التشات.. مرعى خصيب .. بلا رقيب !!

إستطلاع شخصي: ور*دة الش*وق


كلنا نسمع بالتشات وغرف الدردشة ولكن لا يعلم مايدور فيها الا من يفتح أبوابها ويتلصص عبر نوافذها,وهذا مافعلته هنا!! حيث مكثت فيه يومين كاملين اتنقل من غرفة إلى غرفة وأقرأ الحوارات وأتمعن في (النكَات) المختلفة شكلا ولونا ومعنى بحسب أهداف أصحابها !!
والآن دعونا نفتح نوافذهم المغلقة لنرى ما يدور فيها من خلال هذه الحوارات مع بعض مرتاديه.. وسأنقل لكم بعض الوجع الذي رأيته .. وأحتفظ بالباقي لنفسـي !! وأنا عن نفسي جسدت شخصية الولد بحيث لا يشعرون بأني أنثى ..

((ممكن وحدة))
• ليش سميت نفسك بـ ممكن وحدة ؟

_ بس كذا نك
• بس شكله يوحي أنو دعوة لتشبيك؟

_ يس
• تحس أنك أستفدت منه؟

_ نعم
• طيب أنت طالب وحدة مايكفي اللي شبكتهم وإلا تبي 100 وحدة؟

_ الزود ولا النقص
• ليش ماحددت مواصفات اللي تبي بيضاء أو نحيفة او طويلة وإلا ما توفر شيْ؟

_ مانوفر شيْ
• لو تشبك وحدة وتكتشف أنها أختك أش تسوي ؟

_ أول شيْ أخواتي مايدخلون التشات, ثانيا مافي إلا جهاز واحد في البيت ومعي
• طيب نفترض دخلت من جهاز صديقتها؟

_ ألو ... ألوو
• وينك؟

_ طوط طوط طوط

((نواف رومانسي ووسيم 31سنة))
• احس ان أسمك صالح وعمرك 41 ومعفن

_ كل معلوماتي صحيحة غير الاسم
• أكيد الاسم مسويه عشان تجذب الجنس اللطيف, بس ماتحس ان البنات الحين أذكى من أنهم يصدقون؟

_ لا الجنس اللطيف خلق عشان يصدق
• يعني فادك اسمك في تحقيق ماتصبو إليه؟

_ يس أنا أشبك في اليوم 8 إلى 9 بنات ...
• ماشبعت ....؟

_ للأسف صار مرض
• المشكلة بكرا إذا نشرنا الحوار بتقلب النكات كلها لنواف رومانسي وسيم

_ مو السر بالاسم, السر بالأسلوب ياخيشة!!!!
• أعجبتني خيشة بينت أنو الاسلوب عجيـــــب ..!


((جمعان سواق التريله))
• في الوقت اللي يتسمون فيه الشباب بأسامي رومانسية ليش سميت نفسك جمعان سواق التريله...؟

_ لاني سواق تريلة
• بس ماتحس أسمك منفر للجنس اللطيف...؟

_ وش تبي الحين
• ليش مابحثت عن اسم رومانسي مثل البقية؟

_ سوري لا أبيع أصلي على حساب إرضاء الاخرين
• سؤال أخير ,, أش ايجابيات التشات وسلبياته؟

_ ياخي راعي فضاوة انت ....!!!!!!
• اللي يسمعك الحين يقول إني مشغلك عن صنع الصاروخ اللي تشتغلون عليه انت واصحابك !!!

_ أحس مسوي معي لقاء؟
• وأنا أش مسوي !!

_ مافي إلا انا تسألني ؟
أقول رح كمل سواليفك مع ربعك ياا آينشتايـن !!!


((ليش السعوديات شينات))
• عندي تحقيق عن التشات وودي أدردش معك ؟

_ حقق بعيد عني فاضيلك انا .... باي
• لحظة سؤال واحد بس؟؟

_ وشو..؟
• ماتحس أنو نكك طريقة قديمة للتشبيك , يعني البنات دحين صاروا أذكى من إنهم يردون عليك ويثبتون جمالهم ؟؟

_ ومين قال إني داخل عشان أشبك , داخل نص ساعة اشب عليهم واطقطق على راسهم وأطلع!!!
• طيب كيف حكمت أن السعوديات شينات وإلا من خلال محيطك بس ؟؟

_ انقلع بس .



((ولد حلو موت جاد جدا))
• جاد جدا في إيش؟؟؟

_ شيء في بالي.
• ممكن اعرفه؟

_ خاص شوي.
• معليش احنا ع البرايفت؟؟

_ لا عشان البنات وما البنات.
• تظن ان البنات بيصدقون انك حلو بس عشانك كاتب انك حلو ..!؟

_ أنا ماكتبت إلا واثق .. وأقدر أخليهم يصدقون بأسلوبي .
• طيب تحس ان اسمك يجذب البنات؟؟

_ مو كلهم .. واللي تبغى اوريها صورتي.
• طيب لو وريت لاحد وصار ولد وش تسوي؟؟

_ عــــادي .. احاول لمن أحصل على بنت
• يعجبني سعيك الدؤوب لتحقيق أهدافك!!!!!

_ ههههه هلا بك



((أم ريناد تعرض للجادين بالبطاقة))
• ماتشوفين أنو جسمك أغلى من بطاقة شحن !!

_ إلا ... لاكن محتاجة!
• ليش !!!! تاكلين البطاقات انتي ؟؟؟
• ألووو....
• ألوو..

_طوط طوط طوط



(((لقاء مع مدمن تشات تائب)))
• في البداية ممكن تعرفنا بنفسك وعلاقتك بالتشات؟


_ أبو عبدالله- موظف- عمري 25 تقدر تقول مدمن تشات تائب جلست 3 سنوات مطيح على التشات لكني طفشت منه وتركته والحمدلله من سنتين ما طبيته.
• ممكن تصنف لنا اهداف مرتادي التشات؟


_ الشباب 80 % داخلين يرقمون.. و 10% يدورون مقاطع..و10%داخلين يسولفون وينهبلون (حاط هالنوع عشان اقول إني منهم)
اما البنات : ماتقدر تقسمهم اللي تبي شحن واللي تبي افلام واللي تبي فلوس واللي تبي تسولف واللي تبي تسحب .. الخ
• لفت إنتباهي كثرة نك ( ثلاثيني + صفة).. ما ادري وش السبب؟

_ شوف اول مادخلت كل ماكلمت وحدة وقالت كم عمرك قلت 22 قالت برب ولا عاد رجعت وماشفتها, وكنت مستغرب بعدين سألت وحدة وقالت : حنا دايمن ندور واحد فوق 30 لأن اللي بالعمر هذا يدفع ولا يهمه أما الشباب الصغار ودايم يعقدونا.. كل ماطلبنا شي مثل شحن جوال ولا غيره قال وش المقابل !! ... فإذا شفت أحد حاط عمره ثلاثيني إعرف انه نصاب وعمره مايتعدى الــ 22 .
• هل سبق وان دخلت بنكات نسائية؟

_ عد وأغلط وبصراحة مرة طفشت وقلت ليش ما اجرب وانتحل شخصية بنت وأدور شي يخلي الولد يثق اني بنت اذا كلمني حاولت اقلد صوت بنت بس للأسف الصوت ماساعد وحصلت برنامج يعرض الكام حقت الماسنجر بشكل وهمي وكأنها كام حقيقي وجريته على واحد من العيال وجاء على وجهه حتى اني اتصلت على جواله في وقتها ولا رد علي من كثر انسجامه..!! وبعد نجاح التجربة ذهب الي التشات وبحثت عن ثلاثيني..!!
• طيب كم سحبت من ثلاثيني وش أخذت منهم؟

_ قل كم بقى من ثلاثيني ماسحبته واخذت منهم شحن الين بكرة مع اني ماكنت بحاجته وكان جوالي عام بس استكشاف تجربة .
• ماقد طلبت أشياء أخرى أشياء غير الشحن؟

_ بصراحة صرت كل ما ابغى شيء بجهازي (( برنامج ..تصميم..مشكلة في الجهاز.. الخ)) ادخل الشات واكتب ابه كذا وأحط صورة بنت وأستلم طلبات برايفت .. الكل يقول الفزعة عندي.
• وأيش اغرب موقف صار لك؟؟

_ مره كنت طالب شعار .. وكتبت ابي مصمم يخدمني وجاني واحد عنده مكتب (شهير) في العليا للدعاية والاعلان وما قصر معي سوى لي شعارات كثيرة وقال انتي بس تدللي وأختاري .!!


 تجربتي القصيرةبعد ماسويت اللقاءات ودخلت بنك ( متضايقة) 5 دقايق واتجمعو ربعنا برايفتات اللي يقول سلامتك ياعمري واللي يقول فيني ولا فيك واللي يقول وش فيك يالغالية (ويقولون عيالنا موهم رومانسيين) وطلعت ودخلت بعد فترة بنك (متضايق) وساعتين كاملااات ولا واحد قال عسى ماشر والا وش فيك ..!!



أتمنى ان ينال أعجابكم لقاءي لانو بصراحة تعبت فيه:09: لمن وصلتو لكم بس يكفي إن يكون نال إعجابكم... وكل عام وانتي بخير:)

وردة الشــــ***وق