ميمو وروزالين
شكراً جزيلاً والله يرزقكم ماتتمنون
عندي شاي الاطفال وجربت له التمرة بس كان نايم ومارضع الا نتفه
بكرر التجربه وبعطيه شاهي اطفال وعسى الله ينفعه فيهن

مبروك للي ولدوا الحمدلله على سلامتكم وعقبال الباقيين 😍😍

بنات انا توني فالاسبوع ٣٦ رحت للمستشفى امس وقالي الدكتور ان موية الجنين ناقصة
ولازم انتبه لحركة الجنين واعدها ومن ذا الكلام
قال انه بيتابع معاي الاسبوعين الجايين وفي حال ان الموية تنقص اكثر راح يسوي لي قيصري
مع اني مره مو حابه القيصري ولا ابغى وهو قال ماراح استعجل عليك ويارب تولدين طبيعي قبل نوصل لخيار القيصري
السسؤال ذحين من قد مر عليها نفس الحالة او سمعت بها وولدت طبيعي ؟؟
انا ولادتي الاولى قيصري وهذي المره حابه اولد طبيعي والله يكتب لي الي فيه الخير

شويقان أنا مثلك في الاسبوع ٣٦ وودي أولد اليوم قبل بكرا لأني عملية عندي عمليتين قبل وبالنسبه لموضوع المويه صادق دكتورك لازم تنتبهين بس غريبه ليش الموعد بعد أسبوعين التاسع كل أسبوع وانتي عليك بالبيت مراقبة حركات الجنين والولادة تياسير من رب العالمين واذا ربي كتب لك قيصري اعرفي انها خيره لك الله يسهل لك بولاده طبيعية سهله ❤


روز تخيلت نفسي مكانك صادقه من جد ارهاااااق وتعب يكفينا حنا فكفكة العظام والالام الجسم بعد الولادة وغير السهر والاهتمام بطفل صغير والنفاس مريضه وزيارة المريض لااازم تكون خفيفه حدها ساعتين بالكثييييييير
على قولتك الله يعدي هالايام على خير
انا راح أولد عند أمي بس ماراح أقعد غير أسبوعين وبعدها أرجع لبيتي في مكان ثاني عشان مدارس بناتي ما أقدر أغيبهم أكثر من أسبوعين وأمي الله يسعدها راح تبلغ الكل اني موجودة فقط لأسبوعين اللي يبي يزورنا الله يحييه ههههههه 😁

الف مبروووك للي ولدوا والله يهون على البقيه والي اولادهم بالمستشفى الله يشفيهم ويردهم لكم سالمين..
روز انا ولدي كان عنده صفار خفيف جدا وعادي ختنوه ثاني يوم بس تاكدي من الدكتور اذا يضره اصبري


بنات وش مسوين مع النوم والنونو انا احس بالتعب والارهاق ينام بس مقطع ومن بعد ست او سبع الفجر يبدا ينام ويواصل ثلاث ساعات ثم يصحى بس قصدي الليل يتعب الله يأجرنا مع اني ارضعه واغير له واعطيه دوا غازات ومع ذالك ينقنق ويغفى دقايق وانا اكون ميته نوم


ودي اعرف متى بيتعدل نومه ؟!