الله يشفيها ويطمنكم عليها

ولدي ولدت به وعنده نفس الحاله من نصف جبهته عظم عمودي يعني جبهته ماهي مسطحه وقالوا عنده التحام مبكر وعند بلوغه سبع شهور سوينا له عمليه ونجحت بفضل الله وجلس في العنايه المركزه 3أو4ايام تقريبا بعدين طلعوه في قسم الاطفال وتنومت معه حوالي اسبوعين والحمدلله انا سويناها مع اني كنت مترده وعلى طول ابكي لكن رحمة الله قريبه منا لله الحمد من قبل ومن بعد -وللمعلوميه هذه حاله نادره جدا والحبوب واللاب مالها دخل على حسب كلام الدكاتره لي يعني هذا الشئ يحدث في بطن الام اي تلتحم الجمجمه في وقت مبكر وتضيق على نمو الدماغ ونصيحه سووا لها عمليه قبل ماتكبر يقولون وهم صغار افضل حتى لايزيدالضغط على الدماغ يعني باختصار توكلوا على الحي اللذي لايموت واسرعوا بالعمليه لها وان شاء الله ماترى الا كل خير -والافضل ان تودوها مستشفى الحرس الوطني بالرياض عند الدكتور العزاوي اذا كان معك واسطه احنا بعد جهد جهيد دخلناه ولله الحمد- طمنينا عنها الله يفرج عنكم -

الله يفررجها عليك ويقر عيونك بشوفة بنوتتك بصحه وسلامه ياررب

الله يخليكم جمعيا مشكورين على الدعوات الجميله
العضووه قلبي مؤمن الله يطمنك مثل ما طمنتيني
بس عندي لك كم سؤل وعذريني اني اضايقك باسألتي :
هل العمليه احتاجت لدكتور تجميل وجه وفك ولا بس دكتور المخ والاعصاب
شكل الطفل يتأثر بعد العمليه ولا ان شاء الله طبيعي ( بنتي عندها الالتحام افقي في الدرز الامامي جهة اليسار)بنتي عمرها ٢٦يوم ومو ملاحظ على شكلها بس اللي بيدقق فيها يلاحظ ميلان في جبهته يعني جهت الالتحام داخل والجهه الثانيه بارزه
وطفلك بعد العمليه لبسوه خوذه على راسه ولا مايحتاج



وعذريني اذا اكثرت عليك الاسئله
ومشكوره مقدما