*تيما* :

بنات احس حركة البيبي هاليومين مره خفيفه وبطيئه تتوقعون طبيعي والا اعطيها سونار يفصفص لي الوضع؟ الشي الثاني نومي صاير ثقيل وطويل عكس اول ولاجتني النعسه خلاص استسلم امس كنت اعلك علكه وجتني النعسه ونعست وانا اعلك وبنتي نشبت لي ماما طلعي العلكه ماما انتبهي لاتغصين ماما طلعيها واستلمتني زن خايفه مسكينه وانا مطنشتها لاتكلمت ولاتحركت ولا طلعت العلكه كله عشان ماتخرب النعسه وصحيت من الغطه بعلكتي واموت ضحك على موقف بنتي ياعمري حسيتها هي الام وانا البنت😂 بخصوص التوزيعات نصيحه بنات لاتعطونها اهميه كانت هبه وخلصت من زمان ركزي على التقديمات الفخمه واستبدلي التوزيعات بتشوكلت مغلف باسم المولود سواء مطبوع او محفور انا طبعت ستكرات باسمه وبجيب تشوكلت مغلف والزقها عليه وعندي صيياني حلوه بعبي وحده وازينها بالورد الطبيعي وبحط صينية موالح مغلفه عشان اتركها بالمجلس مدة الزيارات وبس ماراح اخب عمري اكثر من كذا افضل اركز بالنوع وليس الكم يعني صينيتين يجمعون بين اللذاذه والفخامه احسن من طاوله مليانه خرابيط والسرير بالصاله للقراب بس اما الضيوف الاجناب في المحلس بدون سرير

بنات احس حركة البيبي هاليومين مره خفيفه وبطيئه تتوقعون طبيعي والا اعطيها سونار يفصفص لي...

همسات الورود :

الله يسلمك من كل شر ي قلبي الله كريم وربي اذا ضاقت فيني وحسيت اني مخنوقه اقول يارب اني فوضت امري كله اليك واستودعتك نفسي وجنيني واتوكل على الله ..والله خير الحافظين

الله يسلمك من كل شر ي قلبي الله كريم وربي اذا ضاقت فيني وحسيت اني مخنوقه اقول يارب اني فوضت...

tulip_uae :

بسم الله بكتب تقرير لمراجعتي لليوم الله يسلمكم دخلت على الدكتوره وراويتها نتيجه تحليل السكر والحمد لله طبيعيه وعقب كلمتها عن ايدي وانها تتيبس قالت لي يبالي تحليل للكالسيوم قلت لها انا ما اخذه لانه اختنق فيه واكتفي بشرب الحليب يوميا قالت لي زين بس علشان نتطمن ان ماعندج مشكله بالكالسيوم بالاول وعقبها بنشوف الوضع اذا تحتاجين تحويل للاخصائي وعقبها سويت السونار وتغير فجاه وجه اللي تسوي سونار وقالت للدكتوره بالانجليزي placenta وانا اعرف معناها المشيمه ففهمت انهم في مشكله 😅 المهم يت الدكتوره وتموا يحوسون بالسونار وعقب قالوا بنرسلج لاخصائي السونار واذا عادي عندج رجل يفحص قلت لهم اوكي اهم شي ماخبر زوجي انه ريال قلت له حرمه 🤣 لان بيعصب علي المهم دخلت على الاخصائي ومعاه الممرضه ودكتوره اشعه ثانيه تم يحوس فالاشعه وعقب قالي لاتخافين الوضع طبيعي لما سالت الدكتوره شو الموضوع قالت مرات تبين عندهم المشيمه اماميه ومرات خلفيه وخافوا يكون تضخم بالمشيمه او ان المشيمه منفصله 😅 واخر شي سجلوها طبيعيه فوق لا اماميه ولا خلفيه 😂 قلت شو بنتي حابه تجرب كل الاكشنات 😒 المهم سويت تحليل دم وقالوا عقب ساعه النتيجه بس قلت خل تولي موعدي عقب اسبوعين وبعرف وبتطل باجر بالموقع اذا في شي بدخل باجر وبتطمن وهذا اكشني لليوم بس ضحكني الدكتور يقولي تبين بنت ولا ولد ضحكت وقلت له قالوا لي بنت ان شاء الله قال عندك فرصه شهر لو تبين تغيرين رايك هههههه ما ادري شمعنى قال شهر 🤔 بس تخيلت اغير راي وبيتغير الجنس مثلا 😂 قلت له لا لا مابغير راي ان شاء الله بنت 😆

بسم الله بكتب تقرير لمراجعتي لليوم الله يسلمكم دخلت على الدكتوره وراويتها نتيجه تحليل السكر...

ام درر 1433 :

انا الفترة هذي صايرة تجيني النفسية اقلب فجاء ولا ابي اكلم احد ومرات توصل اني ابكي بس بعدها ارتاح

انا الفترة هذي صايرة تجيني النفسية اقلب فجاء ولا ابي اكلم احد ومرات توصل اني ابكي بس بعدها...