في بكري رحت الدكتور الله لايوفقه بالاسبوع ال37وعشانه يبي يسافر ويخاف تروح عليه فلوس الولاده قالي لازم نعملك تحريض على الولاده افضل عشان انا موجود قبل لااسافر وهدا دكتور مررررررررررررره كبير في جده مصري الجنسيه والله لايسامحو عطاني من الطلق الصناعي لين جاب اجلي شفت المووت باصنافه عيا يفتح الرحم ويوم فتح الرحم تعسرت الولاده عيا يطلع الراس آخر شي سحبوه بالشفط ويوم شفطو جا الولد جلطه بالمخ لولا الله مو كاتب له عمر كان توفى والان يعاني من اعاقه خفيفه باليد اليمنى والرجل اليسرى مشيتو فيها شوي عرج ويده مايقدر يمسك فيها والاستيعاب موقد كدا

فانا اقولك اتحملي الي باقي لين تجيك ولادة من ربي وبالتوفيق

انا من راي تصبري هانت بعدين الطلق الصناعي مو سهل انا مجربته

حبيبتي الحين انتي صبرتي 37 اسبوع اصبري اسبوع بعد وامشي واااااااجد وكثري جمااع وان شاء الله تولدين

على الاقل بدون تحرص لانه مو سهل ويالم وحدك 3 اسابيع وتخلصين التاسع

الله يهون عليك حبيبتي بس الصبر الصبر الصبر

مشكورين والله خوفتوني بس انا اسمع ان الولادة في الاسبوع 37 عادية يعني ما فيها خوف علي الجنين **** الله ربي يجيب الي فيه الخير والله تعبانة موت وحم 9 شهور شيئ صعب كثير وانا مااكل ولا اشرب علي طول حرقة معدة معايا واستفراغ رهيب مصاحبني يعني انا خايفة علي جنيني اكثر من نفسي **** الله الي فيه الخير ربنا يجيبو.

اختي صابرة الله بعد التحية..
انا في حملي الاول كنت زيك مستعجلة وابغى اخلص وكنت في نص التاسع وروحت للدكتورة ايمان عبدالقادر في مستشفى فقية، والله من غير ماتكشف عليا قالتلي انتي بكريه قولت ايوة قالت والله انا انصحك مره خطر للعادية كيف للبكرية.. قالتلي لسه الحوض عندك مااتوسع والجنين فوق وانا ماديا مستفيده لو اعطيكي طلق لكن انا خايفة عليكي..
وفهمتني بالتفصيل قالت لو اعطيتك طلق صناعي حتشوفي الموت لانه طلق ربنا يجي ويروح يعطيكي فرصة تاخدي نفسوبطبيعة الحال بينزل البيبي لكن الطلق الصناعي مستمر والجنين مانزل للحوض يعني الم الم الم متوااااصل والجنين كانك تسحبي بالقوة لانه لسه ماجا وقته مهو مستعد وممكن احتمال كبيييير تتعسر الولادة ولاخر لحظة تقلب قيصري دا للمجربة الولادة البكرية اكثر واكثر عليها الخطر وعلى جنينها..

اصبري واحتسبي الاجر عند الله وهااااانت ياستي مابقيلك شي وصدقيني حيجي ان شاءالله في وقته وقت مايكون مستعد ومتهيء ووضعيته تساعد انه يخرج بسلاسة ويارب ماتحتاجي لالطلق صناعي ولاقيصري ولا لاي تدخلات طبية..

تحياتي لك وتقبلي مروري:)