التسريحات اليومية للشعر المجعد***شاركونا يا بنات

[
كيف حالكم بنات ؟؟؟؟؟؟؟؟؟؟؟؟ إيش مسوين (خاصة اللي شعرهم خشن)مثلي:42:

أكيد لا حظتوا أن أكثر البنات اللي شعرهم خشن و مجعد يعانون يوميا لمن يسرحون شعرهم حق المدرسة أو الكلية :44:

فعلشان كذا خلونا نتشارك و نكتب تجاربنا و حلولنا و نسأل اللي يعانون من هالمشاكل إذا ما كنا إحنا نعاني منها علشان تعم الفايدة الجميع
و بعد اللي عندها أسماء مستحضرات أو مشاغل تعرف تتعامل مع الشعر (من غير ما تسرق فلوس الناس ) تكتبها

نبدأ بتجربتي الشخصية :42:

من يوم ما كنت نونو في المهد و أمي الله يعافيها تقص شعري ولد (عارفة العذاب اللي يستناها لو طولته) و كنت أرح المدرسة و كأني جاية من أدغال أفريقيا
كبرت شوي و صرت أشوف البنات(ذوات الشعر الناعم الحرير الذي يصل إلى منتصف أظهرهن)و قوي راسي و أبغى أطول شعري
الوالدة الغالية إشترطت علي إني أملسه و وافقت و ظليت أملسه سبع سنوات (و الله ولا كنه فيه تمليس على العكس ناشف و جاف و مقصف و طووووووووووووووووووووووووووووووول الوقت مربوط ذيل حصان سواء في العيد أو غيره و أنا طول الوقت ميتة قهر لمن أشوف غيري كاشخ و فاتح شعره و مسوي حركااااات:06::06::(

قبل سنتين حصل تغيير كبير في حياتي (من ناحي شعري طبعاْ )و قصيته

خلونا نبدأ بالحلول اللي نقدر نتبعها علشان نعمل لنا look مميز

1- إذا كان شعرك قصير ممكن تجعديه عن طريق وضع زيت baby oil على شعرك و هو مبلول علشان يعطيه لمعة ثم وضع جل للشعر (أنا أستخدم الجل حق KMS ) بس طبعا في أنواع كثيرة .


2- إذا كان شعرك متوسط الطول و ينربط و إنت وراك طلعة و ما عندك و قت بللي مقدمة الرأس و سشوريها و بعدين أربطيها مع باقي الشعر (كذا تقدرين تعطين شعرك شوية ترتيب و توفرين و قت)

3- وحدة من زميلاتي شعرها قصير و بعد ما تتسبح ما تنشف شعرها و على طول تحط بديل الزيت حق بانتين بكميات كبيرة على شعرها علشان تجعده و ما تخلي ييبس مثل ما يسوي الجل


4- إذا كان شعرك ينربط و إنت عندك و قت تعدلينه ،أربطيه على ورا و بعين جيبي الكلبات الصغيرة الملونة(clips) و إمسكي خصلة خصلة و ثبتيها من الوسط حول محيط ربطة الشعر و صفيهم جنب بعض لين ما تسوين دائرة.إحرصي أن الربطة تكون في منتصف الرأس مش من تحت

و هذا اللي عندي حالياْ بس أدور لكم إن شاء الله و شاركوني بأفكاركم و حلولكم :27: