التجهيز لـ اول ولاده ساعدوني

خذي 4 كوفلات
4بروبتوزات
4افرولات
قبوعات 3
مدس
شنطه للبيبي وكمان تاخذي فيها اغراض المستشفى
وبطانيه للبيبي
وبسس


لك
اخذي قمصان كلوتات فوط
افضل شي لوتس وفام
فوط لصدر اذ بترضعيً طبيعي
ميبو +غسول بيتادين


اعشاب
اخذي الاعشاب الي تحبيها وتتقبلها نفسك


الله يسهل عليك

المفرش الطقم صار قديم جداً


اشتري المفرش الي يعجبك

انا بكريه مثلك .. وخريجة هالترم ف تعالي شوفي الإرهاق كيف
قررت اجهز لي وللبيبي أشياء تكفيني فترة النفاس فقط وقبل اخلص الأربعين من أبدا اطلع اتسوق وكذا اكمل لنا


ف من رايي تأخذين له طقمين قدام الضيوف
وبربتوزات داخليه خليها ثمان قطع
وكم غيار خارجي وكوافيل ومدس واحد او اثنين
والشنطةاخذيها من اللحين ولا تستخسرين قيمتها لأنك ب تكرفينها
بانيو استحمام
العربية وكرسي السيارة اذا ميزانيتك ما تسمح ماله داعي اللحين ما راح تحتاجينهم فترة الأربعين


أغراض الصيدلية لا تتقيدين بلستة احد اخذي اللي تحتاجينه انتي .. شاور جل ومناديل زيتيه من سيباميد ومناديل مبلله مثل تشبز وغيرها .. بودرة أطفال شوفي الريحة اللي تعجبك


وماعرف عن لبس النفاس لك انتي ب مجتمعكم كيف بس حنا كم جلابيه خفيفه وقميص ب كم طويل تفي بالغرض وداخليات طبعا وشرابات


الأعشاب عني انا ب اكتفي بالقشر والشمر والقرفة والزنجبيل الطازج .. وودي بالحلبه بس ماتوقع اقدر أشربها 😭


انا اشوف لستة كثير من البنات وتختلف من وحدة للثانية ع حسب احتياجاتهم بس ما راح التزم ب لستة احد ب أخذ اللي احتاجه انا ويتماشى مع ميزانيتي


الله يسهل عليك وعلي يارب

اولا .المفرش الي طقم انتي والبيبي والحوسه والتكلفه الي مالها لزوم ماتحتاجيها حطي مفرش مرتب والبيبي سرير صغير جمبك او شيال وخلصنا كلها شهر او اقل
التجهيزات خذي كوفلات وااااجد حق 13 او 15 حبه لانك بتحتاجيها كثير وخذي 6 بربتوزات بس مو كلها حق مواليد لانهم يكبرون بسرعه خذي من 0_3 كذا ينكتب عليها في العلامة وخذي طقمين او ثلاث لدمرتبه للبيبي خذي الي لبس كامل والرجول مسكره اسمه بربتوز او افلور نفس الشي خذي من 0_3 وجيبي 3 حق مواليد الاسبوع الاول وخذي منشفه مهاد حلوة تحطيه فيها وقت الاستقبال وقبات و رضاعات بجامات بس لاتكثرين لان بتجيك هديا ومابيلبسها كلها وخذي بيت للرضاعه عشان يحافض على حاراتها ولاتعطين النونو الا دافي الحليب والافضل رضعي طوووول الشهر الاول والثاني و 4 رضاعات خذي ثنتين 60 مل وثنتين 120 مل
وحفايض رقم واحد ومجموعه تنضيف للبيبي خذي سيباميد افضل من جونسون و خذي منضف الرضاعات و حلمات زود للرضاعات و مسبح للنونو واسفنجة المسبح ومفرض و شنطة للنونو والشنطة خذيها فيها جيوب واجد وواسعه عشان ماعاد تروحين السوق مره ثانيه خليها للمستشفى ووللطلعات وكذا وبطانيه او ثنتين للنونو
وخذي لك ارواب واسعه ومريحة وشالات ومفرش شكله مرتب واذا عندك مايحتاج ، والاعشاب والخرابيط هذي لا تشترينها اشتري بس يانسون وشمر ونعناع وزنجبيل و فترت النفاس كلي بيض وحليب وموز واذا ولدتي عمليه لاسمح الله لا لتاكليها البيض والاجبان تسبب غازات وبتتعبك وخذي مر وموية ورد وملح خشن عشان تتوضين فيها اتوقع هذي الي ضروريه وتحتاجيها

هذي القائمه اللي كتبتها اول ماقررت اجهز للبيبي:
.
.
تجهيز المولود:
4- رضاعات أفنت ، 2- لهايه أفنت ، فرشاة تنظيف الرضاعات
مقسم الحليب ، 2- حافظه ماء صغيره وكبيره ، ليفه ناعمة
اسفنجة البانيو ، بانيو صغير ، منشفة استحمام كبيرة
مدس للخروج ، شنطه لاغراض البيبي ، فرشاة شعر ومشط
قصاصة مواليد صغيره ، 3- مفارش للبيبي ،
3- ارواب للبيبي طقم مع الكوافيل ، 12- بربتوز مع قبعاتها
6- مريلات للصدر - بطانية ناعمه للبيبي - مخده للبيبي
4- كوافيل خارجيه مع ربطاتها ، ناموسيه للبيت
سرير البيبي - كافوله بالحامل من مذركير .
...........
اغراض الصيدليه للمولود:
شامبو جونسون - سائل استحمام للجسم جونسون
كريم جونسون - فازلين غير معطر - مسحات طبيه
بودره السره - اعواد اذان
حفايظ اصغر مقاس بيبي جوي - حليب بيمالاك للمواليد
مناديل مبلله غير معطره .
............
اغراضي :
6- بجايم مرتبه للضيوف ، 3- أرواب للبيت ، مشد للبطن
6- سنتيانات رضاعه ، 5- أطقم كلوتات داخليه ، شراريب ربطات للشعر ، غطاء رضاعه من سنتر ، مفرش مرتب للسرير
منشفة استحمام
اغراض الصيدليه :
مطهر بيتادين - مرهم ميبو - مرهم فيوسيدين - ملين للإمساك قطن - فرشاة اسنان - مزيل عرق - مرطب شفايف - كريم للجسم - كريم كيوفي - حبوب كالسيوم - حبوب حديد
فوط لوتس - فوط للصدر .
اغراض العطار :
قرفة - كمون - زنجبيل - شمر - قشر قهوه
حبوب الحلبة من أرمال .
ثلاجة اعشاب .
..
هذي احتياجاتي انا واللي اشوفها ضروريه ☺❤