malak212 :

الله يسلمكم ويبارك فيكم وعقبال سلامتكم يارب ولاااادتي بالتفصيل كان عندي موعد يوم السبت الي راح ورحت وقلت للدكتوره معي تقلصات خفيفه وبخبرة ولادتين قبل اعرف انه طلق كاذب ،، كشفت علي قالت مفتوح الرحم ٢سم بس العنق قاسي يمكن يطول على مايفتح امشي كثير وكلي تمر واشربي أناناس ،،، وفعلا رجعت البيت وسويت الي قالت وبالليل اشتدت التقلصات لكنها مو منتظمة ونزل مني الدم وواضح انه دم السداده ،، رحت الطوارئ صباح الأحد وانا بالطريق أقول لزوجي اختفت كل التقلصات مو حاسه بألم أبد قال معليه نشبك لانه كان خايف من سالفة السداده ،، كشفت قالت ٢سم نفس الشي ومافي طلق رجعت البيت وتركت المشي والالتزام باكل التمر والأناناس ومشيت أموري عادي ويوم الاثنين ماكان فيه بوادر ولادة أبد كلها اختفت ،، يوم الثلاثاء بعد مامشي بناتي مدارسهم حسّيت بتقلصات أقوى من الي كانت تجيني قبل وبعد حاولت اطنش لان قلت أكيد زي قبلها بس أقوى وجلست اكمل باقي تجهيزاتي وأنظف بيتي واخلص حوسة الشنط الي بأخذها بيت اهلي على الساعة ١٠ بدا يشتد الطلق وينتظم ودقيق على زوجي ورحت مستوصف قريب إشيك قالت لي ٣سم وعنق الرحم لين والطلاق منتظم يعني ولاده ،، وعلى طول رجعت البيت شطبت باقي حوستي ورحت المستشفى قالت لي ٤سم وعلى طول خذوني غرفة الولادة ،،،. وكانت الساعة ١٢ والطلاق منتظم كل ٥دقايق ويشتد على الساعة ١ونص كشفت قالت ٦سم وسوت تحريض وهي تكشف واشتد الالم والطلق حار وانا بديت اتعب لأني مافطرت ومن صحيت لصلاة الفجر ماجلست شغل وتنظيف وتجهيز كله أخذ من طاقتي ،، طلبت مسكّن ورفضو لان تقول بيأثر على قوة الطلق،، الساعة ٢ ونص جات وفتحت لي الماي ومنها زياد الطلق ورا بعض وانا تعبت حدي ،، حطو لي مغذي واكسجين ،، الساعة ٣ فتح ٩سم وجهزو السرير والوضعية للولاده وقالت مع كل طلقه ادفعي وانا خلاص م فيني ،، والممرضات لما يجي الطلق يشجعونني يللا يللا وانا احس أني بعالم ثاني مو قادرة اركز معهم قالت لي اذا ماساعدتينا بحولك قيصري ضغطك بدا ينزل والبيبي تعب ،، واستعنت بالله وحاولت معهم بس مطالع البيبي قالت غالبا الحبل السري ملفوف عالبيبي لان مبين مع الدفع نبضه يقل انا جاني رعب ،، قالت الطلقه الجايه اذا ماطلع احولك قيصري مانبغى نخسر البيبي وانتي تعبتي ،، وادعي يارب يامخلص النفس من النفس خلصني وجات طلقه وأشد. معهم وادفع وانا اقوول يااااااامعين ،، وشوي اسمع الممرضات يقولون خلاص خلاص واسمع صوت البيبي يصيح وانا دمووووووووووع دمووووووع وأقول الحمدلله الحمدلله خلاااااص افتكيت ،، ولدته بالضبط مع صوت الاذان لصلاة العصر وعقبال ماتبشرونا بولاداتكم السهله الميسره يارب

الله يسلمكم ويبارك فيكم وعقبال سلامتكم يارب ولاااادتي بالتفصيل كان عندي موعد يوم السبت الي راح...

وعد للابد :

الحمد لله هلى سلامتك ومبروك ماجاك وعقبالنا كلنا ان شا الله

الحمد لله هلى سلامتك ومبروك ماجاك وعقبالنا كلنا ان شا الله

malak212 :

بنات شنو افضل حليب صناعي مايسوي إسهال ،،. احاول استمر عالطبيعي لحاله مافيني احس مايشبعه ،،

بنات شنو افضل حليب صناعي مايسوي إسهال ،،. احاول استمر عالطبيعي لحاله مافيني احس مايشبعه ،،