^Ro0oZ^ :

ايوا نازل .. نفسي انتِ طلعلي ٩،٥ .. والدكتورة كتبتلي ابر حديد أخذها مره في الأسبوع + استمر على حبوبي .. قالتلي مو كويس نقص الحديد ممكن يجيك نزيف لا قدر الله . . ودامك قربتي من التاسع أحس أفضل تأخذي الابر لانه مفعولها سريع ..

ايوا نازل .. نفسي انتِ طلعلي ٩،٥ .. والدكتورة كتبتلي ابر حديد أخذها مره في الأسبوع + استمر على...

ماابي احفظ :

شكلهم اطفال عشان كذا انا مراهقات وحدة ١٢ الثانية ١٤ الثانية اعطيها الحين جوالي اذا تبي تسولف مع صديقاتها سناب لان مابحرمها التواصل معهم يبي لهم شي مكثف يملي فراغهم🥺 الناس تفكر بالولادة وانا افكر بحل معهم الله يصلحهم

شكلهم اطفال عشان كذا انا مراهقات وحدة ١٢ الثانية ١٤ الثانية اعطيها الحين جوالي اذا تبي...

^Ro0oZ^ :

ي قلبي نفس الي قاعده أسويه هذا الأسبوع ونفس أعراض الأدمان .. ترى طبيعي أنا لو أحد شال مني الجوال بتجنن 😂💔 .. . شوفي بالنسبة لوضعي قعدت أفكر في الموضوع كثير .. أولاً أنا أحس مقصرة مع بناتي في حاجة ( اني مني اجتماعية ولا أحب أكون صداقات على أرض الواقع وتجيني فرص كثير ودائماً أصرفهم ) .. معنه اغلبهم بنات حول عمري وزي وضعي أهاليهم في جده وهم في رابغ فيحبوا يتعرفوا على بعض وكدا .. بنتي الكبيرة شخصيتها اجتماعية وتقولي تعرفي عشان تلعب مع اطفالهم لكن مررره ما أحب وما أبغى أتحمل عواقب التعرف وأفتح على نفسي باب .. وأسوي شيء ما يسعدني .. المهم قعدت أفكر ايش اسوي معاهم .. . بنتي الكبيرة تحتاج تتواصل مع بنات بعمرها وهي عندها سناب وفي قريباتها الي في جده .. المهم خصصت لهم ساعتين ثلاثة في اليوم بحيث انها تتكلم مع قريباتها يومياً وتوريهم ايش سوت من طبخه وكدا فتفرح لمن تتكلم وتتشارك مع بنات في عمرها .. الصغيرة الي عمرها ٥ سنين مرررره أسهل وضعها ونفسيتها تمام لمن سحبت منها الايباد عكس الكبيرة تعبتني .. . لكن صاروا يشغلوني أكثر 😂 صرت يومياً أعطيهم من وقتي كم ساعه فعاليات .. اشتريت للكبيرة العاب تناسب عمرها وتكون فيها مشاركة انا وهيا وكدا .. غير اني انتبهت انها تحب الرسم فتقعد ترسم وقت الطفش وتلوون وكل يوم اقرأ لها حول الـ ٤٠ دقيقة .. وأفكر أحفظهم قرآن خلال الإجازة الصيفية لأنها بتهدي نفوسهم وبتقوي لغتهم .. . . وطبعاً لا تنسي الحوار يومياً مع بناتك .. له تأثير في زيادة نضجهم وتقوية وقرب علاقتهم من الأم . . . الموضوع متعب لكن قولت في البداية فقط ضروري يكون في فعاليات معاهم عشان يعرفوا ايش يقعدوا يسوو في وقت فراغهم .. وبعد كدا حيتعودوا .. . . الي لاحظته كل ما كان عمر أطفالك أصغر كل ما كان الموضوع أسهل .. وكمان يعتمد على حسب شخصية الطفل.. . وحشوف التطورات وممكن يكون في احتمالية اسحبه الايباد منهم واعطيهم فقط في الويكند لو شوفت أعراض عليهم ما عجبتني .. . انتِ نفس الشيء شوفي كيف الوضع لو يحتاج سحبة للايباد خير شر وهذا افضل لهم فخلاص اسحبيه ..

ي قلبي نفس الي قاعده أسويه هذا الأسبوع ونفس أعراض الأدمان .. ترى طبيعي أنا لو أحد شال مني الجوال...

^Ro0oZ^ :

لازم نفهمهم .. ونحاول نزرع القناعة داخلهم انه ما نقارن حياتنا بحياة الناس .. لأنه بنتي الكبيرة دائماً هذي الكلمة على لسانها .. قولتلها اسمعي ي ماما شوفتي المشاهير الي تشوفيهم وكيف حياتهم أو مثلاً قريباتك .. قالتلي ايوا .. قولتلها مافي حياة كاملة لأي شخص في الدنيا والمشاهير دائماً بيظهروا الجانب المشرق من حياتهم فقط .. وكل شخص عنده نعم وأرزاق ممكن ماتكون عند غيره .. شوفي النعم الي عندك ولا تقارني حياتك بحياة أحد وحتكوني مبسوطة .. في أطفال رزقهم ربي بأم قريبه منهم وفي أطفال رزقهم بأهل عندهم فلوس كثير ويقدروا يشتروا لهم كل شيء غالي وفي أطفال اهاليهم يخرجوهم كل يوم وفي وفي وفي وفي .. لكن لكل واحد فينا في شيء ناقص في حياته يكتمل بالقناعه اذا اقتنع عاش مرتاح ومبسوط ولو ما اقتنع حيصير قلبه أسود من الحسد ومستحيل يكون مبسوط وسعيد في حياته .. دائماً تمني الخير لغيرك وركزي على نفسك وحياتك .. فتتجاوب معايا وخفت كثير عن أول من ناحية المقارنات وكدا الحمدلله ..

لازم نفهمهم .. ونحاول نزرع القناعة داخلهم انه ما نقارن حياتنا بحياة الناس .. لأنه بنتي الكبيرة...