقي السدادة نزلت ومعاها دم وافرازات وردية وموية خفيفة عرفت انه الجد قرب 😭😭😭 رحت تروشت بموية دافية اقرب مالها حارة وشلت شعر جسمي كله واستعديت مامدى استشور سويت لي حليب بعسل مع تمرة وطلعت الطواري قالت مفتوح ٣ سم بس مافيه تنويم اناهنا انهرررت وتحطمت قلت لها مو متحملة المغص مابغى ارجع قالت خلالاص نسوي تخطيط ونشوف اذا الطلق منتظم نومتك ويحطون التخطيط ساعة بس واشوف الطلق يوصل ٩٠ فرحت عرفت انها راح تنومني بس كنت ميتة جوووع قالت ممنوع بس ياللا شي خفيف رحت اكلت معمول وعصير اناناس وعلى طول استفرغت قالت هذي ولادة اكيد خليني اقيس وتلاقيه ٥ سم قالت خلاص تبغين ابرة الظهر هالحين وقتها هذا الكلام كله الساعة ٣ الظهر عطوني الابرة قريب الساعة خمسة المغرب وقاست قالت ٧ سم ياللا نروح غرفة الولادة ويصير معلق على ٧ ساعتين 🥺🥺 وانام واغفي من الكمام بعدها فكت لي الموية هنا بدا الاكشن رفعو رجولي على اساس خلاص شوي والنونو يطلع اللي صار النونو لف رااااسه واعترض انا انهرررت حاسة بيطلع مو قادرة واصارررخ دكتورة ماقدر خلاص راح جابت مخدة وقامت تلف بطني وممرضتين من فوق يدفون بطني وانا منهارة مكتومة وخايفة قالت ياللا ياللا اشوف شعره راح يطلع ساعدينا قعدت اصيح وسحبت نفس رجع الطفل 😭😭😭😭😭😭 انهرت من البكاء قالت حرام عليك انتي بصياحك تقطعين الاكسجين عنه ياللا شمي وردة طفي شمعة واذا قلت لك بووش اكتمي نفسك وادفعي قلت يارب يارب واصيح باقوى ماعندي اخذت نفس قوووي ليومكم هذا احس اني مت وحييت مو بوعيي الا اسمع صياحه حبيبي هذي اعسر ولادة مرت علي تكرمون وسعو لي قوووة المنطقة تمزقت من كثر مادفع ليومكم هذا مانسيت التفاصيل ابددد ابددددد

ابدا بالاصعب اخر ولادة كانت قبل خمس سنوات بدا معي الطلق بالشهر الثامن الاسبوع٣٣ والرحم مقفل...