اخباركم يا بنات واخبار رمضان معكم ما تنسو ذكر الله والصلاه على سيدينا محمد عليه الصلاة والسلام كل مرة بتصلي عليه بتاخدي 700 حسنة باذن الله فكيف لما تحكي سبحان الله وبحمده سبحان الله العظيم
نرجع لموضوعنا هاي الاكلة بصراحة ما بستغني عنها برمضان ومن اكثر الاكلات اللي بكررها لانها بجد طيبة
خلينا نبدا باسم الله:
المقادير:
لحم ممكن بعظم او او شقف انا استعملت راس عصفور لاني ما بحب اللي بعظم
خبز رقاق او ايراني انا استعملت اليوم ايراني
خضارحبة من كل من(كوسا بطاطا باذنجان )
قرع
حبتين لومي اسود
4 حبات قرنفل
ثلث ملعقة صغيرة هيل مطحون
حبات هيل لسلق اللحمة
بصلة
3 او 4فصوص ثوم
حبة بندورة كبيرة
الطريقة:
اسلقي اللحمة وحطي مع ماء سلق اللحمة حبات من الهيل وبصلة صغيرة
قطعي الباذنجان قطع كبيرة والكوسا دوائر كبيرة واقليهم ممكن تحطيهم من غير قلي بس انا بحبهم مقلي وضعيهم على ورق تنشيف الزيت
ثم قطعي البصلة والثوم وبنقلبهم بشوية زيت حتى يتذبلو
ثم قطعي البطاطا كبير وقطعي البندورة وضعيهم على البصل وضعي اللومي والقرنفل والهيل وقلبيهم
ثم ضعي ماء سلق اللحمة مع مكعبة ماجي على الخضار( اذا ما استوت اللحمة 100% حطيها مع الخضار اما اذا استوت خليها على جنب وبالآخر بتحطيها على شان تاخذ الطعم)
لما تستوي البطاطا نصف استواء حطي الباذنجان والكوسا و6 قطع من القرع المقطع كبير(انا بقشر القرع وبقطعو كبير وبحطو باكياس الحفظ وبفرغ الهوا منو وبفرزو وبطلع وقت الحاجة)
وخليها لما يستوي القرع انتبهي ما يذوب
ثم قعي الخبز في طبق التقديم
ثم اسكبي بملعقة السكب الخضار اللي جهزناها استمتعي بطعم لذذذيذ وحلاوة هاي الاكلة انها بتتاكل بالايد مو بالملعقة
ان شاءالله يكون عجبكم واي سؤال انا بالخدمة اختكم ام محمد
سبحان الله وبحمده سبحان الله العظيم