التربية صارت صعبة ولا ما عرفنا نربي !!!!

السلام عليكم و رحمة الله و بركاته

كيفكم يا بنات حواء


زمان:
نشاهد التلفزيون فترة قصيرة و العايلة كلها جالسة على نفس البرنامج سواء يحبه ولا لا
نأكل من نفس الأكل
نضحك و نمزح و قلوبنا وااااسعة
ملابسنا عادية ولا نفكر فيها هي جديدة ولا ملبوسة
مدارسنا حكومية و مبسوطين وشاطرين و نحب المدرسة والأبلة
نلعب مع بزورة الجيران و الجماعة ولا أحسن من كذا
وما في يدنا غير فلوس الفسحة
البيت ملياااااان اطفال و مراهقين و ماشيين زي الساعة
كلمة الأب والأم تمشي ع الكل
الأب و الأم مستوى التعليم منخفض في الغالب


الآن:
كل اليوم على التلفزيون ولا البلايستيشن وكل واحد له وقت ما يجلس مع الثاني وبعض البيوت
تلفزيون للكبار و تلفزيون للصغار
الأكل كل واحد له طلبات ما يأكل الا اللي يعجبه حتى لما نطلب من برا كل واحد من محل يعني نأخذ من كنتاكي و عشان الثاني ما يحبه نأخذله من كودو
ملابسنا نبغاها جديده من الماركة الفلانية ولا شافوها آل فلان ولا عند آلا فلان شي ما عندنا زيه !
المدارس نلف و ندور و نروح لآخر الدنيا بس أهم شي عندنا التعليم <<< مصدقين عمرنا
و المشكلة يطلعون مدلعين و مهملين و أحيانا مو راضي بالمدرسة ولا يحبها
الحين ما نلعب إلا مع بعض الناس و يسوون قروبات وأنت صديقي وأنت لا
و الفلوس في يدهم كل يوم و موعاجبهم شيء
البيت في ثلات اطفال و ما احنا قادرين نسيطر عليهم
الآن كلمة الأبناء تمشي
الأباء و الأمهات متعلمين تعليم عالي في الغالب



جيلنا ما عرف يربي ولا وشو السبب
أكيد الزمن تغير
بس فين الأخلاق و العلم و السعادة

كثير أطفال اسمعهم يقولون احنا طفشانين
بالرغم كل وسائل الترفيه عندهم ما في شيء ناقصهم