التربيه لها دور 😁😁

تعالو اقولكم موقف صار اكتشفت ليش الزوج مايقوم يساعد زوجته جوت البيت جبت لك نموذجين وقارنو مين مننا ماتتمنى زوجها يساعدها حتى لو يرتب اللي جنبه ولا يشيل السفره ولا يقوم في عيالها وهي تعبانه اهم شي يساعدها

الأم تلعب الدور في دا كله الام مين اعيدها الأم بقولك النموذجين وشًوفو قصدي .....


النموذج الآول ابوي واخواني الله يحفظهم ..
ابوي اتوفت امه وهو صغير عمره سنتين رباه ابوه ولما كبر كان يساعد ابوه في شغل البيت وحاط يده بكل شي من شغل وتنظيف وعادي يطبخ معاه لأنه امه اتوفت وابوه رباه ع كدا ف لين اتزوج ابوي صار يساعد ماما ويقوم معاها ادا تعبانه حتى الطبخ ادا كانت تعبانه يطبخه ويقدرها بكل شي وينظف ويشتغل ليش لأنه اتعود فماما اتعودت ع كدا ودا الشي منً صالحها فربت اخواني ع كدا موجودين نظفو غرفتكم اكلتو شيلو الاكل ونظفو وراكم وقالت عشان يريحوني ويدعولي حريمهم ادا اتزوجو والرسول عليه الصلاة والسلام كان كدا مع اهله فخلاص اخواني اتربو ع كدا الله يحفظهم ...


النموذج الثاني زوجي .. زوجي امه مربيته ان الولد عيب يشتغل في البيت اتخيلو حتى تشيل منديل من مكانه ياويلك واخواتك وين وتبدأ تخاصم البنات عشان يشتغلو اتخيلو لو اتغدأ الواحد منهم مستحيل يشيل اكله لو ان محد موجود لو جو البنات ولا امه يشيلوه ودا طبع اخوانهم اتزوجت زوجي كان اكره طبعه مرره اتخيلو يصحيني من النوم عشان اشيل اكله ولا يخليه لين اصحًى لو تصير الغرفه زباله مايرفع منديل حاولت اعوده شويتين وبصعوبه اتعود بس يشيل اكله ادا كنت نايمه ولا مشغوله قبل امس كنت اسوي العشاء في بيت اهله وخلصت وكل شي جاً عندي المطبخ اعطيته السفره طلع حطها في الصاله وهاتكم يـ امه محاضره البنات وين انت ليش تشتغل دا مو عيب وساعه وانا في المطبخ من القهر اتحسبت عليها




نصيحه يـ امهات اولادك ربيهم ع مساعدتك واعطيهم نماذج من حياة الرسول عليه الصلاة والسلام خليهم لهم دور كبير في البيت كدا راح يريحوك والله راح يدعولك حريمهم ع تربيتك في المستقبل