التسنين ممكن يبدا من فوق؟؟

السلام عليكم..

كيف حالكم...

بسألكم لاهنتوا هل عادي التسنين يبدا بالاسنان الي فوق قبل الي تحت :04:
يعني الي فوق ورمت واحس كانه فيه شي ابيض اتخيله اسنان...:35:

بنتي بتكمل سنه ومالها ولا سن

ومن عمرها 4 شهور يقولون لي تسنن وحطي لها محلب ومرة وانا زي الهبلا احط وافرك اللثة الي تحت بضمييييير :44:
وقالوا لي فركي الي فوق بعد بس مافركت الي فوق الا مرة او مرتين بس..

المهم البنت الحين عليها بعض علامات التسنين (تطلع كل فترة واذا حطيت محلب ومرة اختفى كل شي وطابت البنت وراحت السنينات)
والي فوق مورمة واحس فيها اسنان...

معقولة الي يصير يطلع الي فوق والي تحت ماااااااااااااله اثر ابدا؟؟:icon33:

كسرت خاطري بنيتي قبل يعلقون مالها سنون والحين الله يعين اذا شافوا السنون الي فوق..

المهم اذا طلعت الي فوق هل ترجع تطلع الي تحت والاوش يصير مرة ندمانة اني سمعت الكلام وحطيت المحلب..

لان سالنا الدكتورة قالت ماتحطون شي قبل تبدا الاسنان تشششششششششششششق:mad:

انتظر ردودكم طمنوني الوضع عادي والا وش السالفة؟؟!

وهل الي اشوفه اسنان والا من كثر مااهوجس بها قمت اتخيلها
مع اني امي وبنت عمي شافوها وقالوا شكلها اسنان!!