لميس المزيونه :

يابنات مدري وش فيني مقدر أنام الليل زيين أنام وأصحى والصباح ولا كأني نمت ادخل في سبات عميق وهالحاله جاءني في حمل ولدي كنت مالنا الليل والصباح نوم بس ذاك الوقت ماكان عندي أطفال الحين الساعة ثمانيه تجئ الشغاله والعيال يصحوا يعني بدا الشغل وأنا ماشبعت نووم ماني عارفه وش اسوي هل هذا من أعراض فقر الدم او من مرت عليها ذي الحاله

يابنات مدري وش فيني مقدر أنام الليل زيين أنام وأصحى والصباح ولا كأني نمت ادخل في سبات عميق...

آفاقq8 :

بنات ضايق صدري كنت متجمعة مع قرايبي الاسبوع الي فات وانا اصلا من زمااان ما زرتهم ووحدة من البنات شافتني حامل وبحضني ولدي الصغير ياقلبي حايسني ويسحب فالاغراض اللي قدامي تعرفون حوسة الصغار لما يبدون يمشون هي البنت انصدمت وعلى طول تسألني شنو حامل !! ماعندك شغلة غير تفرخين عيال 😭 والله انصدمت وضاق خلقي ليش تقول هالكلام وانا بروحي تعبانة وكأنه بكيفي الموضوع عاد ضحكت بوجهها وقلت لها ادعي لي بالسلامة ياوخيتي بس واكون بخير وطوفت السالفة على طول

بنات ضايق صدري كنت متجمعة مع قرايبي الاسبوع الي فات وانا اصلا من زمااان ما زرتهم ووحدة من البنات...

Nana alsultan :

هلا بنات كيفكم نزلت السوق اليوم بشتري للدوام وطولت واقفه وامشي ادور ملابس وانا امشي احس نقاط تنزل مني الين ركبي نقاط وراء بعض ولبسي الذاخلي اكرمكم الله مبلول زي بلل العرق يعني مو غرققان ماء لا مبلول زي لما تجلسي وقت طويل وظهرك ينزل منو عرق ع البلوزه او الابطين وانتو بكرامه فهل هذا عرق او ماء الجنين خايفه والدكتوره مقدر كل شويه اروح لها تعبت نفسي من الروحه والجيه ومشغوله هالاسبوعين تعديل جداول وحالتي حاله طمنوني امانه ردو بسرعه مين يصير لها كذا

هلا بنات كيفكم نزلت السوق اليوم بشتري للدوام وطولت واقفه وامشي ادور ملابس وانا امشي احس نقاط...

آفاقq8 :

عادي الارق عند الحامل بس انتي حاولي وقت الليل تخلين هدوء بنفسك يعني روح فراشك وانتي متروشة ومروقة مع كوب حليبة بالعسل واقري شوي قران او كتاب ولو تطفين التلفون احسن بعد . وحرصي تخففين نومة العصر او الظهر او تلغينها علشان لا جاك الليل انتي منتهية تبين بس النوم انا نفع معاي هالطريقة

عادي الارق عند الحامل بس انتي حاولي وقت الليل تخلين هدوء بنفسك يعني روح فراشك وانتي متروشة...