سلامتك يالجوهره وش تحسين فيه عسى ماشر وباي شهر انتي
وهلابك نجد ..

السلام عليكم

كيفكم بنات سلامتك الجوهره

لولي ......... دنياي

الحمدلله ع كل حآآآآل

أنا بالخامس الاسبوع21

تعشيت معكرونة حسيتها وقفت بصدري

صرت أحاااتي من هالمشيمة

ماني مرتاحة الا لين ترفع


هلا منوة

الله يسلمك أخبارك

بنات والله اعد بس متى يخلص الحمل على خير ودي ارتاح بالذات اني سقطت قبل
3 مرات بس بالشهور الاولى والحين اللهم لك الحمد والشكر انا الحين بالخامس اللهم لك الحمد

انا بخير الحمدلله والكرشه مابانت الى الان مابعد كبرت احس عادي يمكن لاني طويله ومالي بطن من الاساس وبكريه بس فيني ملللل غير طبيعي واحس بفرااغ
ودي اتقضى واحس بدري وبما اني الى الان ماتاكدت من جنسه وعلى ماسمعت من كثرة اخطاء السونار فقررت اشتري محايد وبيت اهلي يشتغلون فيه يارب يخلصون ويسكنون قبل ولادتي
الله يسهل ياارب
انتم اخباركم