والله يااختى انس جبتيها على الجرح انا سويت لاختى الصغيره بيني وبينها 9سنوات اشياءماتصدقينها المطربه في زواجها وتوزيعات وجهزت معها اغلب فساتينها ولبس للبيت واغراض المكياج والعطوروالله انى متعاطفه معها لانها كانت الصغيره ولاتطلع ولالهاصديقات وملكت على واحدمادخل عليها وووقفت معها وقفه اخت وهذاواجب لااشكرعليه والحين تزوجت ولي انا واياها شهرماتكلمنى تقوللي انتى خربتي حياتي انتى اللي تشيشييني على زوجي وترسل رسايل لخواتى الثانيات تقول والله انى مبسوطه وعايشه حياتي بدون (أ)وتفتري علي بكلام والله العظيم ماطلع من لساني ياربي رحمتك وصعب اجي اكلمها وهي سبتني وهي اللي غلطت علي والقهراني ماسويت لها شيييييييي واناخايفه من الله وضميري يأنبني ورمضان جاي يارب عفوك وكرمك اكبر

السلام عليكم

سمعي حبيبتي يمكن اقول لج كلام يجرحك بس لاني احبج في الله وذكرتيني بامي :27:
وما يجرحك الا الي يحبك ...........:27:

في البدااية صراااحه انتي الغلطانه والغلط راااكبج من ساااسج لراااااااااااااااااااااااسج


لازم تكوني الطيبة المثاليه المتسامحه في كل شي


وسوري بس احس اختج تظنج عبيطه او غبية لان الطيبة في هل الزمن يسمونه غباااااااااء


يعني وحده تعاملني كاني بحسدها ولا تعلمني بامورها الا عقب ما استوت اعلمها بكل شي


وافرش لها بساااااااااااااااااااااطي واخبرها بعلووومي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


شوفي اختي كل من يشوف الناس بعين طبعه واختج يوم تخبي عنج خايفه تحسدينها لان اهي

اصلا تحسدج وتغار منج انا ما ابغي اغلظ قلبج على اختج ولا اشيشج عليهاا بس حبيت انبهج



لازم تكوني حذرة معاها وموو كل خبر تنشرينه ولا كل سفره تعلمينهااا :mad::mad:


ولازم مثلا اول ما تحملين تعلمينها ؟؟؟؟؟؟؟؟؟ الناس ينطرون البيبي يثبت عقب يعلمووون وانتي من

اول شهرين واقولج عن تجربه بنت خالي مادرينا انها حامل الا عقب ما اولدت بالسلامة !!!!!!:04:

ولازمن تروينهم بيتج قبل ما يخلص صبري اثثيه وعقب قولي روويهم :44:

ولا تعلمينهم منم وين جبت ذيه او ذيه او اني رحت المكان الفلاني علشان اجيبه وبالسعر الفلاني

ترح اختي الناس ما يعلمون وكل من نزور بيته يروينه اياه كامل من غير مايدخل في التفاصيل

الا اذا حد اساله ويجاوب بالتقصيط


الناس قامت تخاف من بعضها وخصوصاااا من الاقاارب لان بعضهم قلوبهم سوووودة




واصدقوا الاولييييين يوم قالوا الاقااارب عقااااااااااااااااااااااارب

واختج لازم تعاملينها بحذذذررررررر وبحدوود ولازم انتي تعطينها احدووودهاااا

وانا لو مكانج اعاملها بالمثل علشااان تعرف ان لله حق

وترى اذا احتاجتج في شي ولا حطت اعيالها عندج تدري انج تخافين الله فيهم

جربي انتي وحطي اعيالج عندها شوفي شنو رااح يصير

خالتي الي اهي خااالتي اكبر اعيالها اصغر منا بعشر سنين

يوم سافرت وخلتهم عند امي بنتها الكبيرة اغلطت على اختي الكبيرة قامت اختي هاوشتها وشرشحتها

يعني تخيلي بنت عمرها 10 سنه مثلا قليله ادب ولسانها طويل ترد على وحده في الجامعه عمرها 20 سنه

وخالتي يوم درت بقت تهد علينا ليش تهاوشون اعيالي بس الله ستر؟؟؟؟؟؟

يختي لاتجيبين اعيالج لما بتسافرين امي مو ملزمومه بهم جدتهم ام ابوهم موجوده ؟؟؟؟؟

عندنا وعندك خييييييير

والله كأنك تتكلمين عن اختي من تزوجت وهي شايفة نفسها علي

وربي وربي ماقام فيها ولاجهزها غيري وتاركه بيتي ورجلي واشغالي عشانها

ولا أشك خيط بابرة إلا اسولف على خواتي كلهم

وهي ابشرك اللحين قربو يسكنون بيتهم والله مادريت انهم بنو إلا من الناس

بس اللي مهون الموضوع علي اخوي يقول والله انها نسخه كربون من زوجها .. اخذت اطباعه

عاد الله يهني سعيد بسعيده

لكن والله غلاتها ماعاد هي زي اول ولاعاد تهمني لاهي ولاعيالها

طنشيهااااااااااااااااااااااا ولاتجيبين لها شئ ابد
ماتستااهل بصراحه

اللي يقولون لك صارحيها باللي عندك انا متأكدة مليون بالمية انهم ما شافوا مثل هالاشكال في حياتهم

اللي من نوعية اختك ما تعتبر العتب محبة لا تعتبره هجوم وحرب عليها لازم تشهر فيها كل انواع الاسلحة اللي عندها

النوعية هذي مرت علي واعرفها زين ما اجهلها وتحمليني لو قسيت عليك انتي ما انتي اكبر همها زعلتي او رضيتي كله واحد او بعبارة ثانية هي عارفة زين طبيعتك وانك بترجعين تعاملينها مثل اول مهما سوت فيك

اسمحي لي انتي كذا سلبية وما عندك ردة فعل مناسبة لتصرفات الطرف الثاني وهذا اللي بتنقلينه لعيالك وتربينهم عليه
وارجع اقول لك الاشكال هذي مارة علي اللي اعرفه الحين ومتأكدة منه اني ما راح اربيهم من جديد لكن اقدر اربي نفسي واتخلص من اطباعي اللي خلت غيري يتمادى علي وطيبتي اللي يعتبرونها الناس غباء او سذاجة ما راح تكون لكل من هب ودب

يعني هي تفكر بنفسها وانا افكر فيها طيب انا من يفكر فيني ؟