Rozaleen_22 :

بنات انا بخير الحمدلله و ولدي بخير وطلع من المستشفى والحمدلله إن صار بحضني بصحة وعافية ودي اقول لكم اللي صار معاي وبنفس الوقت حابه اكتبه بموضوع مستقل علشان اشوف ردود اكثر يااارب اللي عندها رد او تعرف شيء تقول لي اولًا الحمدلله على الصحة والعافية والحمدلله على كل حال اولاً واخيرًا الحمدلله إن رب العالمين رزقني بطفل سليم جميل كامل الخلقة بعد التحاليل والفحوصات ثالث يوم من ولادتي جاني زوجي قالي ممنوع فول ، فلافل ، حمص نهائيًا طول ما انتِ ترضعين ولدك.. كذا دخل علي قالي اياها بهذا الاسلوب انا بسسسم الله ليش وش صاير !! قال لي عنده G6pd ايجابي اللي هو انيما الفول طيب من وييييين؟ وشلون ؟ هذا المرض وراثي كيف جاء لولدي ؟ انا سليمة وانت سليم امي وابوي واخواني كلهم سليمين انت امك فيها شيء ؟ ابوك فيه شيء ؟ قال لي لااا طيب من وووووين جاء لولدي وشلون ياربي انا حتى جدي وجدتي سليمين كيف يصيب ولدي هذا الشيء اكيد التحليل غلط مستحيييل عجزت اصدق او بالاحرى رفضت اني اصدق وللحين مو مصدقة نهائيًا للحين !! شايفين يابنات والله للحين مو مصدقة المهم الدكتور قال لزوجي لاتقول لزوجتك بس ماقدر جاء على طول وقالي والاسلوب الله بالخير رحت انا وكلمت الدكتور نفسه قلت له شلون كذا وانا وعائلتي كلنا سليمين الحقير قال اكيد انتم حاملين المرض ومو عارفين قلت له تحاليلي وتحاليل ماقبل الزواج اكدت سلامتنا انت قول لي ولدي حامل للمرض والا مصاب ؟ قال لي : مصاب قلت له انت تخربط والا ايش تقول اللهم لا اعتراض بس مو قادرة اقتنع بكلامك قال تعرفي اقولك شغلة ممكن التحليل يكون غلط انتظري شهرين وعيديه يتعدل دم الولد ويتوازن وبعدها يبان كل شيء مضبوط وترى عادي يعيش بصحة وعافية بس ماياكل هذه الاشياء وخلاص حتى ماتصير مضاعفات الموضوع سهل سبحان الله يابنات لما دكتور يكلم أم ويقول لها هذا الكلام بقلب بارد الله لايوريكم حجم الألم اللي تحس فيه الحمدلله على كل شيء بس مافيه وحده تتمنى ان ضناها ممكن يكون فيه شيء وانا احمد ربي واشكره ليل نهار ان رزقني بولدي واشوفه كامل قدام عيني وحالي احسن من غيري لكن بجد عندي سؤال .. معقولة هذا المرض يبان من سن صغير لهذه الدرجة ؟ وهل فعلاً ممكن يصيب طفلي رغم سلامة عائلتي كلها انا وزوجي ؟ ولو فعلا فعلا ولدي كان فيه هذا الشيء اقول لنفسي كان من المستحيل ان تنزل نسبة الصفراء اللي فيه بيوم واحد اكثر من اربع درجات لان اللي فيهم امراض بالدم صعب نزول نسبة الصفار انا اعرف اني قاعده اقول الكلام اللي اتمناه بس اذا جيتوا للحق احس ان كلامي منطقي و واقعي وياااارب ربي يخيب ظن هالدكتور ويطلع ولدي مايشكي من شيء بس خبروني انتظر شوي على اعادة التحليل والا اعيده قبل شهرين ؟ ودي اروح مستشفى حكومي قسم امراض الدم والوراثة واحلل لولدي وارتاح بس خايفه عليه توه خف من الصفار وللحين ماختنته والحكومه مايرحمون وهم ياخذون دم وهو عروقه صغيرة والله مو عارفه وش اسوي حتى اعشاب النفاس وخرابيطها ما اكلتها خايفه منها تأثر على ولدي اللي تعرف شيء تنورني الله ينور عليها ااه بس يارب رحمتك وعفوك ورضاك

بنات انا بخير الحمدلله و ولدي بخير وطلع من المستشفى والحمدلله إن صار بحضني بصحة وعافية ودي اقول...

*صبح العيد* :

اولاً الف مبروووك المولود و الحمدلله على سلامتكم حبيبتي ثانياً لاتخربين فرحتك بالبيبي وبالسلامه بهالافكار تراها حساسيه مو مرض معدي او قاتل اختي ولدها عنده حساسية القمح متخيله القمح يعني كل انواع الدقيق والبر ممنوعه عليه وعادي الحمدلله في احسن حال وصحته زينه و يدرس روضه ولد عمي نفس ولدك و الحين اخر سنه ثالث متوسط طيب وبخير ومتفوق تبارك الرحمن وابد محد يدري ان فيه شيء الا هو واهله فقط يمتنع من الفول و كذا الموضوع بسيط حبيبتي ولا تعيدين تحاليله هالفتره ولا شيء ارتاحي و تناسي الموضوع بعد شهوركذا اوجعي عيديه في حكومي والله يطمن قلبك خليك قويه ومتفائله ماشاءالله حماتي بنتها من الولاده ممنوعه من الحليب ومشتاقته اذا شربته تتنوم ي عمري تنتفخ و تتحسس و مايناسبها ولا حليب متخيله كيف ؟! رضيعه ممنوعه من الحليب ومع ذلك امها ماشاءالله متفائله و واثقه بقدرة الله ان يشفيها و عادي ما تأزمت الدكاتره صرفوا لبنتها حليب الصويا بديل للحليب العادي لانه مايأثر فيها بس له اعراض يسبب سمنه غير صحيه و ماهو بديل للحليب الحقيقي لكن الحمدلله الان عمرها خمس سنين والاطباء يقولون فيه امل و صارت تاكل اسكريم على خفيف ومايضرها و لحسة جبن كذا بسيطه والله يشافيها ويعافيها و ولدك و كل مسلم ومسلمه يعانون ي رب انا قلت لك هالقصص عشان بس تدركين الوضع بالمجمل و انه عارض ممكن يصيب اي انسان بدون سبب ،، انا جارتكم من تجمع ابريل بس احب تجمعات التباشيز😂 نتفائل بقرب الفرج دعواتكم لنا بالتساهيل 🌹

اولاً الف مبروووك المولود و الحمدلله على سلامتكم حبيبتي ثانياً لاتخربين فرحتك بالبيبي وبالسلامه...

بثينة الخير :

روز. الحمد لله ع كل حال. الله يشفيه ويتم له العافيه. بس اصبري عليه. دام حاليا ما عليه خطر. لا تبهذلينه بتحاليل المشفى. والله ما يرحمون والله قادر ع كل شي. تصدقي عنه وادعي وربن كريم. يخيب ظنونهم. وهم ارحم الراحمين

روز. الحمد لله ع كل حال. الله يشفيه ويتم له العافيه. بس اصبري عليه. دام حاليا ما عليه خطر. لا...