tulip_uae :

انا سكنت مع اهل زوجي 4 سنين اول سنتين كانت حلوه وكنت مب مقصره معاهم بشي بس من كبر ولدي بدت المشاكل وجبت بنتي الثانين وقمت اسمع كلام مايسر من خوات زوجي بس امي زوجي وابوه مب مقصرين معي بس اكتشفت يتكلمون من وراي 😅 المهم من اقترحت اني اسكن برع ابو زوجي رحب بالفكره واهلي عطوني بيتهم القديم سووا لي صيانه وسكنت فيه 5 سنوات عرفت فيها الراحه النفسيه زوجي الله يحفظه من تزوجت قالي نصيحه خلك بعيده عن اهلي وخلك رسميه بس لان بطبيعتي اجتماعيه واحب اساعد تعمقت معاهم وما جاني الا وجع الراس ومن سكنت بروحي ارتحت وصرت ازورهم بس بالعيد مع انه بيتهم يبعد5 دقايق بالسياره بس زوجي قالي خلك بعيده اريح للكل يعني زوجي اقترح ما ازورهم الا بالمناسبات ودايما يقولي خلك رسميه وقت الزيارات وقللي كلام ولاتخبريهم شي عن حياتنا هههههه عاد هم اهله وهو اخبر فيه 😂 ومن بعدها لما ازورهم شحلاتنا نوزع ابتسامات ههههه وسوالفنا رسميه عن المدارس والعيال 😂 وتكون زياره سريعه مانطول هم ارتاحوا وانا ارتحت

انا سكنت مع اهل زوجي 4 سنين اول سنتين كانت حلوه وكنت مب مقصره معاهم بشي بس من كبر ولدي بدت...

ام جوريه_0 :

ايه حتى زوجي يمنعني حتى لو اني مسويه حلا لازم اعطي وهو يقول مو لازم ما كنت اعرف انو ما يبيني ارسل لهم شيء حتى هو تكلم زي ما قلتي اهله ويعرف اطباعهم بس والله مرات اسوي وأرسل عشان ابو زوجي بس احزن عليه 😅 وهو يسكت لمن اقول لأبوك مو لأحد ثاني أستغفر الله .. أنا ساكنه بنفس العمارهه بس ما اهتم لأحد منهم الحين خلاص صرت مرتاحه الحمدالله لا احسد نفسي 😂😂😂

ايه حتى زوجي يمنعني حتى لو اني مسويه حلا لازم اعطي وهو يقول مو لازم ما كنت اعرف انو ما يبيني ارسل...

tulip_uae :

هههههه لا زوجي يتعمد ينرفزني مرات مزاجي اوكي وامشي معاه بس مرات اقوله خلك بعيد عني مب متفيجه لك عاد منو يقول ما يتركني الا يوم انفجر ويسكت عقب يوم اهدا يقول انا اسولف معاج اقوله انت وسوالفك اللي وقتها غلط ماتفهم من اقولك مالي مزاج يعني اسكت ويوم لي مزاج بتفيج لاستهبالك هههههه

هههههه لا زوجي يتعمد ينرفزني مرات مزاجي اوكي وامشي معاه بس مرات اقوله خلك بعيد عني مب...

tulip_uae :

تدرين هذي دروس بالحياه ودايما اقول لازم الوحده تمر بمواقف علشان تتعلم عاد اهم شي نتعلم نصمد وتعدي هالمرحله ونطلع اقوى منها انا تعلمت ان محد بهالدنيا بينفعك غير نفسك فاول اهتمامي نفسي وعقب امي وابوي وعقب زوجي وعيالي وباقي الناس مايهمني احد التزم بحدود الرسميات واللي بيتكلم عادي ماهمني ما يزيد ولا ينقص فيني شي

تدرين هذي دروس بالحياه ودايما اقول لازم الوحده تمر بمواقف علشان تتعلم عاد اهم شي نتعلم...