لحن الحياة 12 :

بقولكم اللي صار صار و كيف جاتني ولادة 😥 كنت مرره عادي مافيني شيء الين الساعه 3 بدأ يوجعني ظهري يشد مرره و ماكنت مرتاحه فالنوم كل مره اقلب على جهه و هو ماسك مرره الين الساعه 5 صار معي تحجر فالبطن توقعتها غازات تمسك بطني بقوه قمت صليت و لقيت نزل مني دم كثير شوي كلمت الدكتوره جاني دكتور مناوب زفت الله لا يسامحه قلت ابغى مسكن ظهري يوجعني و معي دم شوي قال عادي يمكن نايمه غلط و ارجعي البسي فوطه و نشوف كمية الدم بعدين و راح و لا عاد شفته و رجعت لمعاناة ابرة الوريد مارضيت تمسك الا بعد نص ساعه من المحاولات لان اوردتي صغيره بعدها على الساعه 6 ونص خف الالم لكن صار قوي مره دقيقتين و يروح و يرجع بعد كم دقيقه و عرفت انها و لاده و رحت للحمام لقيت نزل دم كثير كلمتهم و جاتني دكتوره ربي يسعدها و ركبت جهاز الطلق و قالوا عندك طلق و كان يوصل الين 30 و ينزل بس بدأ الم لا يحتمل و صراخي عبأ المستشفى قالوا بنعطيك تحاميل توقف الطلق و اخذتها و لا. وسوت شيء قالو خلاص بنجهز غرفه العمليات و كلمت زوجي و الالم طبعا شيء مو طبيعي صرت ابكي و اقول خلاص ولدوني بس تأخروا فتجهيز الغرفه وما دخلت الا الساعه 9 ،، و يقولون لي لا تدفعين انتبهي عشان ماتولدين طبيعي و انا مااقدر امسك نفسي كل ماجات الطلقه دفعت بعدها حطوا لي الكمام و خدروني تخدير كامل و لا ادري عن شيء قمت على الساعه 11 و ربع و كان عندي احساس ان ولدي توفى و نزلوني لغرفتي وجاتني الدكتوره و سألتها عنه قالت اهم شيء سلامتك و ماادري و الله عن الجنين و لا علمتني و راحت بعدها جابوا لي جوالي وفتحت لقيت زوجي مرسلي رساله صوتيه و يعلمني انه توفى و يصبرني و قالي انا جاي فالطريق ودخلت علي الدكتوره و الحمدلله حضنتني و صبرتني الله يسعدها قالت انه نبضه ضعف ماقدر يتحمل الطلق لان الطلق طول و هو ماعنده مويه و كان حي 20 دقيقه و توفى الحمدلله على كل حال و الحمدلله قالوا لحقنا عليك فآخر لحظه لان مرره نزفت بس ربي ستر علي ووقف النزف من حفظ ربي و دعاء الناس لي و هذا اللي صار معي و سلامتكم ابغى انبهكم لآلم الظهر اذا جاء زي الشد و ماسك معك من اول ظهرك لآخره انتبهي منه لانه ممكن يكون طلق اعوذ بالله انا الشيء اللي مره ماجاني المغص و الحمدلله الين الحين مامعي مغص و الله لايجيبه يارب ❤️❤️

بقولكم اللي صار صار و كيف جاتني ولادة 😥 كنت مرره عادي مافيني شيء الين الساعه 3 بدأ يوجعني ظهري...