..::كيف نشقر بحترافيه::..
نزلت الموضوع ثاني مره ..بس ماراح اجاوب ع الاستفسارات ..لاني جاوبت عليها كلها في الموضوع الاول ..
الي تبي تستفسر عن شي ..تدخل الموضوع وتلقا ظالتها :35:
انا انسانه ماحف وجهي لعده اسباب :
1- يعور
2- يعور
3-يعور
4- مايمديني احف ولا قب فيسي حبوب ويافرحه ماتمت
وللاسف بعترف اني التشقير كفايه بالنسبه لي
بس اللقافه هي الي خلتني اجرب الحف وماستفدت ..
نــــبدأ بالادوات :
1- المشقر والسر هنا مشقر الصالونات
يعطي شعره بيضا ومو صفرا
اشتريه من قزاز يمكن بشي وسبعين
طبعا انا اخذ البودره البيضا مكتوب على غطا العلبه
وصورته لكم ..
الادوات الي نحتاجها مثل الصوره
وعاء ، فرشه ، ملعقه القياس
شوفي الملعقه فيها قياسات وهذا شي مهم جداًًً
.
.
v
3- الفازلــــين .. وفايدته راح يكون مثل العازل بين بشرتك والمشقر ..
4- " مكعبات ثلج " وانا استخدم مكعبات ماي البقدونس والنعناع ..
1- نوزع الفازلين على الوجه كلو كلو
ونمده بعكس اتجاه الشعر
2- ناخذ البودره بالملعقه انا اخذت نوص المعلقه ونحطها بالوعاء
3- ناخذ دبل البودره بروكسيد ..
ونحطه ع البودرهـ
ملاحظــــه :
لا تخبطين من عندك وتحطين على كيفك
المقادير وااضحه :
مقدار واحد بودره مقابل مقدارين بروكسيد
4- نخلطهم زييين زييين
شوفي كيف قوامه بيصير ..
6- نبدا نوزعه ع الوجه / الجســم ..الي تبين ..
نخليه 10 دقايق ربع ساعه فقط
غسلي يور فيس بماي باااارد
وجيبي الثلج ومشيها على وجهك ..
وانعمي بوجه خالي من الشعر بسبب ان الشعره لونها ابيض وماراح تبين ..
ملاحظات مهمه ولازم تقرونهــــا :
1- اذا وجهك فيه حبوب لا تشقرين
2- وجهك حساس لا تشقرين
3- تسوين بيلنغ لوجهك لاتشقرين
انا مرات احط مرهم طبي يخفف الاحمرار
بس اهم شي لا تحطين اي شي عطري على وجهك ولا تسكربينه
ودقايق بالكثير ساعه وبيروح الاحمرار
تذكري الموضوع لمصلحتك اذا ماناسبك التشقير او هيج وجهك لا تدعين على
لاني ماعرفك وما اسعى لاني اشوه جمالك اليوسفي خخخخ
حطيت هالموضوع للي تبي تستفيد ّّّ
واتمنى تتقبلون الموضوع ..
وحيأأأأأكـــــــــم