Rozaleen_22 :

المهم اكشن الولادة 10/1/2017 من الصباح جهزوني للعملية ما اوصف لكم شعوري خوف وفرحه ورهبه وكل شيء اختي اللي تدرس طب كلمتني و وصتني اقول للدكتور ضروري ضروري يخيط الرحم نفسه على ثلاث طبقات وبعدين الجلد نفس الشيء على طبقات وقالت لي اطلبي خياطة تجميلية وفعلاً كلمته وقلت له : أنا من بعد رحمة رب العالمين وحده بكون تحت إيديك وابي كذا وكذا . قال لي : اصلا انا أسوي كذا وطمني . وانا كنت متفقه مع دكتور التخدير اني ابي نصفي وشفتهم سادحيني ومغطيين على وجهي علشان ما اشوف حسيت ان ملخبط قلت له دكتور انا طالبه نصفي قال ااه كويس فكرتيني تخيلووا قال الدكتور اللي بيسوي لي العملية لو هذا الدواء مشى خلاص !! مدري وش حاطين لي بالمغذي على اساس تخدير كامل قال له لا لا يادكتور مقفول وجلسووني وعقم ظهري بمعقم باااااارد وانا اصلا كنت احس ببرد وارتجف الغرفة كانت باردة كل الإبر ماحسيت فيهم ماعدا اللي قبل الاخيرة حسيتها زي الكهرباء وفزيت وخفت مررره 😢 وبنفس الوقت وهو يحط الإبر احس رجليني تنمل وتتخدر وكانت يد فيها المغذي واليد الثانية جهاز الضغط وعلى صدري جهاز نبض القلب وصوته بالغرفة مسبب لي رهبه واشووفهم كل شوي حاطين دواء بالمغذي ويغرسون ابر ولا احد كان جنبي يهديني او يطمني او حتى يكلمني وهذا الشيء وترني وهم رافضين زوجي يدخل غرفة العمليات وزي ماقالت برنسية مافيه ألم بس احس بضغط الدكتور والممرضات على بطني وفجأة انكتم واحس اني ما اقدر اتنفس وادعي واستغفر واول ماشال ولدي من بطني حسيت كأنها صخرة وانزاحت ثقل ثقل كبيييير راح وضغطهم اللي كان على بطني مثقله أكثر اول ماسمعته يبكي والدكتور يقول ماشاء الله ماشاء الله صرت اوخر الغطاء اقول ابي اشوف ابي اشوف وجابته لي واول ماشفته بكييييت وقعدت احمد ربي بدون انقطاع اقول الحمدلله وانا ابكي ابكي بعدين ماحسيت بنفسي وش صار فيني وصحيت إلا وهم مغطييني وانا ارتجف رجف رجف مو طبيعي ايديني ورجولي واسناني تتصافق من الرجفة وقوة البرد اللي احس فيه غطووني ببطانيات وغطوا وجهي وفيه ممرضة ماسكه ايديني تدفيني وكل شوي تزيد الرجفه بعدين اعطتني دواء بالوريد ياعمري عليها من خوفها علي من البرد دخلت معي داخل البطانية وحطت الدواء لين بدأت اخف شويه رجعوني غرفتي ولقيت زوجي وبنتي يتنظروني وانا لازلت ارجف بس اخف بكثير ومع ذلك خافوا وبنتي حبيبتي صارت تبكي الا وشوي تجي أمي وتمسك يدي وظلت تقرأ علي لين هدييييت والله صرت بدنيا ثانية وهلوست وانسى وش اقول و وش اسوي وامي تذكرني بس المهم إني ولدت ولدي بصحة وعافية الحمدلله رب العالمين.. اللهم لك الحمد حمدًا كثيرًا 😢❤️❤️ للحين يابنات انا متنومة بالمستشفى ولدي عنده صفار ومحطوط بالحضانة تحت النور وصدري ما درّ حليب ولا حتى المادة اللي تجي قبل الحليب مع إن في بكري بعد 24 ساعة صدري تعبأ من المادة الصفراء وبعد ثلاث ايام نزل حليبي واليوم بس صرت اقدر أقوم من السرير بدون مساعدة من احد الحمدلله كنت حاسة إني عاجزة ويجيني شعور إني مابطيب ما ادري ليش بس يارب لك الحمد والشكر على كل حال 😢💙💙

المهم اكشن الولادة 10/1/2017 من الصباح جهزوني للعملية ما اوصف لكم شعوري خوف وفرحه ورهبه وكل شيء...

MEMO89 :

ياام سلطان ماتاخذ مضاد وهي بترضع الكريم يكفي المفروض فوسادين 5 ايام وبعدها ميبو لان الفوسادين مضاد اللي هو ابو اسد اما مضاد حبوب لاتاخذين وانتي ترضعين

ياام سلطان ماتاخذ مضاد وهي بترضع الكريم يكفي المفروض فوسادين 5 ايام وبعدها ميبو لان الفوسادين...