التحليل المنزلي موجب والتحليل الرقمي سالب

السلام عليكم ورحمة الله وبركاته
من عدة سنوات كنت أقرأ مواضيعكم وتعليقاتكم و ادعوا الله للمتأخرات والحوامل اليوم سجلت في المنتدى وهذي اول مشاركة لي.
بدايه اوجه لكم جميعا تحيه طيبه ولادارة المنتدى.
مقدمة
انا سيدة عمري الان ٤٩ سنه صارلي متزوجة ٦ سنوات ولم نرزق باطفال اول ما قررنا العلاج انسدت ابواب المستشفيات الحكوميه بوجوهنا لأن شرط العلاج ان السن ما يتعدى ٤٢ اتجهنا للخاص جربت التلقيح الصناعي مرتين وما نجح واستمرينا على العلاج ودائما كانت معاملة الدكاترة للبنات في الاربعين مشمئزة كانه شي عيب والا مش فاهمه تخلفهم الصراحة بعدها وقفت كل شي وقلت خلاص الحمدلله على كل حال وهذا قدرنا مؤمنين فيه بس استمر زوجي بالعلاج وإلى الان واتحسن على العلاج مع انه مايلتزم احيانا .
الموضوع
الدورة صارت مش منتظمه عندي ابدا و هذا الشهر يناير 2020 حسيت بدوخة قويه ما عطيتها اهمية لان احيانا تيني دوخة بس مش بهالطريقة وظلت فيني دوخة خفيفه مستمره ولوعة خفيفة وطول اليوم اكل، بعد اسبوعين نزل لي افراز دموي شكله غريب رحت اخذت تحليل منزلي وثاني يوم الفجر عملت التحليل وطبعا قلت كالعادة خط واحد الا اتفاجأ بوجود خطين خط خفيف بس باين طلع على طول وركضه رحت على المختبر حللت دم رقمي طلع مافي حمل النتيجة 0.100 انصدمت كنت قاعدة انتظر نتيجة التحليل عشان اسوي لزوجي مفاجئة، ثاني يوم سويت تحليل منزلي في جهازين الاثنين طلع خط واحد قلت خلاص يعني مافي حمل والتحليل الرقمي صح واكيد جهاز التحليل المنزلي الاول خربان المهم ثاني يوم الصبح فتحت عيني وامبحلقه عيني شو قاعد يصير فيني الا وارجع يعني شي غريب ليلتها كنت داعيه ان الله يبشرني لاني احترت من هالوضع استبشرت خير وركضة اسوي تحليل منزلي كان عندي باقي واحد كلير بلو الإلكتروني اللي يطلع سالب وموجب طلع سالب انصدمت بس يوم طليت في جهازين التحليل اللي سويتهم امس طالع فيهم خطين بس خفيف الخط الثاني احترت اكثر المهم قمت رحت للدكتورة عشان اعمل سونار قالت ممكن ما يبين الحين بالسونار وفعلا بالسونار ما بين لا كيس ولا جنين ولا أثر للكيس هذا اللي قالته الدكتورة وطلبتلي تحليل رقمي وسويته وانتظر النتيجة وبخبركم ان شاء الله يوم بتطلع نتيجة التحليل الرقمي ويارب يطلع حمل سليم معافا ليس به نقص ولا زيادة واسال الله ان يهبكم الذرية الصالحة التامة الخلق والخلفة .