مقصد العز :

يامساء السعادة لكم 🌺 اليوم ماداومت وطلعت لسوق والله انجزت شريت البيبي كل شي من لبس واغراض السباحه باقي بس اغراض الصيدلية الشهر الجاي هو والادوية الشعبية انا اخذت لي قمصان بس باقي ادور لي جلابيات زينه للاستقبال سرير النونو طالبته ولسا ماجاء وابي اعدل عليه بعد اغراض الاستقبال بما اني تو نازلة بيت جديد رحت وجهزت باقي اشياء بسيطة كالتحف وكذا وربي يعين ويسهل علينا ويعطيني طاقة اغسلها وارتبها بالشناط اغراض المستشفى

يامساء السعادة لكم 🌺 اليوم ماداومت وطلعت لسوق والله انجزت شريت البيبي كل شي من لبس واغراض...

السنافيه١١١ :

گرهت برنامج ابو گراعين مسفطه الوردي حق الحمل غشاش الناس تمشي وانا مغرزه حبيت حق قوقل الله يجبر بخاطره دخلني الثامن😂

گرهت برنامج ابو گراعين مسفطه الوردي حق الحمل غشاش الناس تمشي وانا مغرزه حبيت حق قوقل الله يجبر...

مهره1404 :

السلام عليكم ورحمه الله مامداني اكتب تعليق الا قفلتوا التجمع وتفتحون جديد وهذا انا الحقكم من تجمع لتجمع هههههههه عموما الله يبلغنا التباشير وحنا ونوناتنا بافضل حال تمغص سواليف ولادة احس جاء الجد خلاص اليوم جيت من الدوام ومدري هو وهم ولا صدق ظهري يعورني قلت بس ولادة وانسدح ابو نص ساعه وخف عني عاد قبلها كنت قاريه اكتبي تجربتك فالولادة وكلن سولف الا انا انا هاذي ولادتي الرابعه والله يسخر لنا ولادتي الاولى كانت قيصري عطوني تحاميل ولافتح الرحم والطلق قوي والثانية والثالثة طبيعي وكلهن مسكت نفسي مارحت لهم بدري خوف من القيصري الثاني جيتهم مفتوح ثمانيه وعلى طول سرير الولادة وتعسرت ولادتي خذت ثلاث ساعات كان كيلوين بس وتعب ماطلع معاي طلعت وهو خذا بالحضانه خمس ايام الثالث طولت مره بالتاسع دخلت الاسبوع ٤٣ كان حجم راسه كبير وقالو احتمال قيصري ورفضت ونوموني مافيني ولاده بس طلق على خفيف سلمت نفسي ونومت وصاور يعطوني تحاميل طلق على نص حبه ومعه تحريض وما فتح الرحم الا على شوي شوي سانتي سانتي طلقي حار والرحم مايفتح بسرعه واصلي وادعي وامشي بالاسباب وثالث ليلة الساعه ثلاث الفجر تنويم رحت الحمام عقب ماصليت تهجد كانوا قالو رحمك مفتوح اربعه واجلس اشم حلتيته واحط شوي بالفوطه والبسها هي نص ساعه واحس بمغص ودف تحت واروح لحمام وتطبح السداده عرفت ان الموضوع قريب وانادي الممرضه وتنكب المويا علي ويودوني غرفه الولاده وانه سته على طول سرير الولاده ابد يجهزوني ودقايق الا بدا الجد وماجت ست صباح الا انا والده ويارب لك الحمد على الخلاص بس والله ولادته اسرع يمكن حجمه له دور كان ثلاث ونص وراسه كبير هههههههه صدق زي ماقالو المهم عرفت ع نفسي اني اطول بالولاده واتالم كثير مايفتح الرحم بسرعه هالمره المستشفى اللي بولد فيه يبعد ساعتين عنا الله يستر

السلام عليكم ورحمه الله مامداني اكتب تعليق الا قفلتوا التجمع وتفتحون جديد وهذا انا الحقكم ...

السنافيه١١١ :

مساء الخير گروشات 😍 جدولگم ايش اليوم 🌚

مساء الخير گروشات 😍 جدولگم ايش اليوم 🌚