التشققات بدت تروح والحبوب بعد ..

السلام عليكم ..
أهلييييييييين بنات .. بنات بدون مقبلات ولا مقدمات كثرة الهرج مهيب زينه .. على قولة راكان بن حلثلين ..
ماقل دل وزبدة الهرج نيشان .. والهرج يكفي صامله عن كثيره

بنااااااااااااااااات أنا أقول لكم التشققات بدت تروح يعني ماراحت كلياً
بس إختفت بنسبة 70% وذا شي حلو :29: ..
والحبوب راحت بنسبة 85% ..
وأنا بنت عانت من التشققات والحبوب من 6 سنوات ..
ولعلمكم محد وداني أتعالج :29: ..
شديت العزم على نفسي وقلت لازم أعالج نفسي .. درست تمريض والحمدلله أنا الحين فيه
وتعلمت أشياء كثيره حنا كنا متجاهلينها وأهلنا مافتحوا عيونها عليها .. منول كنت أكره السلطاااات ولا أفكر فيها ..
الحين صار غذائي الأساسي عليها السلطه .. ترى لها معفول رهيب لأنه فيها ألياف تساعد على بنات الأنسجه المتشققه .. ولازم تخفوون من الدهون وتحاولون إنكم ماتتعشون في الليل عشا ثقيل .. تبون الصدق تراني ما أتعشى كل يوم يعني حول مره في الأسبوع أتعشى فيها ولا تنسون بعد الفواكه كثروا منها.. شي ثاني وهو المهم .. المااااء يابنات .. تدرون إنه الحد الأقصى لكميه المويه هي 3 علب صغيره من مياه الصحه .. وحنا لو نحسب الكاسات حقتنا ماتتعدى العلبه والنص :29: يعني مااااااش ..
لازم تشربين مويه واجد .. وشي ثاني صرت كل يوم ألهم ( حبة البركه ) وأشرب معها موية ورد .. وصرت أتنظف من الدوره وذا يساعد بشكل كبير ..
وأتروش كل يوم وسويت ثلاث مرات حمام بملح خشن وتنقعت فيه .. وحطيت معه ديتول

:32: لوني مسويتها كل يوم كان صرت عروس .. بس لأني والعالم الله مشغوله من راسي لرجليني ماتتخيلون النتيجه يابنااااااااااااااااات روعه روعه روعه في حقها قليل ..
وصرت أستخدم تقشير الجسم لخلطة صموته الله يعطيها العافيه ..
ليفة بودي شوب + زيت اللوز المر + ملح .. وهات يافرك والله العظيم نتايج ولا أحلى ..
بس الصبر والعزيمه يابناااااااااااات

بنات من أهم أسباب التشققات هي الجفاف فا إلي عندها بنت على وشك البلوغ ( وش رايكم بس في كلمة وشك خخخخخخخخخخخخخخ ) ..
خلوها ترطب جسمها كاااااامل وبالذات تركز على الأرداف والصدر والزنود ..
وإلي تشققت ولا تخيطت ---> أقول الخلا :29: ..
تمرخ جسمها بذا الشي .. ( زبدة الكاكاو + زيت البابونج + زيت المر )
وتمرخه وياليت تكثرون حركه يعني تحركوا من قلب ..
حنا في التمريض حركتنا أقل شي بين 6 ساعات متواصله :29::29: ..
والله إني ما أوصل البيت إلا وأنا رايحتن وطي ..

بنات والله ثم والله إني ماكتبت ذا الأشياء إلا يومن شفت نتاااااايج
بنات مهنا شي يطلع بالساااهل .. لازم نتعب عشان نحصل على نتايج مرضيه
من أبسط الأمثله هي .. عمركم شفتوا أحد أخذت في إمتحان الثانويه العامه 99% من غير مايتعب طول السنه ويذاكر ؟؟ هاه إقتنعتوا ياحبي لكن ..
إلحقوا على أعماركن .. وإدعوا لي بصلاح النيه والذريه والزوج الصالح :23: ..