صمت العباره :

مبروك و حمدلله على سلامتكم كل الي ولدو و الحمدلله حمدا كثيرا طيبا مباركا فيه ، حمدا حتى يبلغ الحمد منتهاه ، الحمدلله على سلامتنا جميعا نحن و اطفالنا و يارب يجمعنا في جنات النعيم مثل ما جمعنا في هالتجمع الطيب و ختم علينا بالخير و الفرح. بحكيلكم اكشني طويل شوي بس استحملوني :) يوم السبت ثالث يوم في رمضان ، كان اول يوم لي بالاسبوع 39 ، في اول اسبوع من التاسع كنت اتمشى نص ساعه يوميا و بعدين كسلت و ما مشيت بعدها، و يوم السبت العصر جهزت الافطار و زوجي كان جاء من الدوام و نام وعلى الساعه سبعه قبل المغرب بساعه ونص و انا جالسه اتفرج على التلفزيون فجأه سمعت صوت شي طق مثل لما تفتحي علبه ببسي سمعت الصوت واستغربت قلت يمكن من الكرسي هالصوت و ما اتحركت من مكاني ، بعدها بربع ساعه قمت من مكاني الا المويه تنكب مني كب غرقت ملابسي و الارض ، عرفت انه هالصوت كان مني و انا ما ادري. الحمدلله كنت مهيأه نفسي لهذي اللحظه ، بكريه و في الغربه لوحدي ما معي الا زوجي بس كنت طول الوقت اشجع نفسي و ادعي بالقوه و افكر لازم اتماسك وما ارتبك اذا جت الولاده و فعلا بس نزلت المويه ، دخلت الحمام اخذت شور سريع ورتبت نفسي و صحيت زوجي قلت له يله المستشفى المويه نزلت و كنت مجهزه شنطة المستشفى على جنب و اخذت تمر و مويه مقري عليها و من الرواقه احط لزوجي من الفطور الي جهزته قلت علشان باقي اقل من ساعه على الاذان ههههههه احتاجه يكون مركز معاي. و الى هالوقت ما احس بأي الم و على ما وصلت باب المستشفى و يكون المغرب دخل افطرت اكلت 5 تمرات و شربت مويه و دخلت قسم الاستقبال و على طول دخلوني غرفة الكشف و عطوني لبس المستشفى و اخذو معلوماتي و الضغط و الحراره و جت الدكتوره قالت بكشف و ما شاء الله عليها يدها مره خفيفه و سريعه و قالت لي الرحم مفتوح 4 سم و خلاص بنجهزك نوديك الغرفه الي راح تولدي فيها، و طبعا قالولي بعد هالدقيقه ممنوع الاكل و الشرب و انا غلطتي ما قلت لهم اني كنت صايمه ممكن اكل لو شي خفيف لاني من امس ما أكلت بس ما فكرت فيها. و نقلوني غرفة الولاده ، طبعا غرفة الولاده عندهم عباره عن غرفة مثل غرفة التنويم العاديه مجهزه بسرير للطفل و سرير الولاده و فيها جلسه جانبيه للأسره الي تحضر الولاده و تلفزيون وحمام ، بصراحه مره حسيت بالراحه في الغرفه لانها فيها خصوصيه ابدا ما تسمعي أي صوت حولك ، حطوني على السرير و حطولي مغذي و الى وقتها مااحس بأي ألم سبحان الله و في ممرضه جالسه بس عندي تسألني كل شوي في الم و كيف احساسي ، ماشاء الله ابدا ما تطلع من الغرفه بس تراقبني و طبعا زوجي جالس عندي و كنت شغلت الكام مع امي و اخواتي اسولف معهم و اطمنهم عني و على 11 بدأت الاوجاع و الطلوق ، و صارت مره متقاربه كل 5 دقايق يجي الوجع و بعد ساعه ونص تقريبا الساعه 12 و نص بالليل تجي الدكتوره تكشف و تلقاه 7 سم فاتح و قالت لي بشيك عليك بعد ساعتين و هنا انا ما استحملت الالم ،بجلس ساعتين على الم ؟؟ كل خمس دقايق ، قلت لها دكتوره عطيني ابرة الظهر ( طبعا من اول هب تسألني تبغى ابرة الظهر وانا كنت اقول لا ما ابغاها ههههههههههه بس شفت الوجع غيرت رأيي) ، و فعلا خلال دقايق ويجي اخصائي التخدير و يعطيني الابره و الحمدلله بعدها ابدا ما حسيت بألم وبالعكس اسولف مع زوجي واهلي بالسكايب و عليها الى الساعه 3 الفجر ترجع الدكتوره وتشيك و تقولي فاتح 10 سم بس الراس بعيد نستنى شوي اذا ما نزل لازم تدفي عشان تساعدي الطفل ينزل، و فعلا الساعه اربعه ونص بدأت تعلمني ادفع و صرت مع كل طلقه ادفع طبعا انا مخدره من تحت بس حسب تعليماتها ادفع و زوجي عندي و قت الدفع تخليه يمسك رجل وهي رجل و يالله تعبت و ارهقت في الدفع والبيبي ما طلع قسم بالله يبنات صرت ارجف بقوه حتى الي عند الباب يشوف السرير يهتز من التعب و الجوع و الارهاق كل عضله في جسمي صارت ترجف ، طبعا هنا في امريكا ما يحبو يتدخلو بأي اجراء الا للضرورة القصوى ، اقولها خلاص ابغى عمليه أي شي خلصوني صح مافي الم بس احس اني ارهقت من الدفع و هي تقولي انتي والبيبي كويسين و انتي بكريه لسه ما يحتاج قدامنا ساعتين الى اربع ساعات اذا ما ولدتي نفكر . و الى الساعه 7 صباحا و انا ادفع و وقتها صار راس الطفل مبين و كلهم يقولولي خلاص ما بقى شي نشوف شعر البيبي دفي و انا صرت ابكي و اترجى فيهم عمليه و ما حد رد علي و على الساعه 8 و ربع خلاص وصلت اقصى حد ممكن من التعب و وقتها استرخيت و اذا قالولي دفي ما صرت ارد عليهم و تجي دكتوره ثانيه و تمسكني من يدي بأديها الاثنين و تترجاني قالت لي ياويلك تستسلمي الان لا تضيعي تعبك ما بقى شي اوعدك خمس دقايق و طفلتك بتكون بين اديك بس عطيني خمس دقايق لو ما ولدتي بوديك العمليات و سبحان الله كلامها شجعني و رجعت فيني قوه و الله يا بنات دفعه واحده و الثانيه و بنتي حطتها لي في حضني اللهم لك الحمد ، لو ما جت و كلمتني و شجعتني كنت خلاص استسلمت و معاد فيني قوه . الحمدلله ولدت بعد 12 ساعه من لحظة دخولي المستشفى، كانت ولادة بدايتها مره مريحه و نهايتها مره متعبه بس كل التعب اختفى في اللحظه الي شفت فيها بنتي و سمعت صوتها، طبعا زوجي اول ما طلعت بنتي و من كثر ما كان متوتر معانا وخايف اول ما شاف البنت و راسه يدور و تركض عليه الممرضه تجلسه في الكرسي حتى ما قدر يقطع الحبل السري و قطعته الدكتوره مع انه دكتور و كثير عمل ولادات صرت اضحك عليه قالي ما صدقت انه الحمدلله ولدتي كنت ميت خوف هههههه . و بعدها على طول جابولي عصيرات و سناكس الممرضات خلوني اكل و اشرب و غطوني ببطانيه و كنت صحصحت وشغلت الكام مع اهلي اسولف معهم و اوريهم اني بخير وبنتي بخير طبعا امي بس تبكي و خواتي بس يبكون و انا اضحك اقولهم ايش في انا بخير و بنتي ها شوفوها بخير و جلست ساعه بالغرفه بعد الولاده و نقلوني على غرفتي بعدها . و الحمدلله على نعمه الكثيره . فعلا تجربة الولاده مافي مثلها سبحان الله مهما قرأت و مهما شفت ، تجربتك الشخصيه مالها مثيل.

مبروك و حمدلله على سلامتكم كل الي ولدو و الحمدلله حمدا كثيرا طيبا مباركا فيه ، حمدا حتى يبلغ...

صمت العباره :

مبروك و حمدلله على سلامتكم كل الي ولدو و الحمدلله حمدا كثيرا طيبا مباركا فيه ، حمدا حتى يبلغ الحمد منتهاه ، الحمدلله على سلامتنا جميعا نحن و اطفالنا و يارب يجمعنا في جنات النعيم مثل ما جمعنا في هالتجمع الطيب و ختم علينا بالخير و الفرح. بحكيلكم اكشني طويل شوي بس استحملوني :) يوم السبت ثالث يوم في رمضان ، كان اول يوم لي بالاسبوع 39 ، في اول اسبوع من التاسع كنت اتمشى نص ساعه يوميا و بعدين كسلت و ما مشيت بعدها، و يوم السبت العصر جهزت الافطار و زوجي كان جاء من الدوام و نام وعلى الساعه سبعه قبل المغرب بساعه ونص و انا جالسه اتفرج على التلفزيون فجأه سمعت صوت شي طق مثل لما تفتحي علبه ببسي سمعت الصوت واستغربت قلت يمكن من الكرسي هالصوت و ما اتحركت من مكاني ، بعدها بربع ساعه قمت من مكاني الا المويه تنكب مني كب غرقت ملابسي و الارض ، عرفت انه هالصوت كان مني و انا ما ادري. الحمدلله كنت مهيأه نفسي لهذي اللحظه ، بكريه و في الغربه لوحدي ما معي الا زوجي بس كنت طول الوقت اشجع نفسي و ادعي بالقوه و افكر لازم اتماسك وما ارتبك اذا جت الولاده و فعلا بس نزلت المويه ، دخلت الحمام اخذت شور سريع ورتبت نفسي و صحيت زوجي قلت له يله المستشفى المويه نزلت و كنت مجهزه شنطة المستشفى على جنب و اخذت تمر و مويه مقري عليها و من الرواقه احط لزوجي من الفطور الي جهزته قلت علشان باقي اقل من ساعه على الاذان ههههههه احتاجه يكون مركز معاي. و الى هالوقت ما احس بأي الم و على ما وصلت باب المستشفى و يكون المغرب دخل افطرت اكلت 5 تمرات و شربت مويه و دخلت قسم الاستقبال و على طول دخلوني غرفة الكشف و عطوني لبس المستشفى و اخذو معلوماتي و الضغط و الحراره و جت الدكتوره قالت بكشف و ما شاء الله عليها يدها مره خفيفه و سريعه و قالت لي الرحم مفتوح 4 سم و خلاص بنجهزك نوديك الغرفه الي راح تولدي فيها، و طبعا قالولي بعد هالدقيقه ممنوع الاكل و الشرب و انا غلطتي ما قلت لهم اني كنت صايمه ممكن اكل لو شي خفيف لاني من امس ما أكلت بس ما فكرت فيها. و نقلوني غرفة الولاده ، طبعا غرفة الولاده عندهم عباره عن غرفة مثل غرفة التنويم العاديه مجهزه بسرير للطفل و سرير الولاده و فيها جلسه جانبيه للأسره الي تحضر الولاده و تلفزيون وحمام ، بصراحه مره حسيت بالراحه في الغرفه لانها فيها خصوصيه ابدا ما تسمعي أي صوت حولك ، حطوني على السرير و حطولي مغذي و الى وقتها مااحس بأي ألم سبحان الله و في ممرضه جالسه بس عندي تسألني كل شوي في الم و كيف احساسي ، ماشاء الله ابدا ما تطلع من الغرفه بس تراقبني و طبعا زوجي جالس عندي و كنت شغلت الكام مع امي و اخواتي اسولف معهم و اطمنهم عني و على 11 بدأت الاوجاع و الطلوق ، و صارت مره متقاربه كل 5 دقايق يجي الوجع و بعد ساعه ونص تقريبا الساعه 12 و نص بالليل تجي الدكتوره تكشف و تلقاه 7 سم فاتح و قالت لي بشيك عليك بعد ساعتين و هنا انا ما استحملت الالم ،بجلس ساعتين على الم ؟؟ كل خمس دقايق ، قلت لها دكتوره عطيني ابرة الظهر ( طبعا من اول هب تسألني تبغى ابرة الظهر وانا كنت اقول لا ما ابغاها ههههههههههه بس شفت الوجع غيرت رأيي) ، و فعلا خلال دقايق ويجي اخصائي التخدير و يعطيني الابره و الحمدلله بعدها ابدا ما حسيت بألم وبالعكس اسولف مع زوجي واهلي بالسكايب و عليها الى الساعه 3 الفجر ترجع الدكتوره وتشيك و تقولي فاتح 10 سم بس الراس بعيد نستنى شوي اذا ما نزل لازم تدفي عشان تساعدي الطفل ينزل، و فعلا الساعه اربعه ونص بدأت تعلمني ادفع و صرت مع كل طلقه ادفع طبعا انا مخدره من تحت بس حسب تعليماتها ادفع و زوجي عندي و قت الدفع تخليه يمسك رجل وهي رجل و يالله تعبت و ارهقت في الدفع والبيبي ما طلع قسم بالله يبنات صرت ارجف بقوه حتى الي عند الباب يشوف السرير يهتز من التعب و الجوع و الارهاق كل عضله في جسمي صارت ترجف ، طبعا هنا في امريكا ما يحبو يتدخلو بأي اجراء الا للضرورة القصوى ، اقولها خلاص ابغى عمليه أي شي خلصوني صح مافي الم بس احس اني ارهقت من الدفع و هي تقولي انتي والبيبي كويسين و انتي بكريه لسه ما يحتاج قدامنا ساعتين الى اربع ساعات اذا ما ولدتي نفكر . و الى الساعه 7 صباحا و انا ادفع و وقتها صار راس الطفل مبين و كلهم يقولولي خلاص ما بقى شي نشوف شعر البيبي دفي و انا صرت ابكي و اترجى فيهم عمليه و ما حد رد علي و على الساعه 8 و ربع خلاص وصلت اقصى حد ممكن من التعب و وقتها استرخيت و اذا قالولي دفي ما صرت ارد عليهم و تجي دكتوره ثانيه و تمسكني من يدي بأديها الاثنين و تترجاني قالت لي ياويلك تستسلمي الان لا تضيعي تعبك ما بقى شي اوعدك خمس دقايق و طفلتك بتكون بين اديك بس عطيني خمس دقايق لو ما ولدتي بوديك العمليات و سبحان الله كلامها شجعني و رجعت فيني قوه و الله يا بنات دفعه واحده و الثانيه و بنتي حطتها لي في حضني اللهم لك الحمد ، لو ما جت و كلمتني و شجعتني كنت خلاص استسلمت و معاد فيني قوه . الحمدلله ولدت بعد 12 ساعه من لحظة دخولي المستشفى، كانت ولادة بدايتها مره مريحه و نهايتها مره متعبه بس كل التعب اختفى في اللحظه الي شفت فيها بنتي و سمعت صوتها، طبعا زوجي اول ما طلعت بنتي و من كثر ما كان متوتر معانا وخايف اول ما شاف البنت و راسه يدور و تركض عليه الممرضه تجلسه في الكرسي حتى ما قدر يقطع الحبل السري و قطعته الدكتوره مع انه دكتور و كثير عمل ولادات صرت اضحك عليه قالي ما صدقت انه الحمدلله ولدتي كنت ميت خوف هههههه . و بعدها على طول جابولي عصيرات و سناكس الممرضات خلوني اكل و اشرب و غطوني ببطانيه و كنت صحصحت وشغلت الكام مع اهلي اسولف معهم و اوريهم اني بخير وبنتي بخير طبعا امي بس تبكي و خواتي بس يبكون و انا اضحك اقولهم ايش في انا بخير و بنتي ها شوفوها بخير و جلست ساعه بالغرفه بعد الولاده و نقلوني على غرفتي بعدها . و الحمدلله على نعمه الكثيره . فعلا تجربة الولاده مافي مثلها سبحان الله مهما قرأت و مهما شفت ، تجربتك الشخصيه مالها مثيل.

مبروك و حمدلله على سلامتكم كل الي ولدو و الحمدلله حمدا كثيرا طيبا مباركا فيه ، حمدا حتى يبلغ...

hbumf :

عندي سوال يعني ماخيطوك وانت بكريه او هم كذا نظامهم

عندي سوال يعني ماخيطوك وانت بكريه او هم كذا نظامهم