اليزا :

سلام انا كنت معكم في بداية التجمع وانشغلت عنكم حابه افضض اشوي الحمدلله ولدت طبيعي من ١٢ يوم وجبت بنت الله يخليها لي ويصلحها هي واخواتها بنات احس انه عندي اكتئاب مابعد ولادة لانه تعذبت بولادتي ولادتي الاولى قصيري وجبت بناتي صح تعب بس اهون من ولادتي هذه اللي كانت طبيعي 😪 شفت الموت عطوني طلق صناعي واخذت الم الولادة كامل مافي مسكن ولا كمام ولا ابرة ظهر وما قدرت ادفع و سحبوها والخياطة تجميلي في جهتين وطلعت زوائد كبيرة من فتحة الشرج اتوقع بواسير وعندي الم تحت شد من فوق ما اقدر امشي المهم احس هموم الدنيا علي وماني قادرة افرح ببنتي ويوميا احلم اني اولد وينعاد شريط ولادتي تعبت وربي صرت خايفة من الحمل ولا عاد ابي احمل واقول يكفوني بناتي وكمان ماقدرت ارضع بنتي طبيعي وعطيتها صناعي رونالاك في الاول ناسبها وبعدين جاها اسهال وبعدين امساك وذحين غيرته لها ببيمل بلس للامساك وبنتي باقي مثل ماهي تعاني وتبكي في الليل من بطنها شايلة همها وكمان اخواتها صغار والغيرة مررره وتعبت وتعبت اهلي معي زادت لقافتهم وصاروا بس يضربوا واللقافة حدث ولا حرج بغيت اروح لبيتي واريح امي اشوي وزعلت وقالت ماراح اخليك تروحين مضغوطة كثيرر ونفسيتي تعبانه وما ادري كيف بمشي حياتي وكيف بقدر اربي ثلاث بنات وانا موظفة وماعندي شغالة وكمان زوجي مو داري عني ولا همه حتى هدية ما جاب لي ولا فكر اصلاً والبارح كلمني يقول لي اتركي الدلع انتي والدة طبيعي والطبيعي على يومين وتقوم 😡 بالله هذا كلام ينقال وحاولت اقدم ع شغالة وتتكنسل دائم وحاولت اخذ شغالة مؤقتة ومالقيت وكلهم بأسعار خيالية تخيلوا لقيت وحدة تجيني شفت من الساعة اثنين الى ستة المغر ب ٢٥٠٠ 😓 وعاد الاسبوع الجاي بقدم ويارب تتم بس بغيت افضض لانه ماعندي احد افض فض له ولو مافضفصت بنفجر سامحوني طولت عليكم

سلام انا كنت معكم في بداية التجمع وانشغلت عنكم حابه افضض اشوي الحمدلله ولدت طبيعي من ١٢ يوم...

عناآق :

استثنائية الله يهونها عليك وتقومي انت والبيبي بصحة وسلامة انا يا بنات ملاحظة من يوم دخلت الثامن يعني من اسبوعين ، بطني ما كبرت هل دا طبيعي ؟؟ اليوم قاعده اتأمل في نفسي وحتى وسوست كأن بطني نزلت تحت شوية لاني كنت احس بالرفسات والحركة في اضلاع صدري دحين لا خف الضغط على الاضلاع ياريت تقولوا لي طبيعي ولا مو طبيعي في دي الفترة 😶

استثنائية الله يهونها عليك وتقومي انت والبيبي بصحة وسلامة انا يا بنات ملاحظة من يوم دخلت الثامن...

أم ///ـلطان :

اي والله الحمدلله .. مع أني بالليل أحس فيها وإذا مشيت بالسوق أو مشوار بس أتوقع طبيعي الحمدلله إنك تطمنتي بس كيف ماانقلب ع الجهة الثانية مافهمت !! ومثلك والله أحس إن دمي إرتفع مع إن الدكتورة ماطلبت تحليل بس بحلل ع أتطمن أخاف يكون ناقص وأنا ماأدري كيك أنتي بكرية صح !!

اي والله الحمدلله .. مع أني بالليل أحس فيها وإذا مشيت بالسوق أو مشوار بس أتوقع طبيعي الحمدلله...