الله يطمنك رحت ابحث عشان اشوف اخبارك طمنينا

الله يقومك بالسلامه

الله يقومك بالسلامه

عليك بالدعاء وكثره الاستغفار والصدقه

انا موعدي اللي راح قالت الدكتوره المشيمه عندك نازله
بس ماقالت ملتصقه و قالت ان شاء الله ترتفع
هل في فرق بين المشيمه النازله والمشيمه الملتصقه
اللي يطمنا ويريح قلوبنا ويحفظنا لعيالنا ويقومنا بالسلامه

السلام عليكم الله يسهل عليك اختي وان شاء الله ما يصير الا كل خير باذن الله
انا والدة من حوالي عشر شهور الولادة الثانية (والاولى قيصري )وكانت المشيمة نازلة ومنغرسة بجدار الرحم وكان يجيني نزيف بعض المرات ونوموني من الشهر السابع ولما تكرر معي النزيف قرروا يسوون لي العملية بنص الثامن وكانوا قايلين لي عن كذا وموقعة ورقة عن احتمال النزيف الشديد والاجراءات الي راح يسوونها ومنها اذا استمر النزيف الشديد يسوون ربط للشرايين المغذية للرحم او ازالة الرحم وكانت نفسيتي تعبانة مرة من كذابس كنت الجأ لقراءة القران والاستغفار وسماع اذاعة القران واشغل نفسي باي شي حتى ما افكر..او اسولف مع الي منومات معي وطبعا ما بلغت الا زوجي بهالكلام وقال الدكتور لما شافني خايفة ان النسبة قليييييلة مرة الي نشيل لهم الرحم بس احنا نبلغ المريضة كاحتياط علشان لو صار كذا لا سمح الله ما تتفاجأ
وبعد العملية قالوا لي الاطباء اني نزفت نزيف شديد ونقلوا لي اربع اكياس دم بس الحمدلله ما استأصلوا الرحم بس سووا لي ربط الشرايين علشان توقف النزيف وقال الدكتور انها مع الوقت ترجع طبيعية باذن الله
طولت عليك وماودي اخوفك بس قلت لك قصتي حتى تتاكدين ان الاطباء يقولون لك جميع الاحتمالات علشان يكون عندك خبر بحالتك بس في النهاية الشي بيدرب العالمين فالجأي له وادعيه وكثري استغفار والله يسهل عليك