السلام عليكم ورحمة الله وبركاتة
ناوية ان شاء الله اروح الدمام اتسوق من الحين للثياب القرقاعون والعيد
وعندي بعض الاسئلة
من قبل كنا نطلع من البحرين الظهر على 2ونص او 3
بس هالمرة نبغي نروح من الصبح لان ما يمدي نتسوق بس العصر والمغرب
متى يفتحون الصبح والى الساعة كم يصكون
وتالي العصر كم يفتحون
وهل تنصحونا نروح من الصبح لو الظهر افضل
ووهل الحين انحصل اغراض الى القرقاعون وثياب لو ننتظر الى بعدين
الاماكن اللي نبغي نروحها
الحياة بلازا
الهرم بلازا
الثلاجة العالمية
خطوة بخطوة
المخازن الكبرى
والدنيا الصغيرة
خمس الدوائر
هالاماكن متى اوقاتهم يفتحون ويبندون
وقالب الوزير في وين احصله ؟ في عالم التوفير موجود؟
ومشكورين مقدما
سعلة الحلوة @saal_alhlo
عضوة جديدة
يلزم عليك تسجيل الدخول أولًا لكتابة تعليق.
كل المحلات الي ذكرتيها حلوه عندهم حق العيديات واسعارهم معقوله انا قبل رمضان اشتريت من الرياض تمريه عشان تمر الافطار بعشره ريال لقيتها عند الوسام الي بالجلويه مقابل للحياة بلازا بريالين اما الملابس فالمولات افضل من المحلات العاديه ويفتحون من تسع الى صلاة الظهر ومن بعد العصر الى اثنعش باليل
الصفحة الأخيرة
بالنسبه للقرقيعان خذيه من مكسرات غدير عندهم اشكال حلوه وعالم الاحلام عندهم بس علب للقرقيعان فاضيه وحياكم الله