التسقية من ملف اطيب الاكلات السورية من تحت دياتي (بالصور)

السلام عليكم ورحمة الله وبركاته اخواتي

اليوم جبتلكم اكلة التسقية وهي اكلة عنا كتير اساسية ع الفطور والعشا وفي فطور رمضان وفيمنها نوعين تسقية بالبدوة او السمن وتسقية بالزيت واليوم عاملة تسقية بالسمنة

ونبدأ بسم الله بالمقادير:

تقريبا علبة حمص مسلوق او معلب اللي موجود - مسبحة واللي طريقتها ع النحو التالي زبدية حمص -زبدية لبن روب - عصرة ليمونة- 2م ك طحينة- فص ثوم-ملح -

بعد المسبحة -نجي للمكون الثالث اللبن الروب - وليمونة - وسمن - خبز مقطع مربعات صغيرة-

الطريقة : بعد ما نسخن الحمص بالمي نصفي المي على الخبز المقطع حتى يتشرب المي وماتبقى من المي نصفيه بعدين نخلط شوية مسبحة ولبن والليمونة مالملح مع بعض فيزبدية ونضيف نصف الخلطة للخبز وبعدين نحط طبقة حمص ونحط فوقها ماتبقىمن خلطة البدوة اللي حضرناها واخيرا نزينها بشوية بقدونس اذا عندك او فليفلة حمرا بودرة واخيرا نكون محميييييييييييييييين السمن كتير ليطلع البخار منها ونطشها ع طول فوق التسقية وصحة وهنا ع فكرة نحنا منحط صنوبركمان ع الوجه بس للأسف ماعندي مشان هيك ما حطيت
https://homepage-uploads.s3-eu-west-1.amazonaws.com/sites/default/files/36_4_16.gif

وبس حبيباتي اتمنى تكون عجبتكن وناطرة ردودكم الحلوةماتحرموني منها