اليوم مسويه تشيز كيك بالفرواله شكله جميل ومشهي وطعمه برضه جميل ولذيذ بس انا ماكان في بالي اني انزل الطريقه هنا لاني ماصورت المقادير بالتفصيل وبالصور بس لما شفته ماشاءالله شكله طلع مزبوط فصورت الشكل النهائي فاتشجعت اني انزل الموضوع وطريقته مررره مره سهله والمقادير متوفره ومش مكلف يعني اي وقت حتسويه
المهم <<<بس لازم يكون لما تعمليه يجلس في الثلاجه قبل بيوم ليعطي نتيجه افضل ويكون متماسك يلا نجي
للمقادير :
بسكويت اوريو +بسكويت شاي مطحون كميه متساويه +زبده هذه للقاعده
مقادير الطبقه الثانيه
1-علبه قشطه الحجم العادي
2-باكو كريمه دريم ويب او اي نوع يشابهه
3-جبنه مربعات اي نوع 4-حبات -يعني حسب الي موجود عندك مراعي او كيري او اي نوع انا استخدمت جبنه ابو ولد المربعات
4-نص باكو جلي فراوله مذوب في نصف كأس ماء مغلي
الطبقه الثالثه والاخيره
1-نص باكو جلي فراوله
2-فراوله طازجه او مثلجه من 5-8حبات
3-كاس ماء
نجي للطريقه :
اولا نحضر طبق التشيز كيك المعروف ويكون موكبير ولاصغير مررره اصغر من الوسط ونضع البسكوت مع الزبده في الطيق مع الظغط عليه برفق ومو مره تضغطو عليه علشان مايكون قاسي عند التقطيع ونحضر الطبقه الثانيه بخلط الكريمه حسب الطريقه المعروفه لين تنفش ويتضاعف حجمها نضع القشطه مع الجبنه والجلي المذوب بس اهم شي ان الجلي يكون مو ساخن لازم نخليه يفتر بعد مانذوبه في الماء المغلي لكي لايخرب علينا الكريمه ونخلط المقادير كلها بالخلاط الكهربائي لمده عشر دقائق وثم نضعها فوق الطبقه الثانيه ونضعها في البراد وعندما تتماسك نحضر الطبقه الاخيره وهي بخلط الجلي مع الماء وحبات الفراوله لين يغلي ونشيله من على النار ونتركه لين يبرد ونضعه على التشيز كيك ونضعه في البراد لمده يوم كاااامل
وهذه الصور
امعليش اصور مو واضحه مررررره بس كل همي انه يعجبكم وزي ما انا استفدت كثثثثثير منكم فحبيت اني افيدكم ولوا بشي بسييييييط :)
