صباح الخيرات والليرات ..
ماقريت شي بس ابقولكم الي بخاطري ..
رحنا لمخيم اهل زوجي المهم كلنا مجتمعين حنا وحريم اعيالها يعني العايله
وقالت خالتي ابسئلك امانه ......! وش الي ببطنك
تخيلو تآمنني قدام الكل ..
قلت شكله ولد قالت لا نبغى بنت
خالتي ام زوجي تموت على البنات مووت معها 7 اعيال ماشاء الله وبنت وحده
خربت علي المفاجاه ثاني شي احرجتني وآمنتني وماقدرت اتصرف
وتآشر على بنتي قالت تجيبين ولا ماتجيبين مانتي جايبه مثلها انا مرره انكسر خاطري
كل حمواتي ماعمرهم علموني الا لما ينولدون ليش انا مقروده سبحان الله وش موديني بالبرد
وماودي اظلم خالتي ام زوجي مرره عسل معي ومع اعيالي بس حبها لبنتي شي فوق الخيال
هي الي مربيتها لين صار عمرها سنتين وانا ماعرفها لدرجة بنتي تقول اسمي ماتقول ماما
انا عادي اعلمها بس مابغى كل العيله تدري فاهمين شعووووووري صحححح او لا
والكوم الثاني خواتي يقولن لي لصار ولد لا تجيبنه خليه بالمستشفى
خيررر انا حامل عشاني ولا عشانكم سبحان الله مرضي الناس كايد
انا منا حساسه واخذ الامور دايم بضحك بس اشياء غصب توقفين عندهاا
وبس الله يسلمكم
صباح الخيرات والليرات ..
ماقريت شي بس ابقولكم الي بخاطري ..
رحنا لمخيم اهل زوجي المهم كلنا...
اول شي بنت او ولد كلهم نعمه من الله اهم شي الصحه والعافيه
...بس ترا عادي ياما انسالت باخر مناسبه اكثر من مره واللي امون عليها اقولها واللي ما امون اقولها مو باين للحين
انتي مثلي اغلب خلفتنا عيال ونتمنى البنت بس صدقيني احنا بنعمه لما اتذكر المحرومه اقول ي رب لك الحمد
الناس مو راضيه مهما جبتي...صحبتي عندها بنتين وحماتها تبي الولد وتبيها تحمل مع ان الحملين كان ورا بعض
وخالتي خلفتها كلها عيال وتتمنت البنت بس ربي ماعطاها وتعذبت في تربيتهم بس شوفيها الحين مبسوطه ومرتاحه وعيالها قايمين فيها ومريحينها عالاخر..ماغير تسافر من ديره لديره 😉