ساميه بأخلاقي :

بقولكم الخلطة اللي تسويها امي لنا بالنفاس سهله مره اللي تبي تسويها خلطة النفاس(أمي) تحط في الطحانة فنجالين حلبة و ملعقة رشاد صغيرة وملعقة كبيرة ماش وملعقة صغيرة حبة سوداء شوي فلفل اسود على حسب رغبتك وممكن فلفل ابيض هاذي تحطين منها ملعقه مع الحليب والفلفل لايفارق اكلك وقشر قهوة تسوينه ترمس ونسوي زيت الخواجوا واذكر صديقتي سوت لي مشروووب يجنن بالرشاد طعمه لذيذ وابد ماكأنه اعشاب تقول معروف بالمدينه الله يجزاها خير دايم ادعي لها تجيبي نص ملعقة حلبه ونص ملعقة رشاد ونص ملعقة يانسون وملعقة شمر اهم شيء يكون اللي لونه اخضر ومعها نعناع مغربي تحطي كل هذي الاشياء بعد ماتغسليها في الثلاجة الكبيرة وتحطي عليها مويه مغليه وتخليها خمس دقايق وبعدين براحتك اذا تبينها بسكر او عسل وعليك بالعافية. احفظوها عندكم وسووها ولا تجازفون تشترون من احد ماتعرفونه اللي ودها تطلب من الهاجريه طيبه لها حساب بالانستقرام ومواضيعها مفيدة بس انا والله ماجربتها ولا اعرف احد جربها بس اتابع انستقرامها يعجني طرحها للمواضيع واحيانا تعلم بخلطات وفيه اشياء تبيعها

بقولكم الخلطة اللي تسويها امي لنا بالنفاس سهله مره اللي تبي تسويها خلطة النفاس(أمي) تحط في...

Um_Eyad :

الله يعينكم مواقف الموية رعب انا بعيالي ماجربت شي ابد مو ولادة لا كشف لامويه لا طلق ياربي لك الحمد نمت صحيت ولقيتهم 😅

الله يعينكم مواقف الموية رعب انا بعيالي ماجربت شي ابد مو ولادة لا كشف لامويه لا طلق ياربي لك...

كآآبتشينو :

بنات بقولكم سالفه تضحك صارت لي البارح طلعت من المستشفى ورحت سيدا لبيت اهلي المهم اني جلست وعطتني بنتي حلاوه توفي القديم اخذت وحده حطيتها بفمي الا واسمع تك قوي اوجعني الا اكتشف ان ضرسي تكسر او بالاصح تفتت امي وخواتي انهبلوا يقولون معقوله حلاوه تسوي فيك كذا وصرت كل شوي اقول يمه طاحت كسره ثانيه وهكذا الين ماخلص الضرس اخر شيء جلسوا يضحكون علي قالوا وضعك صعب وكل شوي تطيح كسره منه معقوله يابنات الكالسيوم عندي ناقص مو عاد لها الدرجه ينكسر ضرسي ويصير حتت 😂 الحين سوال ينفع اروح عيادة الاسنان بوضعي هذا ولا بيقولون لي ماعندنا لك حل اليوم من صحيت ومعي صداع شكله من هالضرس لاعادت عليها من حلاوه

بنات بقولكم سالفه تضحك صارت لي البارح طلعت من المستشفى ورحت سيدا لبيت اهلي المهم اني جلست...

i_sana :

بنات كلامكم عن المويا يخرش شوي🥶🥶 توقعت المويا تنزل زي الأفرازات ماتوقعت تنزل كثير مرا فشله حتى بالبيت قدام زوجي ي ربي ان شاء الله ماتنفك الا في المستشفى على خير 😐

بنات كلامكم عن المويا يخرش شوي🥶🥶 توقعت المويا تنزل زي الأفرازات ماتوقعت تنزل كثير مرا فشله حتى...