التشررره

السلام عليكم
انا تعبت من كثر تشره العالم علي تعبت من قلبي انا خلقه نفسيتي تعبانه من تأخر حملي وقللت زياراتي للناس حتى اهلي واهل زوجي لان باختصار كل زياراتي لهم دق بالحكي وسوالف عن الحمل والولادة والاطفال ! وفلانه حامل وفلانة بتولد وشي يقهر الخاطر يحاسبوني على تاخر حملي كاني السبب طبعا التاخير من زوجي بس ماحد يدري ابدا احترام لرغبته وانا مأيدته على هالشي عشان نعالج براحتنا بدون حكي العالم ووالله احبهم كلهم بس يتعبوني بالكلام واضطر اني ما ازورهم الا بعد كم اسبوع وازورهم ويدي مليانة بس اشوفهم يتشرهون ليه تقطعني وليه ما تجين وليه الرسمية بينا والله ارجع بيتي انهار بكي هذي مو انا احب الناس والاجتماعات بس تاخر حملي غير نفسيتي صرت مشغولة تماما بالعلاج انام واصحى على طاري الحمل هو كل همي مع اني مشغولة بدوامي لاخر حد الا ان مشاعر الامومة جياشة لكن انا فيني تأنيب ضمير اذا تاخرت ماجيتهم اشتاق لهم واذا جيتهم اكره الساعه واليوم اللي زرتهم فيه بسبب كلامهم حاولت المح انه يجرح وانه ماحد له دخل بخصوصية الاخرين حتى لو اهل ولكن مع الاسف مافادد والله صرت وحيدة ذبحني الهم والحزن والضيق ولا احد فاهمني تاخر الحمل والله محد يفهم شعورك الا المجربييين يارب فرجك