جــ ورد ــوري :

اشكر كل وحده دعتلي وكل وحده سالت عني انا الحمد لله صابره ومحتسبه الاجر ماسكه نفسي قدام بنتي والا انا من الداخل منعدمه للان مو مستوعبه اللي صار فيني كان الله يرحمه راجع من الدوام وكلمني وقال 10 دقايق واصل قريب البيت ومن بعدها تاخر وانا خفت اتصلت باخت زوجي وجاتني على طول لانه تيلفونه صار مغلق وصاروا اخوانه يلفون فالشوارع يدورون عليه طلع انه مسوي حادث ومتوفي وماخذينه للمستشفى الخبر الله يهديهم اعطوني اياه مثل الصفعه اتصل عمي على اخت زوجي وقالها هي انهارت وانا ماتحرك فيني شي ولاحتى دمعه فجاه صرخت باعلى صوتي وانهرت بس لما بنتي خافت مسكت نفسي الحمد لله والحمد لله رحت المستشفى وشفته والله والله انه مرتااااح ومبتسم وثاني يوم مارحت بس الحمد لله الناس اللي صلت عليه فوق 700 شخص من الزحمه الناس تصلي فالشارع ومن غير الصلاه اللي صلوها مره ثانيه في مسجد المقبره والكل شهدله بصلاته وحسن اخلاقه الحمد لله كان نعم الزوج والاخ والصديق كان الروح والهوا لي في هالدنيا كان دايم يقولي انه يحني ما اراح يلقى احسن مني وانا الحمد لله اشهد ليوم الدين انه ماقصر معاي في يوم والله حتى يوم يزعل مني يراضيني ويقولي ليش زعل يسويلي الحليب بيده ويجيبه لين عندي ان طلبت 100 ليقتها 1000 الحمد لله عشت معاه 3سنين 7شهور كانهم حلم عيشه ولا فالاحلام... اخواني يقولون لي والله انه يوم نزلوه وفتحوا عن وجه طلع نور وبياض ماشافوه في حياتهم وفعلا اخر فتره كان محلوووو بطريقه كل حد يساله اهم شي في حياته كانت الصلاه مع الجماعه والفجر فالمسجد الصدقه كل يوم المسجد قايم فيه من ماي وتنظيف وبخور ما سمع عن محتاج الا اعطاه ناس جونا فالعزا بس على سمعهم عنه... وناس مشتغل معاهم من سنيييييين جوني انا حاليا في بيت اختي لين ما اولد واخلص عدتي ان شاء الله لانه بيتي بعيد ومنطقه مقطوعه وماعندي احد والحمد لله افتولي انه يجوز اسمحولي طولت عليكم بس مالي غيركم افضفض له لانه اهلي منهارين اكثر مني اخواتي واخواني متعلقين فيه وايد بس ما اطلب منكم انه في كل صلاه تدعولي انه الله يعوصني بصبري خير ويجمعني فيه في جنات النعيم ويخفف وحمي لانه مع الحزن زاااد بطريقه كريييييييه

اشكر كل وحده دعتلي وكل وحده سالت عني انا الحمد لله صابره ومحتسبه الاجر ماسكه نفسي قدام بنتي...