التحرش من المحارم كثر وكثرت القصص والسبب !!

بسم الله الرحمن الرحيم
اسعد الله صباحكم /مسائكم بكل خير
كثرت مواضيع وقصص التحرش من ابو الزوج او اخوه او من المحارم بصفه عامه .. !
وهذا شي ما استغربته لاننا نشوف الان ما آل اليه حال بعض النساء في لباسهن امام كل الناس وكان الناس كلهم مثل زوجها يجب عليها اغرائه واظهار مفاتنها امامهم ؟
قبل فتره سمعت بقصة وحده ان والد زوجها تحرش فيها وصارت مشاكل لها اول ومالها تالي
بس اللي نقلت لي السالفه تعرف الحرمه زين تقول لباسها فاضح امام مجتمع النساء
وحسب ما اعرف عنها واسمع ماعندها مشكله تخرج امام ابو زوجها بالبنطلون الجنز والبرموده
والقصير والعريان عادي صح ان الرخمه زوجها يتحمل جزء من المشكله لكن العتب واللوم الاكبر عليها
هي الوحده اذا ماحفظت نفسها بنفسها محد مجبور يحافظ عليها ولا حتى زوجها
زوجها لو حكمها بلبسها قدام اهله ماهو موجود دايم ويمنعها يعني اذا هي ماتبي تحفظ نفسها ما راح تسمع لاحد
وبتلبس قدام زوجها اللي يعجبه ويطلع وتلبس اللي تبغى
اقسم بالله عيب اقسم بالله قلة حياء قلة تربيه
زمان الحريم يقولون والله اني استحي اغسل سروالي واحطه على الحبل ينشف استحي ابو فلان يشوفه
اللي هو زوجها !!!!1
تخفي سروالها لا يشوفه على الحبال معلق
فما بالكم باباء ازواجهم عندهم مصيبه لو دخل وراسها مكشوف ماغطته بطرحه !!
ولو ضاعت طرحتها تجلس تدور عليها كانها مجنونه تقول احس نفسي عريانه الين تلقى اي شي تغطي
فيه راسها ؟
وعاشوا في ستر واحترام وابو الزوج مايشوف مرة ولده الا مثل بنته
وزمان كانوا يعيشون مع بعض ببيت واحد اكثر من اسره
سنيييين الين يستقل كل واحد بحياته وبيته
وماصار عندهم شي من اللي يصير بهالزمن العجيب
الزينه والمفاتن تظهرينها لزوجك بس والله ماهو فن ولا كشخه الوحده تتمرح بالبنطلون بالبيت قدام الرايح والجاي على بالها يقولون وش الكشخه وش الزين
اذا كان لبس البنطلون بهالطريقه مازال امر غير مستحب في بعض المجتمعات النسائيه
فكيف اللي تتجرا تخرج فيه امام اهل زوجها او حتى اخوانها ..!
ياحريم ترى انفس الرجال ضعيفه الا من رحم الله ونعرف انه زين لهم حب الشهوات والنساء
فعفوا انفسكم يعفكم الله
قال الله تعالى {زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ}
والشهوه تعمي صاحبها وكم نسمع من البلاوي من يتعدى حتى على بنته من ضعاف النفوس ..
من ذالك اللي نشوفه بالاسواق شي يمرض القلب ماعاد تدرين هالحرمه لابسه عبايه والا قميص نوم
والا رايحه زواج والا جايه تتسوق
المكياج الاكسسوارات العطور التميع والكلام والتبختر
وتقول لاحد يتحرش فيني ولا احد يلحقني
والله ماقد شفنا وحده متستره واحد يلحقها لان عقلها براسها وتعرف لوين رايحه وليه جايه وتعرف ان عليها رقيب
واللي تتخشلع يزفونها ضعاف النفوس وتقول تحرش فيني وليه مايتحرش ؟؟
هذي مثل اللي تجهز احلى الاكل وتحطه قدام ناس جوعااااانه وتقول لا احد ياكل ولا حتى يناظر له ..
نفسك انتي بس المسؤله عنها امام الله وامام زوجك وامام نفسك
تحدثني وحده من جاراتي تقول
حرمة خالها على هذه الشاكله اذا لبست طويل كانها مقروصه وتحس بعدم ارتياح تقول اذا جدي موجود
اللي هو ابو زوج الحرمه مثل عدم وجوده بس جدها فيه الخير تقول المشكله ماهي فيه دايم يخاصمها
لدرجة تقول كل ماشافها بهذي المناظر يلعنها ويلعن تربيتها وزوجها ويتنرفز ويزعل
تقول المشكله في خيلاني الصغار بنفس البيت صح هي بدور وهم بدور بس لازم يكون فيه تصادم
احتكاك لازم يلمحونها يشوفونها
وهي الله يهديها متهاونه مره فتقول يوم من الايام نازله الاخت ببجامتها الساعه 10 الصباح تبي تاخذ دقيق او سكر من عندهم لانه خلص من عندها قالت اكيد الكل نايم
ونزلت ودخلت بيتهم ودخلت المستودع وفجاه تقفل الباب وراها ولما دارت وجهها لقت اخو زوجها وقام يتحرش فيها وهي تصيح وتولول وتصارخ من اللي فكها منه ؟؟
ابو زوجها سمع الصوت وجاء وشافهم وطردها ولعنها ودعى عليها والولد لقى اللي يستاهله من ابوه
كبرت المشكله بس بعدين الشايب وقف بصف ولده الصغير وقال لولده زوج الحرمه
هذي قليلة حياء هذي (...!!
ومابقى كلمه شينه ما قالها بحقها طبعا بلاخر طلقها وعلى بيت اهلها تقول قابلتها بعد سنين من طلاقها
وهي بحاله سيئه تقول اهلي يعاملوني اسوا المعامله وكاني بلا اخلاق ومضيقين عليها الخناق
وهذا كله بسبب ايش بسبب ملابس مادري كم قيمتها
ماتسوى عليها البهذله وسواد الوجه والبلاء اللي شافته عشان بنطلون والا بجامه
وعلى قدر ايمان الوحده يكون لبسها كل ماشفتي وحده ملتزمه بلبسها عرفتي ان ايمانها عالي وكل ماقصر اللبس والا تعرى تعرفين ان ايمانها قليل مثل لبسها
والله اني سمعت ايظا قصة وحده عانت من التحرش من عمها اخو ابوها ووالسبب لبسها
تقول لا مو من لبسي هو قليل حياء قلت لها وين قلة حياه من باقي اخواتك
ومن باقي بنات اخوانه ايش معني انتي ؟؟
ومثله قصه قريتها هنا قبل فتره وحده تحرش فيها الخياط او انه اغتصبها
الله العالم كيف كان الحجاب وطريقة الكلام ووين اصلا الرجال عنها
اذا ماحد فاضي يروح معاك للخياط وانتي رايحه رايحه روحي لمشغل نسائي ياكثرها على قفى من يشيل
وقال -صلى الله عليه وسلم- أنه قال : (( إن المرأة عورة فإذا خرجت من بيتها استشرفها الشيطان )) رواه البزار والترمذي.
الله الله بالباسكم امام محارمكم وامام كل الناس واتركي زينتك ومفاتنك بحدود بيتك وغرفة نومك وزوجك فقط
واسال الله ان يحفظنا واياكم وبنات المسلمين ويهديهم ويثبتهم على الدين ..