التحليل الرقمي والحمل، مين حللت وطلع سلبي وبعدها حللت ثانيه وطلع حمل؟

السلام عليكم ..
انا دورتي منتظمه تنزل كل ٢٧ من شهر هجري..
متزوجه لي ٤ شهور
امعاي اعراض اول مره تجيني بدت معاي من ايام التوبيض
وقلت يمكن اعراض تبويض وسهجتها..
لكنها استمرت معاااي لحدّ اليوم والحين باقي ع دورتي يومين فقط!!
والاعراض كانت:
اوجاع ب ظهري وجوانبي وبطني زي الم الدوره بالرحم ومرات ماقدر انام ع بطني يعورني!
بطني فيه انتفاخ تحت السره اول مره يطلع لي كرشه زي كذا ومن بدري قبل الدوره ب اسبوعين!!
ونغزات ببطني + غازات كثيره ( وانتوا بكرامه) لدرجة اول مره يجيني غازات بالشكل هذا
احس مرهقه واي شيء اسويه لو خفيف احس ب اجهاد واتعب
وافحممم لما امشي كثير اتعب..
واحسس بي اتثاوب ومهما نمت احس اني اقوم وانا مو شبعانه نوم مع اني انام كثير..
صايره عصبيه بزياده وبس اتخانق مع اهلي وزوجي وفيني ضيقه تجي وتروح..
وجهي مسممممممر صايره مابي اشوف وجهي بالمرايه
وجهي قاب حبوب! وحبة الدوره طلعت قبل الدوره ب اسبوعين وانفقشت ! والحين يوم بقى ع دورتي يومين طلعت مره ثانيه..
زايده كيلوا وكم قرام ! وقبل اسبوعين ماكان موجود هالكيلوا..
متخيلين كل هالاشياء احس فيها قبل الدوره ب اسبوعين؟
اول مره يجيني اعراض قبل الدوره بدري!
بالعاده قبل اتزوج تجيني هالاعراض قبل الدوره ب اسبوع او كم يوم
شكيت انها حمل وما صبرت رحت حللت منزلي طلع سلبي!
وحللت رقمي اليوم باقي ع دورتي يومين وقالوا لي يبين ..
وبالاخير طلع مافيه حمل ..
فيه احد قد صار له زييي حللت رقمي وطلع سلبي !
وبعدها حللت ثانيه اكتشفت انه فيه حمل فعلا؟
المشكله مو فاهمه ورقة تحليل الحمل الرقمي بنزلها لكم واشرحوا لي ايش هي بالضبط وكم نسبة هرمون الحمل عندي وهل فيه احتمال يرتفع ؟
وهل النتيجه حقتي ضعيفه جداً والا فيه امل يكون حمل!
وكيف اعرف اذا هذا حمل والا مو حمل؟
اشرحوا لي الله يسعدكم♥️


النتيجه تحليل رقمي:
مكتوب فوق رقم لحاله ( 5.3 )
بعدين كذا
الاسبوع الثالث : 5.8 -71.2
الاسبوع الرابع: 9.5- 750
الاسبوع الخامس : 217 - 7138

والى اخره من الاسابيع..


اعذروني الصوره رفضت تنزل):