السلام عليكم ورحمه الله وبركاته
قرأت كثير في المنتديات واطلعت كثير
لكن فيه اشيا يابنات ماعمري قريتها ولا كتبت في المنتديات
نقرا دايما عن الذوق والاتيكيت وغيره وغيره ..
بس مازالو الحريم يتصرفن بتصرفات جدا غبيه وخاطئه ومخجله احيانا
اللي ابي اوصله وش رايكن نكتب هنا التصرفات الي شفناها من بعض الحريم والبنات وغير لائقه ونسعى الى ان نصحح هذه الاخطاء
بانفسنا اولا ثم بالقريبات مننا سواء اخت او صديقه الى ان تتوسع بنا الدائره ويصير اغلب التصرف والسلوكيات في المجتمع النسائي الى الافضل
محد خالي من عيوب او اخطاء ولكن الخطأ هو التكرار والاستمرار على نفس الخطا
مثلا.. اخطاء في التصرف يصير بين الاخوه في البيت يعني الاخت مع اخوها
او خطا التصرف مع اهل زوجها او اخوانه او قرايبه
وايضا اخطاء الزيارات والعزومات
واخطاء العلاقات العامه في اماكن العمل او حتى في الملاهي او السوق
كثييييييير كثييييير نشوف
شرايكن نسوي حمله عن طريق النصح في كل مكان سواء في النت او بالكلام الجهري بوسط المجتمعات النسائيه في المدارس وفي الكليات وفي الدوامات وحتى في العزومات
عشان تتعدل هذه الاخطاء ويصير مجتعنا ارقى
ابي كل وحده هنا تحط موقف غبي شافته !!!
ايه ( غبـــــي ) لاتستغربون هالكلمه لاننا نشوف نساء يحملن الشهادات العليا ويتصرفن بغير لباقه والسبب يكون انو اسلوب تربيتها كذا وتعودت عليه معليش لو كل وحده تصلح وتعدل اخطاء متعوده عليها
راح ابداء في الموضوع واتمنى الاقي تفاعل معي في المشاركات. مو عشان شي وربي
عشان نحد من الاخطاء ونقلل منها
* في السوق اشوف احيانا حرمه تشتري اغراض وكان المحل ما فيه احد غيرها يتسوق
ماتراعي وجود رجال او انه يكون صاحب المحل ماهو سعودي فـ تبيع الحياء
مايهما شي!!!
مثلا تلاقيها تنزل تاخذ حاجه من الرف السفلي او انها تكون حاطه بعض اغراضها على الارض ولما تجي تشيلهم ايش تسوي ترررررركع عشان تاخذ الاغراض. او اذا كانت تناظر للاكسسوارت الي في الرف الاخير من الطاوله تقوم تسوي هذه الحركه
تخيلتو مظهرها كيف ؟ اذا كان جسمها كبير وبارز من الخلف
تخيلتوا !!
حرام نظلمها او نظن بسؤ لانهم اثم
ولكن تصرفها بعفويه وغباء ماتحاسب للعواقب
المفروض= انها تجلس بخفه تشيل حاجياتها وتقوم بسرعه ماتركع وتصير فرجه للرايح وللجاي
والاشيا الي نشوفها بالسوق والاماكن العامه كثييييييييييييييييييره
الصوت العالي والقهقهه والي تنادي عيالها بصوت عالي كانها بالبيت وتاشر بيدها ترفعها لفوق كان المكان مافيه الا هي وينفصخ كم العباة ولا همها شي
والي تحط رجل فوق رجل والسقيان باينه كانها تقول شوفوني ياناس ؟؟
ولما تشرب المويه من تحت النقاب يرتفع ابو النقاب كله والرقبه والنحر واضح
والناس رايحه وجايه للفرجه
ماتقدري تغمضي عيون الناس عنك. الا باحترامك لتصرفاتك؟ صح والا لا
* وفي الجموعات والعزومات او حتى في الدوام تجيكي وحده تتكلم مع وحده وتدخل وحده ثالثه تقاطعها في الحكي بدون استذان .طبعا المضطره للمقاطعه لاباس
والا تجي وحده تجلس ويكونو الجلوس يتحدثون في موضوع وهي مالحقت الى على اخره ثمن تقول وشو وش قلتو؟
عشان يعاد لها الموضوع
* وحده متزوجه ومع اهل زوجها ساكنه بنفس البيت
تصير تمون على اخو زوجها الغير متزوج وتتدخل في اختيارته وذوقه مثلا
والي متزوج بعدها تقوم تمون على بنت الناس وتسولف لها عن اخبار زوجها الي هو يصير (حماها )وماضيه قبل الزواج.
فيه اشيا كثييير كثييير كثييييييير
الي ابيه منكم يابنات تكتبون الاخطاء عشان الكل ينتبه ولا يكررها وتكتبون الحلول ان وجدت
وباذن الله ننجح ونحد من السلبيات والاخطاء والتصرفات العشوائيه والغبيه
ونكون مجتمع نسائي راقي
وشكرا
علامة تعجب ! @aalam_taagb_4
عضوة جديدة
يلزم عليك تسجيل الدخول أولًا لكتابة تعليق.
RaghoOoDah}~22
•
جد صاادقه ... ولا البنات اذا ركضوا بالسوق << شيحسون فيه بالله
من راقب الناس مات هما :) !!
الكل عاقل وعارف اذا هالتصرف صح او غلط !!
خليك بحالك ياقلبي ماراح تقدرين تغيرين كل هالششعب من موضوع بسيط في عالم حواء :)
الكل عاقل وعارف اذا هالتصرف صح او غلط !!
خليك بحالك ياقلبي ماراح تقدرين تغيرين كل هالششعب من موضوع بسيط في عالم حواء :)
من راقب الناس مات هما :) !! الكل عاقل وعارف اذا هالتصرف صح او غلط !! خليك بحالك ياقلبي ماراح تقدرين تغيرين كل هالششعب من موضوع بسيط في عالم حواء :)من راقب الناس مات هما :) !! الكل عاقل وعارف اذا هالتصرف صح او غلط !! خليك بحالك ياقلبي ماراح...
يا اختي ( نجلاء الدجه ) الهدف من الموضوع ماهو مراقبه وتريقه واستهزاء بالناس
الانسان ماهو معصوم من الخطاء والعيوب في كل شخص
وانا قلت نبدأ بانفسنا ثم مع الي حوالينا
يعني لما انتبه على خطأ بدر مني وهو بحسن نيه وبدون مقصد سيئ ولكنني بهذا التصرف ازعجت من حولي سواء نساء كبار او رجال او اطفال او حتى غير سعودين . ماهو عيب انني اصلحه واكون راقيه في تعاملي مع الغير وبتصرفاتي
محد يشوف عيوب نفسه ( ورحم الله امرأ اهدا لي عيوبي )
هنا هدفنا من خلال عالم حواء
نساعد بعضنا البعض ونذكر وننبه
وانتي تعرفين مدى شعبيه ونجاح هذا المنتدى في السعوديه وفي الخليج راح يكون الموضوع يوصل لشريحه كبيره من النساء
ويمكن يطلع من المنتدى الى البلاك بيري وغيره وغيره .. بدل ماتستخدم التكنولوجيا السريعه في النكت والتفاهات تستخدم للتذكير والتنبيه
واذا تلاحظي انو اكثر موسوعه النكت على تصرفات النساء سوا في الاعراس او العلاقات الزوجيه او حتى في الاسواق والاماكن العامه ؟؟ صح والا لا
واذا ماعجبك موضوعي براحتك لاتقرأيه مره ثانيه ولا تشاركي ولا تطبقي شي من المكتوب فيه
انتي حره منتي بمجبوره
هدفنا هنا التنبيه فقط على الاخطاء لان بعضها مخالف حتى للسنه والعادات والتقاليد العربيه نظرا للتوسع الاعلامي والتاثر بعادات اخرى.
واذا تلاحظي تجمعات البنات المراهقات ماتخلو من الاخطاء الاجتماعيه والدينيه قلت نسبه الاحترام قل التعاون قل وقل وقل .. من السبب؟؟؟
من المسؤؤل؟؟
هنا فقط نذكر الاخطاء ونتعاون على ايجاد الحلول
انا ماقلت راقبو الناس وتعالو نتريق عليهم هنا ؟؟؟
هنا مانعرف بعض ولكن فوقنا رب الخلق اجمعين ويعرفنا كلنا
الانسان ماهو معصوم من الخطاء والعيوب في كل شخص
وانا قلت نبدأ بانفسنا ثم مع الي حوالينا
يعني لما انتبه على خطأ بدر مني وهو بحسن نيه وبدون مقصد سيئ ولكنني بهذا التصرف ازعجت من حولي سواء نساء كبار او رجال او اطفال او حتى غير سعودين . ماهو عيب انني اصلحه واكون راقيه في تعاملي مع الغير وبتصرفاتي
محد يشوف عيوب نفسه ( ورحم الله امرأ اهدا لي عيوبي )
هنا هدفنا من خلال عالم حواء
نساعد بعضنا البعض ونذكر وننبه
وانتي تعرفين مدى شعبيه ونجاح هذا المنتدى في السعوديه وفي الخليج راح يكون الموضوع يوصل لشريحه كبيره من النساء
ويمكن يطلع من المنتدى الى البلاك بيري وغيره وغيره .. بدل ماتستخدم التكنولوجيا السريعه في النكت والتفاهات تستخدم للتذكير والتنبيه
واذا تلاحظي انو اكثر موسوعه النكت على تصرفات النساء سوا في الاعراس او العلاقات الزوجيه او حتى في الاسواق والاماكن العامه ؟؟ صح والا لا
واذا ماعجبك موضوعي براحتك لاتقرأيه مره ثانيه ولا تشاركي ولا تطبقي شي من المكتوب فيه
انتي حره منتي بمجبوره
هدفنا هنا التنبيه فقط على الاخطاء لان بعضها مخالف حتى للسنه والعادات والتقاليد العربيه نظرا للتوسع الاعلامي والتاثر بعادات اخرى.
واذا تلاحظي تجمعات البنات المراهقات ماتخلو من الاخطاء الاجتماعيه والدينيه قلت نسبه الاحترام قل التعاون قل وقل وقل .. من السبب؟؟؟
من المسؤؤل؟؟
هنا فقط نذكر الاخطاء ونتعاون على ايجاد الحلول
انا ماقلت راقبو الناس وتعالو نتريق عليهم هنا ؟؟؟
هنا مانعرف بعض ولكن فوقنا رب الخلق اجمعين ويعرفنا كلنا
الصفحة الأخيرة